ನೆಟ್ ಫ್ಲಿಕ್ಸ್ ನ ಚಂದಾದಾರಿಕೆಯೊಂದಿಗೆ 2 ಅತ್ಯುತ್ತಮ ಕೊಡುಗೆ ಘೋಷಿಸಿದ ಜಿಯೋ – ರೀಚಾರ್ಜ್ ಬೆಲೆ ಎಷ್ಟು ಗೊತ್ತೇ?

ನ್ಯೂಸ್ ಆ್ಯರೋ‌ : ಭಾರತದ ನಂ. 1 ಟೆಲಿಕಾಂ ಕಂಪೆನಿ ರಿಲಯನ್ಸ್ ಜಿಯೋ ಅತ್ಯಾಕರ್ಷಕ ಕೊಡುಗೆಗಳನ್ನು ಪರಿಚಯಿಸಿ ಗ್ರಾಹಕರನ್ನು ಸೆಳೆಯುತ್ತದೆ. ಇದೀಗ ಪ್ರಿಪೇಯ್ಡ್ ಬಳಕೆದಾರರಿಗೆ ಎರಡು ಹೊಸ ಯೋಜನೆಗಳನ್ನು ಪರಿಚಯಿಸಿದೆ. ಇದರಲ್ಲಿ ಪ್ರಸಿದ್ದ ಒಟಿಟಿ ಫ್ಲಾಟ್ ಫಾರ್ಮ್ ನೆಟ್ ಫ್ಲಿಕ್ಸ್ ನ ಚಂದಾದಾರಿಕೆಯನ್ನೂ ನೀಡುತ್ತಿರುವುದು ವಿಶೇಷ.

1099 ರೂ. ರೀಚಾರ್ಜ್

ಜಿಯೋ ಪರಿಚಯಿಸಿದ ಮೊದಲ ಪ್ರಿಪೇಯ್ಡ್ ಯೋಜನೆ ಇದಾಗಿದೆ. ಇದರಲ್ಲಿ ನೆಟ್ ಫ್ಲಿಕ್ಸ್ ಚಂದಾದಾರಿಕೆ ಉಚಿತ. ಆದರೆ ಇದು ಮೊಬೈಲ್ ಬಳಕೆದಾರರಿಗೆ ಮಾತ್ರ ಲಭ್ಯ. 5ಜಿ ನೆಟ್ ವರ್ಕ್ ನಲ್ಲಿ ದಿನಕ್ಕೆ 2 ಜಿಬಿ ಡೇಟಾ ಈ ರೀಚಾರ್ಜ್ ಮೂಲಕ ಪಡೆಯಬಹುದು. ಇದರ ವ್ಯಾಲಿಡಿಟಿ 84 ದಿನ.

1,499 ರೂ. ರೀಚಾರ್ಜ್

ಈ ಪ್ಲ್ಯಾನ್ ನಲ್ಲಿಯೂ ನೆಟ್ ಫ್ಲಿಕ್ಸ್ ಚಂದಾದಾರಿಕೆ ಇದೆ. ಇದರ ಅನುಕೂಲತೆ ಎಂದರೆ ಇದು ಮೊಬೈಲ್ ಗೆ ಸೀಮಿತವಲ್ಲ. ನೆಟ್ ಫ್ಲಿಕ್ಸ್ ಅನ್ನು ದೊಡ್ಡ ಪರದೆ ಮೇಲೂ ವೀಕ್ಷಿಸಬಹುದು. 84 ದಿನಗಳ ಕಾಲಾವಧಿ ಹೊಂದಿರುವ ಈ ಯೋಜನೆಯಲ್ಲಿ ಪ್ರತಿ ದಿನ 3ಜಿಬಿ 5ಜಿ ಡೇಟಾ ಲಭಿಸುತ್ತದೆ.

ಬಳಕೆದಾರರಿಗೆ ಉತ್ತಮ ಸೇವೆಗಳನ್ನು ಒದಗಿಸಲು ಬದ್ದರಾಗಿದ್ದೇವೆ. ನೆಟ್ ಫ್ಲಿಕ್ಸ್ ನಂತಹ ಜಾಗತಿಕ ಪಾಲುದಾರರೊಂದಿಗೆ ಸೇರಿ ಉತ್ತಮ ಕೊಡುಗೆ ನೀಡಲು ಕಾರ್ಯಪ್ರವೃತ್ತರಾಗಿದ್ದೇವೆ ಎಂದು ಜಿಯೋ ಕಂಪೆನಿ ಮೂಲಗಳು ತಿಳಿಸಿವೆ.