ಅಂಗವೈಕಲ್ಯ ದೇಹಕ್ಕೆ ಮಾತ್ರ ಇವರ ಮಾತೃ ವಾತ್ಸಲ್ಯಕ್ಕಲ್ಲ…! – ಈ ವಿಡಿಯೋ ನೋಡಿದ್ರೆ ಕಣ್ಣೀರು ಬರುತ್ತೆ…!!

ನ್ಯೂಸ್ ಆ್ಯರೋ : ತಾಯಿ ಪ್ರೀತಿ ಮೀರಿದ ವಾತ್ಸಲ್ಯ ಜಗತ್ತಿನಲ್ಲಿ ಬೇರೇನಿದೆ ಹೇಳಿ. ಆ ಮಮಕಾರ ಮೂರ್ತಿ ನಮ್ಮ ಬದುಕಿನಲ್ಲಿ ತ್ಯಾಗಿಯಾಗಿ ಬದುಕ ಸವೆಸುವವಳು. ತನ್ನವರಿಗಾಗಿ ಜೀವವನ್ನೂ ಮುಡಿಪಾಗಿಡಲು ಸಿದ್ಧವಿರುವವಳು. ತನ್ನ ಮಕ್ಕಳು ಕಿಂಚಿತ್ತೂ ಕಷ್ಟ ಪಡುವುದನ್ನು ನೋಡಲು ಬಯಸದ ಸ್ವಚ್ಛ ಹೃದಯಿ ಅವಳು.

ಇದೀಗ ಆ ಮಾತೃ ವಾತ್ಸಲ್ಯ ಬಿಂಬಿಸುವ ಮತ್ತೊಂದು ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇದನ್ನು ನೋಡಿದೋರು ಮಾತ್ರ ಕಣ್ಣೀರು ಹಾಕದಿರಲ್ಲ..!

ವೀಡಿಯೋದಲ್ಲಿ ಏನಿದೆ…?

ವೀಡಿಯೋದಲ್ಲಿ ಅಂಗವಿಕಲ ಮಹಿಳೆಯೊಬ್ಬಳು ಕೋಲುಗಳ ಸಹಾಯದಿಂದ ರಸ್ತೆಯಲ್ಲಿ ನಡೆಯುತ್ತಿರುವುದನ್ನು ಕಾಣಬಹುದು. ತಾನಾಗಿಯೇ ಮಹಿಳೆಗೆ ನೇರವಾಗಿ ನಿಲ್ಲಲು ಸಾಧ್ಯವಾಗುತ್ತಿಲ್ಲ. ಆದಾಗ್ಯೂ ತನ್ನ ಪುಟ್ಟ ಮಗುವನ್ನು ಬೆನ್ನ ಮೇಲೆ ಕೂರಿಸಿಕೊಂಡಿದ್ದಾಳೆ.

ಲೋಕದ ಪರಿವಿಲ್ಲದ ಆ ಕಂದಮ್ಮ ಬೆನ್ನ ಮೇಲೆ ಕೂತು ಕಲ್ಲಂಗಡಿ ಹಣ್ಣನ್ನು ಸಂತೋಷದಿಂದ ತಿನ್ನುತ್ತಿದೆ. ಅಷ್ಟರಲ್ಲಿ ಒಬ್ಬ ವ್ಯಕ್ತಿ ಮಹಿಳೆಗೆ ಹಣ ನೀಡಲು ಮುಂದೆ ಬಂದು ಮಾನವೀಯತೆ ಮೆರೆದಿದ್ದಾರೆ.

80,000 ವೀಕ್ಷಣೆ ಕಂಡ ವೀಡಿಯೋ..!

ಈ ವೀಡಿಯೊವನ್ನು @RobertLyngdoh2 ಎಂಬ X ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. 80,000ಕ್ಕೂ ಹೆಚ್ಚು ಜನರು ಇದನ್ನು ವೀಕ್ಷಿಸಿದ್ದಾರೆ. ವೀಡಿಯೋ ನೋಡಿದ್ರೆ ಮನಸ್ಸು ಚೂರಾಗುತ್ತೆ. ಬಡತನದ ಬೇಗೆಯಲ್ಲಿ ಒಂದು ದಿನವನ್ನು ದೂಡಲು, ಒಪ್ಪತ್ತು ಊಟ ಮಾಡಲು ಕಷ್ಟ ಪಡುವ ಅದೆಷ್ಟೋ ಜನರಿದ್ದಾರೆ. ಈ ತಾಯಿಯ ಛಲಗಾರಿಕೆಗೆ ಮಾತ್ರ ಈಕೆಯೇ ಸರಿಸಾಟಿ.