ವಿಶ್ವದ ಶಕ್ತಿಶಾಲಿ ಸೈನಿಕರನ್ನೊಳಗೊಂಡ ದೇಶಗಳ ಪಟ್ಟಿ ಬಿಡುಗಡೆ – ಭಾರತಕ್ಕೆ ಎಷ್ಟನೇ ಸ್ಥಾನ ಗೊತ್ತಾ?

ನ್ಯೂಸ್ ಆ್ಯರೋ‌ : ವಿಶ್ವದ ಅತ್ಯಂತ ಶಕ್ತಿಶಾಲಿ ಸೈನಿಕರನ್ನು ಹೊಂದಿದ ದೇಶಗಳ ಪಟ್ಟಿ ಬಿಡುಗಡೆಯಾಗಿದ್ದು, ಭಾರತ ನಾಲ್ಕನೇಯ ಸ್ಥಾನದಲ್ಲಿದೆ. ಜಾಗತಿಕ ರಕ್ಷಣಾ ಮಾಹಿತಿಯನ್ನು ಮೇಲ್ವಿಚಾರಣೆ ನಡೆಸುವ ಡೇಟಾ ವೆಬ್ ಸೈಟ್ ಗ್ಲೋಬಲ್ ಫೈರ್ ಪವರ್ ಈ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಮೊದಲ ಸ್ಥಾನದಲ್ಲಿ ಯುಎಸ್ಎ
ಪ್ರಕಟಗೊಂಡಿರುವ ಪಟ್ಟಿಯಲ್ಲಿ ಯುಎಸ್ ಮೊದಲ ಸ್ಥಾನದಲ್ಲಿದ್ದು, ರಷ್ಯಾ ದ್ವಿತೀಯ ಸ್ಥಾನವನ್ನು ಅಲಂಕರಿಸಿದೆ. ಮೂರನೇ ಸ್ಥಾನದಲ್ಲಿ ಚೀನಾ ಇದೆ. ಭಾರತ ನಾಲ್ಕನೇ ಸ್ಥಾನದೊಂದಿಗೆ ಟಾಪ್ ಫೈವ್ ಲಿಸ್ಟ್ ನಲ್ಲಿ ಕಾಣಿಸಿಕೊಂಡಿದೆ.

ಶಕ್ತಿಶಾಲಿ ಸೈನಿಕ ವ್ಯವಸ್ಥೆ ಹೊಂದಿದ ಟಾಪ್ 10 ದೇಶಗಳು

1. ಅಮೆರಿಕ
2. ರಷ್ಯಾ
3. ಚೀನಾ
4. ಭಾರತ
5. ಯುಕೆ
6. ದಕ್ಷಿಣ ಕೊರಿಯಾ
7. ಪಾಕಿಸ್ತಾನ
8. ಜಪಾನ್
9. ಫ್ರಾನ್ಸ್
10. ಇಟಲಿ

ಇದರ ಜೊತೆಗೆ ವಿಶ್ವದ ದುರ್ಬಲ ಮಿಲಿಟರಿ ಪಡೆಗಳನ್ನು ಹೊಂದಿರುವ ದೇಶಗಳನ್ನೂ ಹೆಸರಿಸಲಾಗಿದೆ. ಇದರಲ್ಲಿ ನಮ್ಮ ನೆರೆ ದೇಶ ಭೂತಾನ್ ಮತ್ತು ಐಸ್ ಲ್ಯಾಂಡ್ ಕೂಡ ಸೇರಿದೆ.

ಕಡಿಮೆ ಶಕ್ತಿಶಾಲಿ ಸೈನ್ಯವನ್ನು ಹೊಂದಿರುವ 10 ರಾಷ್ಟ್ರಗಳು

1. ಭೂತಾನ್
2. ಬೆನಿನ್
3. ಮೊಲ್ಡಾವಾ
4. ಸೊಮಾಲಿಯ
5. ಲೈಬೀರಿಯ
6. ಸುರಿನಾಮ್
7. ಬೆಲೀಜ್
8. ಮದ್ಯ ಆಫ್ರಿಕನ್ ಗಣರಾಜ್ಯ
9. ಐಸ್ ಲ್ಯಾಂಡ್
10. ಸಿಯೆರ್ರಾ ಲಿಯೋನ್

ಮಾನದಂಡವೇನು?

60ಕ್ಕೂ ಹೆಚ್ಚು ಅಂಶಗಳ ಆಧಾರದಲ್ಲಿ ಮೌಲ್ಯ ಮಾಪನ ಮಾಡಲಾಗಿದೆ. ಮಿಲಿಟರಿ ಘಟಕಗಳ ಪ್ರಮಾಣ, ಆರ್ಥಿಕ ಸ್ಥಿತಿ, ಲಾಜಿಸ್ಟಿಕ್ಸ್ ಶಕ್ತಿ ಮತ್ತು ಭೌಗೋಳಿಕ ಸ್ಥಳದವರೆಗಿನ ವಿಭಾಗಗಳೊಂದಿಗೆ ತುಲನೆ ಮಾಡಲಾಗಿದೆ ಎಂದು ವೆಬ್ ಸೈಟ್ ಹೇಳಿದೆ.