ನಿನ್ನ ದಯೆ ಮಕ್ಕಳ ಮೇಲೂ ಇರಲಿ-ತನ್ನನ್ನು ರಕ್ಷಿಸಿದ ಮಹಿಳೆಯ ಮಡಿಲಿಗೆ ಮರಿಗಳನ್ನು ಒಪ್ಪಿಸಿದ ಶ್ವಾನ-ವೀಡಿಯೋ ವೈರಲ್
- ವೈರಲ್ ನ್ಯೂಸ್
- August 19, 2023
- No Comment
- 144
ನ್ಯೂಸ್ ಆ್ಯರೋ : ನಾಯಿ ಜೊತೆಗಿನ ಮಾನವನ ಸಂಬಂಧಕ್ಕೆ ಸಾವಿರಾರು ವರ್ಷಗಳ ಇತಿಹಾಸ ಇದೆ. ಮಾನವನ ನಂಬಿಕಸ್ಥ ಪ್ರಾಣಿ ನಾಯಿ ಎಂದು ಕರೆಯಲಾಗುತ್ತದೆ. ಈ ಮಾತು ಪದೇ ಪದೆ ಸಾಬೀತಾಗುತ್ತಾ ಇರುತ್ತದೆ. ಈಗ ವೈರಲ್ ಆಗಿರುವ ವೀಡಿಯೋ ಕೂಡ ಅದೇ ರೀತಿಯದ್ದು.
ವೈರಲ್ ವೀಡಿಯೋದಲ್ಲೇನಿದೆ?
ಮಹಿಳೆಯೊಬ್ಬರು ಕೋಣೆಯಲ್ಲಿ ಕುಳಿತಿದ್ದಾರೆ. ಅವರ ಎದುರಿನ ಮೂಲೆಯಲ್ಲಿ ಶ್ವಾನವೊಂದು ಮರಿಗಳನ್ನು ಹೆತ್ತಿದೆ. ತಾಯಿ ಶ್ವಾನ ಮರಿಗಳನ್ನು ಒಂದೊಂದಾಗಿ ತಂದು ಆ ಮಹಿಳೆಯ ಮಡಿಲಿಗೆ ಹಾಕುತ್ತದೆ. ಆಕೆ ಮರಿಗಳ ಮೊತೆಗೆ ಶ್ವಾನವನ್ನೂ ಬಿಗಿದಪ್ಪುತ್ತಾಳೆ. ಎಕ್ಸ್ (ಟ್ವಿಟರ್) ನಲ್ಲಿ ಪೋಸ್ಟ್ ಮಾಡಲಾದ ಈ ವೀಡಿಯೋ ವೈರಲ್ ಆಗಿದೆ.
ಈ ಹಿಂದೆ ಈ ಶ್ವಾನವನ್ನು ಆ ಮಹಿಳೆ ರಕ್ಷಿಸಿದ್ದರಂತೆ. ಹೀಗಾಗಿ ಕೃತಜ್ಞಾ ಭಾವದಿಂದ ಶ್ವಾನ ತನ್ನ ಕರುಳಕುಡಿಗಳನ್ನು ಮಹಿಳೆಯ ಮಡಿಲಿಗೆ ಹಾಕುತ್ತಿದೆ ಎಂದು ಪೋಸ್ಟ್ ನಲ್ಲಿ ತಿಳಿಸಲಾಗಿದೆ.
ಸದ್ಯ ಈ ವೀಡಿಯೋವನ್ನು ಪೋಸ್ಟ್ ಮಾಡಿದ 24 ಗಂಟೆಗಳಲ್ಲಿ 2 ಮಿಲಿಯನ್ ಗೂ ಅಧಿಕ ಮಂದಿ ವೀಕ್ಷಿಸಿದ್ದು, 52 ಸಾವಿರಕ್ಕೂ ಅಧಿಕ ಲೈಕ್ ಲಭಿಸಿದೆ.
ಈ ವೀಡಿಯೋ ನೋಡಿ ಅನೇಕರು ಭಾವುಕರಾಗಿದ್ದಾರೆ. ಈ ಶ್ವಾನಕ್ಕೆ ತನ್ನನ್ನು ರಕ್ಷಿಸಿದ್ದು ಈ ಮಹಿಳೆ ಎನ್ನುವುದು ಗೊತ್ತು. ತನ್ನ ಮರಿಗಳಿಗೂ ಅಷ್ಟೇ ಪ್ರೀತಿ, ಕಾಳಜಿ ದೊರೆಯಲೆಂದು ಹೀಗೆ ವರ್ತಿಸುತ್ತಿದೆ ಎಂದು ಹಲವರು ಅಬಿಪ್ರಾಯಪಟ್ಟಿದ್ದಾರೆ.