ಇಂದು ಗ್ರ್ಯಾಂಡ್​​ ಆಗಿ iPhone SE4 ಲಾಂಚ್; ಕಡಿಮೆ ಬೆಲೆಗೆ ಸಿಗುತ್ತೆ ಈ ಫೋನ್

ನ್ಯೂಸ್ ಆ್ಯರೋ: 16 ಸೀರೀಸ್​​ ಬೆನ್ನಲ್ಲೇ ಐಫೋನ್​ SE4 (iPhone SE4) ಬಿಡುಗಡೆಗೆ ಸಜ್ಜಾಗಿದೆ. ಇಂದು ಐಫೋನ್​ SE4 ಲಾಂಚ್​​ ಆಗಲಿದ್ದು, ಇದು ಆ್ಯಪಲ್​ ಪ್ರಿಯರಿಗಾಗಿ ಮಾಡಲಾದ ಮಿಡ್​ ರೇಂಜ್​ ಫೋನ್​ ಆಗಿದೆ. ಸದ್ಯ ಹೊಸ ಐಫೋನ್​ SE4 ಬರುವಿಕೆಗಾಗಿ ಎಲ್ಲರೂ ಕಾಯುತ್ತಿದ್ದಾರೆ. ಲಾಂಚ್​ಗೆ ಮುನ್ನವೇ ಮಹತ್ವದ ಮಾಹಿತಿ ಲೀಕ್​ ಆಗಿದೆ.

ಐಫೋನ್​ SE4 ಹಳೆಯ ಐಫೋನ್​ SE3ಯಂತೆ ಒಂದೇ ಕ್ಯಾಮೆರಾ ಲೆನ್ಸ್​ ಒಳಗೊಂಡಿದೆ. ಇದರ ಹೊರತಾಗಿ ಆ್ಯಪಲ್​ ಮ್ಯೂಟ್​​ ಸ್ವಿಚ್​​ ಮತ್ತು ವ್ಯಾಲೂಮ್​​ ಬಟನ್​ಗಳ ಸ್ಥಾನದಲ್ಲಿ ದೊಡ್ಡ ಬದಲಾವಣೆ ಮಾಡಲು ಹೋಗಲ್ಲ ಎಂದು ಸೂಚಿಸಿದೆ.

ಹೊಸ ಐಫೋನ್​ SE4 ಕೊಂಚ ಗಾತ್ರದಲ್ಲಿ ದೊಡ್ಡದಿರಬಹುದು ಎಂದು ಹೇಳಲಾಗುತ್ತಿದೆ. ಮಾರ್ಚ್​ 2025ರಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆಯಿದೆ. ಐಫೋನ್​ SE3ಗೆ ಹೋಲಿಸಿದರೆ 4.7 ಇಂಚಿನ ಬದಲಾಗಿ 6.06 ಇಂಚಿನ ಓಎಲ್​ಇಡಿ ಡಿಸ್​​ಪ್ಲೇಯನ್ನು ಹೊಂದಿರಲಿದೆ ಎನ್ನಲಾಗುತ್ತಿದೆ.

ಅದರಂತೆ iPhone SE4 ಬೆಲೆ 499 ಡಾಲರ್​​ ಎಂದು ನಿರೀಕ್ಷಿಸಲಾಗುತ್ತಿದೆ. ಈ ಹಿಂದೆ ಬಿಡುಗಡೆಗೊಂಡ ಐಫೋನ್​ SE3 ಬೆಲೆ 429 ಡಾಲರಷ್ಟಿತ್ತು. ಆದರೀಗ ಬಜೆಟ್​ ಬೆಲೆಯ ಹೊಸ ಐಫೋನ್​ ಬೆಲೆ ಹೆಚ್ಚಾಗುವ ನಿರೀಕ್ಷೆಯಿದೆ.

ಐಫೋನ್​ SE4 ಯುಎಸ್​​ಬಿ ಸಿ ಪೋರ್ಟ್​​ ಅನ್ನು ಹೊಂದಲಿರುವ ಮೊದಲ ಮಧ್ಯಮ ಶ್ರೇಣಿಯ ಸ್ಮಾರ್ಟ್​ಫೋನ್​ ಆಗಿರಲಿದೆ. ಇನ್ನು ಆ್ಯಪಲ್​ ಇಂಟೆಲೆಜೆನ್ಸ್​​ ಕಾರ್ಯನಿರ್ವಹಿಸಲು 8ಜಿಬಿ ರ್ಯಾಮ್​ ಅವಶ್ಯಕವಾಗಿದೆ.