ತೆರೆ ಮೇಲೆ ಬರಲಿದೆ ರತನ್ ಟಾಟಾ ಜೀವನಗಾಥೆ; ʼರತನ್ʼ ಪಾತ್ರಕ್ಕೆ ಜೀವ ತುಂಬುವವರು ಯಾರು?
ನ್ಯೂಸ್ ಆ್ಯರೋ: ಖ್ಯಾತ ಉದ್ಯಮಿ, ಪದ್ಮವಿಭೂಷಣ ಪ್ರಶಸ್ತಿ ಪುರಸ್ಕೃತ ಮತ್ತು ಟಾಟಾ ಗ್ರೂಪ್‌ನ ಮಾಜಿ ಅಧ್ಯಕ್ಷ ರತನ್ ಟಾಟಾ ಅವರು ಬುಧವಾರ ಅಕ್ಟೋಬರ್ 9 ರಂದು ದಕ್ಷಿಣ ಮುಂಬೈನ ಬೀಚ್ ಕ್ಯಾಂಡಿ ಆಸ್ಪತ್ರೆಯಲ್ಲಿ ನಿಧನರಾದರು. ಹಿರಿಯ ಕೈಗಾರಿಕೋದ್ಯಮಿ ರತನ್ ಟಾಟಾ ಅವರ ಅಂತ್ಯಕ್ರಿಯೆ ಗುರುವಾರ ಮುಂಬೈನಲ್ಲಿ ನಡೆಯಿತು. ರತನ್ ಟಾಟಾ ಅವರು ತಮ್ಮ ಸಹೃದಯತೆ ಮತ್ತು ಅಸಂಖ್ಯಾತ ಪರೋಪಕಾರಿ ಚಟುವಟಿಕೆಗಳಿಂದ ಸಾಮಾನ್ಯ ಜನರಿಗೆ ಹತ್ತಿರವಾಗಿದ್ದಾರೆ.
ಎರಡು ವರ್ಷಗಳ ಹಿಂದೆ, ರತನ್ ಟಾಟಾ ಅವರ ಜೀವನಚರಿತ್ರೆಯಲ್ಲಿ ಬಯೋಪಿಕ್ ಕೆಲಸದಲ್ಲಿದೆ ಎಂಬ ವದಂತಿ ವ್ಯಾಪಕವಾಗಿ ಹರಡಿದ್ದವು. ಆದರೆ ಇದೀಗ ಅವರ ನಿಧನದ ಬಳಿಕ, ಜೀವನಾಧಾರಿತ ಚಿತ್ರ ಮಾಡಲಾಗುತ್ತದೆ ಎಂದು ಘೋಷಿಸಿಲಾಗಿದೆ.
ಹೌದು. . ಎಸ್‌ಎಲ್‌ ಗ್ರೂಪ್‌ನ ಅಧ್ಯಕ್ಷ ಮತ್ತು ಮಾಜಿ ರಾಜ್ಯಸಭಾ ಸಂಸದ ಆರ್.ಸುಭಾಷ್ ಚಂದ್ರ ಅವರು ದಿವಂಗತ ರತನ್ ಟಾಟಾ ಅವರಿಗೆ ಸಂತಾಪ ಸೂಚಿಸಿದರು. ಇನ್ನು ಅವರ ಜೀವನ ಕುರಿತು ಚಲನಚಿತ್ರವನ್ನು ನಿರ್ಮಿಸಲು ಜೀ ಎಂಟರ್‌ಟೈನ್ಮೆಂಟ್ ವಿಯಾನ್ನೊಂದಿಗೆ ಸಹಕರಿಸಲಿದೆ ಎಂದು ಡಾ.ಚಂದ್ರ ಅವರು ಘೋಷಣೆ ಮಾಡಿದರು.
ರತನ್ ಟಾಟಾ ಅವರ ಜೀವನದ ಬಗ್ಗೆ ಜೀ ಗ್ರೂಪ್ ಪೂರ್ಣ ಪ್ರಮಾಣದ ಚಲನಚಿತ್ರವನ್ನು ಮಾಡಲು ನಿರ್ಧರಿಸಿದೆ ಎಂದು ಅವರು ಘೋಷಣೆ ಮಾಡಿದರು. ಇದು ಜೀ 5 ಮತ್ತು ಜೀನ ಇತರ ಎಲ್ಲಾ ಚಾನೆಲ್‌ಗಳಲ್ಲಿ ವಿವಿಧ ಭಾಷೆಗಳೊಂದಿಗೆ ಪ್ರಸಾರ ಆಗಲಿದೆ. ರತನ್ ಟಾಟಾ ಅವರಂತಹ ರತ್ನದ ಜೀವನವನ್ನು ಜಗತ್ತಿಗೆ ತೋರಿಸಲು ನಾವು ಬಯಸಿದ್ದೇವೆ ಎಂದು ಹೇಳಿದರು. ಸಿನಿಮಾದ ಹೆಸರು ಹಾಗೂ ಯಾವಾಗ ಬಿಡುಗಡೆಯಾಗಲಿದೆ ಎಂದು ತಿಳಿದುಬರಬೇಕಿದೆ ಅಷ್ಟೇ.
Leave a Comment