ಇಸ್ರೇಲ್ ಮೇಲೆ ಹಮಾಸ್ ದಾಳಿಯಿಂದ ಭಾರತದ 5G ಕಾರ್ಯ ನಿಧಾನ – 5G ಬೆಲೆಯೂ ದುಬಾರಿಯಾಗೋ ಸಾಧ್ಯತೆ..!
- ಟೆಕ್ ನ್ಯೂಸ್
- October 18, 2023
- No Comment
- 104
ನ್ಯೂಸ್ ಆ್ಯರೋ : ಭಾರತದಲ್ಲಿ 5ಜಿ ವಿಸ್ತರಣೆಗೆ ಬಹುತೇಕ ಎಲ್ಲ ನೆಟ್ವರ್ಕ್ ಕಂಪೆನಿಗಳೂ ನಾ ಮುಂದು, ತಾ ಮುಂದು ಎನ್ನುತ್ತಿವೆ. ಈ ನಡುವೆ 5ಜಿ ಸಂಪರ್ಕ ವಿಸ್ತರಣೆ ದೇಶಾದ್ಯಂತ ನಿಧಾನ ಗತಿಯಲ್ಲಿ ಸಾಗುವ ನಿರೀಕ್ಷೆ ಇದೆ. ಜೊತೆಗೆ ಇದು ಗ್ರಾಹಕರ ಜೇಬಿಗೂ ಕತ್ತರಿ ಹಾಕುವ ಎಲ್ಲಾ ಸಾಧ್ಯತೆಗಳಿವೆ.
ಹಮಾಸ್ ಮತ್ತು ಇಸ್ರೇಲ್ ಯುದ್ಧದ ಪರಿಣಾಮ ಭಾರತವನ್ನೂ ತಟ್ಟಿದ್ದು, ಶೀಘ್ರದಲ್ಲೇ ಭಾರತದಲ್ಲಿ ಇಂಟರ್ನೆಟ್ ಸೇವೆಗಳು ದುಬಾರಿಯಾಗುವ ಸಾಧ್ಯತೆ ಇದೆ.
ಕಳೆದ ಒಂದು ವಾರದಿಂದ ಇಸ್ರೇಲ್ ಮತ್ತು ಹಮಾಸ್ ನಡುವೆ ಯುದ್ಧ ತೀವ್ರವಾಗಿದ್ದು, ಇದು ಜಾಗತಿಕ ಮಟ್ಟದಲ್ಲೂ ಪರಿಣಾಮ ಬೀರುತ್ತಿದೆ. ಈಗಾಗಲೇ ಹಲವಾರು ದೇಶಗಳು ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿದೆ. ಮುಂದೆ ಭಾರತದ ಮೇಲೂ ಇದರ ಪರಿಣಾಮ ಬಿರುವುದು ಈಗಲೇ ಸ್ಪಷ್ಟವಾಗಿ ಗೋಚರವಾಗುತ್ತಿದೆ.
ಪ್ರಸ್ತುತ ಭಾರತದಲ್ಲಿ 5ಜಿ ಇಂಟರ್ನೆಟ್ ಸೇವೆ ನೀಡುವ ಕಾರ್ಯ ಆರಂಭವಾಗಿದೆ. ಈಗಾಗಲೇ ಇದು ವೇಗ ಪಡೆದುಕೊಂಡಿದ್ದು ಹಲವು ನಗರಗಳನ್ನು ತಲುಪಿದೆ. ಈ ವರ್ಷಾಂತ್ಯದಲ್ಲಿ ಎಲ್ಲ ನಗರಗಳಿಗೂ ಈ ಸೇವೆ ಸಿಗಲಿದೆ ಎನ್ನಲಾಗಿತ್ತು. ಆದರೆ ಯುದ್ಧದ ಪರಿಣಾಮ ದೇಶದಲ್ಲಿ 5ಜಿ ತಂತ್ರಜ್ಞಾನದ ವಿಸ್ತರಣೆ ಕಷ್ಟವಾಗುವ ಸಾಧ್ಯತೆ ಇದೆ. ಯಾಕೆಂದರೆ 5ಜಿ ಸೇವೆಗೆ ಅಗತ್ಯವಿರುವ ವಸ್ತುಗಳ ಆಮದು ದುಬಾರಿಯಾಗಲಿದೆ.
ಒಂದು ಅಂಕಿ ಅಂಶಗಳ ಪ್ರಕಾರ ಇಸ್ರೇಲ್ ಮತ್ತು ಹಮಾಸ್ ಯುದ್ದದಿಂದ ಆಮದು ಮಾಡಿಕೊಂಡ 5ಜಿ ನೆಟ್ವರ್ಕ್ ಉಪಕರಣಗಳ ವೆಚ್ಚವನ್ನು 2 ರಿಂದ 2,500 ಕೋಟಿಗಳಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ. ಹೀಗಾಗಿ ದೇಶದಲ್ಲಿ 5ಜಿ ಸಂಪರ್ಕ ಜಾಲ ವಿಸ್ತರಣೆ ನಿಧಾನವಾಗುವ ಸಾಧ್ಯತೆ ಇದೆ.
ಯುದ್ಧ ಮುಂದುವರಿಯುತ್ತಿದ್ದು, ಇದು ದೀರ್ಘ ಅವಧಿಯವರೆಗೆ ವಿಸ್ತರಣೆಯಾದರೆ ಮುಂದುವರಿದರೆ ಡಾಲರ್ ಎದುರು ರೂಪಾಯಿ ಮೌಲ್ಯ ಶೇ. 3- 4ರಷ್ಟು ಕುಸಿಯುವ ಸಾಧ್ಯತೆ ಇದೆ. ಇದರಿಂದ ಟೆಲಿಕಾಂ ಕಂಪನಿಗಳಿಗೆ ವಿದೇಶಿ ವೆಚ್ಚ ಭರಿಸುವುದು ದುಬಾರಿಯಾಗುವುದು. ಯಾಕೆಂದರೆ ಫೋನ್ ನೆಟ್ವರ್ಕ್ನಲ್ಲಿ ಬಳಸುವ ಟೆಲಿಕಾಂ ಉಪಕರಣಗಳಳ್ಳಿ ಶೇ. 67ರಷ್ಟನ್ನು ಹೊರದೇಶಗಳಿಂದ ಭಾರತಕ್ಕೆ ಆಮದು ಮಾಡಿಕೊಳ್ಳಲಾಗುತ್ತಿದೆ.