ಗಮ್ಯದತ್ತ ಸಾಗುತ್ತಿದೆ ಚಂದ್ರಯಾನ-3 – ಚಂದ್ರನ ಮೇಲೆ ರೋವರ್ ಕಾಲಿಡೋದು ಯಾವಾಗ ಗೊತ್ತೆ?
- ಕೌತುಕ-ವಿಜ್ಞಾನ
- July 27, 2023
- No Comment
- 253
ನ್ಯೂಸ್ ಆ್ಯರೋ : ಜುಲೈ 14ರಂದು ಆಂಧ್ರದ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆಗೊಂಡ ಚಂದ್ರಯಾನ-3 ಬಾಹ್ಯಾಕಾಶ ನೌಕೆ ತನ್ನ ಗಮ್ಯದತ್ತ ಸಾಗುತ್ತಿದೆ. ಸದ್ಯ ಇಸ್ರೋ ಬಾಹ್ಯಾಕಾಶ ನೌಕೆಯ ಮಾಹಿತಿಯನ್ನು ಕಲೆ ಹಾಕುತ್ತಿದೆ.
ಇಸ್ರೋ ಹೇಳಿದ್ದೇನು?
ಚಂದ್ರಯಾನ-3 ಸದ್ಯ ಭೂಮಿಯ 5ನೇ ಕಕ್ಷೆಯಲ್ಲಿದ್ದು, ಭೂಮಿಯನ್ನು ಸುತ್ತುತ್ತಿದೆ. ನಿರೀಕ್ಷೆಯಂತೆ ಆಗಸ್ಟ್ 1ರಂದು ಚಂದ್ರನ ಕಡೆಗೆ ಪಯಣಿಸಲಿದೆ.
ಜುಲೈ 31 ಮತ್ತು ಆಗಸ್ಟ್ 1ರ ರಾತ್ರಿ ಚಂದ್ರಯಾನ-3 ಭೂಮಿಯ ಕಕ್ಷೆಯಿಂದ ನಿರ್ಗಮಿಸಿ ಚಂದ್ರ ಕಕ್ಷೆ ಸೇರಲಿದೆ. ಬಳಿಕ ಚಂದ್ರಯಾನ-3 ಆಗಸ್ಟ್ 23ರಂದು ಚಂದ್ರನ ಮೇಲ್ಮೈಗೆ ಇಳಿಯಲಿದೆ.
ಸುಮಾರು 40 ದಿನಗಳ ಬಳಿಕ ಚಂದ್ರಯಾನ-3 ಚಂದ್ರನನ್ನು ತಲುಪುತ್ತದೆ. ಹೀಗಾಗಿ ಇಸ್ರೋ ವಿಜ್ಞಾನಿಗಳು ಪ್ರತಿಯೊಂದು ಚಲನವಲನವನ್ನು ನಿರಂತರ ಗಮನ ಹರಿಸುತ್ತಿದ್ದಾರೆ.