ನಾಳೆ ಫ್ಲಿಪ್‌ಕಾರ್ಟ್‌ ಬಿಗ್ ಬಿಲಿಯನ್ ಡೇಸ್ ಆರಂಭ – ಮುಂಬೈನ ಬೀದಿಗಳಲ್ಲಿ ₹2ಸಾವಿರ ನೋಟಿನ ಮಳೆ ಸುರಿಸಿದ ಫ್ಲಿಪ್‌ಕಾರ್ಟ್‌..!!

ನ್ಯೂಸ್ ಆ್ಯರೋ : ನಾಳೆಯಿಂದ ಫ್ಲಿಪ್‌ಕಾರ್ಟ್‌ನಲ್ಲಿ ಬಿಗ್ ಬಿಲಿಯನ್ ಡೇಸ್ ಆರಂಭಗೊಳ್ಳಲಿದೆ. ಈ ಬಗ್ಗೆ ಈಗಾಗಲೇ ಹೇಳಿದ್ದು ಅಕ್ಟೋಬರ್‌ 15ರ ವರೆಗೆ ಬಿಗ್ ಬಿಲಿಯನ್ ಡೇಸ್‌ನಲ್ಲಿ ಎಲೆಕ್ಟ್ರಾನಿಕ್ಸ್ ವಸ್ತುಗಳು, ಫ್ಯಾಶನ್ ಉಡುಪುಗಳು, ಪೀಠೋಪಕರಣಗಳು, ಗೃಹೋಪಯೋಗಿ ವಸ್ತುಗಳು ಅತ್ಯಾಕರ್ಷಕ ಬೆಲೆಗಳಲ್ಲಿ ಈ ಹಿಂದೆ ಎಲ್ಲೂ ಸಿಗದ ಕಡಿಮೆ ಬೆಲೆಯಲ್ಲಿ ಸಿಗಲಿದೆ ಎಂದು ಹೇಳಿದೆ.

ಬ್ಯ್ರಾಂಡೆಡ್ ವಸ್ತುಗಳು ಈ ಸಂದರ್ಭದಲ್ಲಿ ಕಡಿಮೆ ದರದಲ್ಲಿ ನಿಮ್ಮ ಕೈಸೇರಲಿದೆ. ಅದಲ್ಲದೆ ಕೂಪನ್ಸ್, ಕ್ಯಾಶ್‌ಬಾಕ್ ಆಫರ್ಸ್‌ ಕೂಡ ಸಿಗಲಿದೆ.

ಇದರ ಬೆನ್ನಲ್ಲೇ ಮುಂಬೈ ಗೇಟ್‌ ವೇ ಬೀದಿ ಸೇರಿದಂತೆ ಕೆಲ ಬೀದಿಗಳಲ್ಲಿ ಫ್ಲಿಪ್ ಕಾರ್ಟ್‌ ವಾಹನವೊಂದು ₹ 2 ಸಾವಿರ ನೋಟುಗಳನ್ನು ಗಾಳಿಯಲ್ಲಿ ಹಾರಿಸಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿದೆ. ಇದನ್ನು ನೋಡಿದವರು ಪ್ರಶ್ನಿಸಿದ್ದಾರೆ.

ಇದಕ್ಕೆ ಪ್ರತಿಕ್ರಿಯಿಸಿ ಫ್ಲಿಪ್ ಕಾರ್ಟ್‌, ನಿಮ್ಮ ಪ್ರಶ್ನೆಗಳ ಮಹಾಪೂರಕ್ಕೆ ನಮ್ಮ ಇನ್‌ಬಾಕ್ಸ್‌ ತುಂಬಿದೆ. ಸದ್ಯದಲ್ಲೇ ಈ ಬಗ್ಗೆ ಸ್ಪಷ್ಟನೆ ನೀಡುತ್ತೇವೆ ಎಂದಿದ್ದಾರೆ.