ಮಾವಿನ ಎಲೆ ಸೇವನೆಯಿಂದ ಏನೆಲ್ಲ ಲಾಭ ಇದೆ?; ಈಗಲೂ ಅನೇಕ ರೋಗಗಳಿಗೆ ಮದ್ದು ಮಾವಿನ ಎಲೆ

ಹಣ್ಣುಗಳ ರಾಜ ಮಾವು.. ಅದರ ರುಚಿಗೆ ಯಾವುದೇ ಹಣ್ಣು ಸಾಟಿ ಆಗಲ್ಲ. ಮೇಲಾಗಿ ಮಾವಿನ ಹಣ್ಣಿನಲ್ಲಿ ಪೋಷಕಾಂಶಗಳೇ ಹೆಚ್ಚು. ಜನರು ಮಾವು ಮತ್ತು ಹಣ್ಣುಗಳನ್ನು ತಿನ್ನಲು ಇಷ್ಟಪಡ್ತಾರೆ. ಆದರೆ ಮಾವಿನ ಎಲೆಗಳಲ್ಲೂ ಹಲವಾರು ಔಷಧೀಯ ಗುಣಗಳಿವೆ.

ಮಾವಿನ ಎಲೆಗಳಲ್ಲಿ ವಿಟಮಿನ್ ಸಿ, ಬಿ ಮತ್ತು ಎ ಸಮೃದ್ಧವಾಗಿದೆ. ಅನೇಕ ಇತರದ ಪೋಷಕಾಂಶಗಳಿಂದ ಕೂಡಿದೆ. ಹೆಚ್ಚಿನ ಪ್ರಮಾಣದ ಫ್ಲೇವನಾಯ್ಡ್ಸ್​​, ಫೀನಾಲ್‌ ಸೇರಿದಂತೆ ರೋಗ ನಿರೋಧಕ ಶಕ್ತಿಯ ಗುಣವನ್ನು ಹೊಂದಿದೆ. ಹಾಗಾಗಿ ಇದು ಅನೇಕ ಆರೋಗ್ಯ ಸಮಸ್ಯೆಗಳನ್ನು ನಿವಾರಿಸುತ್ತದೆ. ಮಾವಿನ ಎಲೆಗಳ ಚಹಾ ಪ್ರತಿದಿನ ಕುಡಿಯುವುದರಿಂದ ತೂಕವನ್ನು ತ್ವರಿತವಾಗಿ ಕಳೆದುಕೊಳ್ಳಬಹುದು. ಮಾವಿನ ಎಲೆಯ ಚಹಾವು ಚಯಾಪಚಯ ಕ್ರಿಯೆಗೆ ಹೆಚ್ಚು ಸಹಾಯ ಮಾಡುತ್ತದೆ. ಇದೇ ಕಾರಣಕ್ಕೆ ಆಯುರ್ವೇದ ಮಾವಿನ ಎಲೆಯನ್ನು ಹೆಚ್ಚು ನಂಬುತ್ತದೆ.

ಏನೆಲ್ಲ ಲಾಭ ?

• ಮಾವಿನ ಎಲೆಗಳ ಸೇವನೆಯಿಂದ ಜೀರ್ಣಕ್ರಿಯೆ ಸುಧಾರಿಸುತ್ತದೆ
• ಎಲೆಗಳಲ್ಲಿರುವ ನಾರಿನಂಶವು ಅಜೀರ್ಣದಂತಹ ಸಮಸ್ಯೆಗಳ ನಿವಾರಣೆ
• ದೇಹದಲ್ಲಿ ಹೆಚ್ಚುವರಿ ಕೊಬ್ಬು ಸಂಗ್ರಹವಾಗುವುದನ್ನು ತಡೆಯುತ್ತದೆ
• ಸಕ್ಕರೆ ಅಂಶವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲು ಸಹಾಯ ಮಾಡ್ತದೆ
• ರಕ್ತದೊತ್ತಡ ನಿಯಂತ್ರಣದಲ್ಲಿಡಲು ಮಾವಿನ ಎಲೆಗಳ ಸೇವನೆ ಒಳ್ಳೆಯದು
• ಮಾವಿನ ಎಲೆಗಳು ಕ್ಯಾನ್ಸರ್ ವಿರೋಧಿ ಗುಣಗಳನ್ನು ಹೊಂದಿವೆ
• ಚರ್ಮವು ಆರೋಗ್ಯಕರ.. ಕಿರಿಕಿರಿ ಮತ್ತು ದದ್ದುಗಳಂತಹ ಸಮಸ್ಯೆ ಬರಲ್ಲ
• ಈ ಎಲೆಗಳ ಸಾರವು ನೀವು ಹೆಚ್ಚು ಯಂಗ್ ಆಗಿ ಕಾಣಲು ಸಹಾಯ ಮಾಡ್ತದೆ
• ಮಾವಿನ ಎಲೆಗಳು ಕೂದಲಿನ ಸಮಸ್ಯೆಗಳನ್ನೂ ನಿವಾರಿಸುತ್ತದೆ

ಮಾವಿನ ಎಲೆಗಳ ಬಳಕೆಯಿಂದ ಮಧುಮೇಹ ನಿಯಂತ್ರಣಕ್ಕೆ ಬರುತ್ತದೆ. ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ಸಮತೋಲನದಲ್ಲಿಡಲು ಸಹಾಯ ಮಾಡುತ್ತದೆ. ಹೀಗಾಗಿ ಮಧುಮೇಹಿಗಳು ಮಾವಿನ ಎಲೆಗಳನ್ನು ಬಳಸುವುದು ಒಳ್ಳೆಯದು. ಮಾವಿನ ಎಲೆಯ ಚಿಗುರನ್ನು ಕರಿಬೇವಿನ ರೀತಿಯಲ್ಲಿ ನೀವು ಅಡುಗೆಯಲ್ಲಿಯೂ ಬಳಸಬಹುದಾಗಿದೆ. ಇದರಿಂದ ಆಹಾರದ ಪರಿಮಳವನ್ನು ಉತ್ತಮಗೊಳಿಸುವುದರ ಜೊತೆಗೆ ಆರೋಗ್ಯ ಮತ್ತು ರುಚಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಮಾವಿನ ಎಲೆಗಳ ಪುಡಿಯನ್ನು ಮೂತ್ರಪಿಂಡದ ಕಲ್ಲುಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ಇದು ಮೂತ್ರಪಿಂಡದ ಕಲ್ಲುಗಳು ಕರಗಲು ಸಹಾಯ ಮಾಡುತ್ತದೆ. ಈ ಮೂಲಕ ಮೂತ್ರ ವಿಸರ್ಜನೆಯಲ್ಲಿ ಕಲ್ಲಿನ ಅಂಶಗಳನ್ನು ದೇಹದಿಂದ ಹೊರಹಾಕಲು ಅತ್ಯುತ್ತಮ ಪದಾರ್ಥವಾಗಿದೆ.

ಕೆಲವು ಮಾವಿನ ಎಲೆಗಳನ್ನು ತೆಗೆದುಕೊಂಡು ಒಣಗಿಸಿ. ಅವುಗಳನ್ನು ಪುಡಿಮಾಡಿ ಮತ್ತು ನೀರಿನಲ್ಲಿ ಮಿಶ್ರಣ ಮಾಡಿ. ರಾತ್ರಿಯಿಡೀ ನೀರನ್ನು ಇಟ್ಟುಕೊಳ್ಳಿ ಮತ್ತು ಪ್ರತಿದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ. ಇದರಿಂದ ಕಿಡ್ನಿ ಸ್ಟೋನ್‌ ಕರಗುತ್ತದೆ.