33 ವರ್ಷದ ಪ್ರೇಯಸಿ ಹೆಸರಿಗೆ ಬರೋಬ್ಬರಿ 905 ಕೋಟಿ ರೂ. ಆಸ್ತಿ – 86 ನೇ ವಯಸ್ಸಿಗೆ ಸತ್ತ ಇಟಲಿ ಮಾಜಿ ಪ್ರಧಾನಿಯ ಆಸ್ತಿ ರಹಸ್ಯ ಬಯಲು
- ಅಂತಾರಾಷ್ಟ್ರೀಯ ಸುದ್ದಿ
- July 11, 2023
- No Comment
- 314
ನ್ಯೂಸ್ ಆ್ಯರೋ : ಇಟಲಿಯ ಮಾಜಿ ಪ್ರಧಾನಿ ಸಿಲ್ವಿಯೊ ಬೆರ್ಲುಸ್ಕೋನಿ ಜೂ. 12ರಂದು ತಮ್ಮ 86ನೇ ವರ್ಷದಲ್ಲಿ ನಿಧನ ಹೊಂದಿದ್ದಾರೆ. ಇದೀಗ ಅವರ ಕುರಿತಾದ ಆಸಕ್ತಿದಾಯಕ ವಿಷಯವೊಂದು ಹೊರ ಬಿದ್ದಿದ್ದು, ನಿಧನ ಹೊಂದುವ ಮುನ್ನ ತಮ್ಮ 33 ವರ್ಷದ ಗೆಳತಿ ಮಾರ್ಟಾ ಫಾಸಿನಾ ಅವರ ಹೆಸರಿಗೆ ಬರೋಬ್ಬರಿ 905 ಕೋಟಿ ರೂ. ಮೌಲ್ಯದ ಆಸ್ತಿ ಬರೆದಿದ್ದಾರೆ.
ಮದುವೆಯಾಗಿರಲಿಲ್ಲ..!
ಬೆರ್ಲುಸ್ಕೋನಿ ಮತ್ತು ಮಾರ್ಟಾ ಪರಸ್ಪರ ಪ್ರಿತಿಸುತ್ತಿದ್ದರೂ ಮದುವೆಯಾಗಿರಲಿಲ್ಲ. ಆದರೂ ಬೆರ್ಲುಸ್ಕೋನಿ ತಮ್ಮ ಕೊನೆಯ ದಿನಗಳಲ್ಲಿ ಗೆಳತಿಯನ್ನು ಪತ್ನಿ ಎಂದು ಉಲ್ಲೇಖಿಸಿ ಆಕೆಯ ಹೆಸರಿಗೆ ಆಸ್ತಿ ಬರೆದಿದ್ದಾರೆ.
ಈ ಹಿಂದೆ ಎರಡು ಬಾರಿ ಮದುವೆಯಾಗಿದ್ದ ಬೆರ್ಲುಸ್ಕೋನಿ ಇಬ್ಬರಿಗೂ ವಿಚ್ಛೇದನ ನಿಡಿದ್ದರು. 2020ರಿಂದ ಮಾರ್ಟಾ ಅವರನ್ನು ಪ್ರೀತಿಸುತ್ತಿದ್ದರು.
ಉದ್ಯಮಿಯೂ ಆಗಿದ್ದ ಬೆರ್ಲುಸ್ಕೋನಿ ಅಪಾರ ಆಸ್ತಿ ಹೊಂದಿದ್ದು, ತಮ್ಮ ಕುಟುಂದವರ ಹೆಸರಿಗೂ ಹಂಚಿಕೆ ಮಾಡಿದ್ದಾರೆ. ತಮ್ಮ ಸಹೋದರ ಪಾವೋಲೊ ಅವರಿಗೆ 100 ದಶಲಕ್ಷ ಯುರೋ ಮತ್ತು ಇಬ್ಬರು ಮಕ್ಕಳಿಗೆ ಕಂಪೆನಿಯಲ್ಲಿ ಶೇ. 53ರಷ್ಟು ಷೇರ್ ನೀಡಿದ್ದಾರೆ.