ಹಗಲಿಗಿಂತ ರಾತ್ರಿ ರೈಲಿನ ವೇಗ ಹೆಚ್ಚಿರುತ್ತದೆ ಯಾಕೆ? – ಸಿಂಪಲ್‌ ಆದ್ರೂ ನಿಮಗೆ ಈ ಸತ್ಯ‌ ತಿಳಿದಿರಲಿ..!!

ನ್ಯೂಸ್ ಆ್ಯರೋ‌ : ಆರಾಮದಾಯಕ ದೂರ ಪ್ರಯಾಣಕ್ಕೆ ಹಲವರ ಮೊದಲ ಆಯ್ಕೆ ರೈಲು. ನೀವು ರೈಲು ಪ್ರಯಾಣದ ವೇಳೆ ಹಗಲಿಗಿಂತ ರಾತ್ರಿ ವೇಗ ಹೆಚ್ಚಿರುವುದನ್ನು ಗಮನಿಸಿರಬಹುದು. ಅದು ಯಾಕೆ ಎನ್ನುವುದರ ವಿವರ ಇಲ್ಲಿದೆ.

ರಾತ್ರಿ ರೈಲುಗಳು ವೇಗವಾಗಿ ಹೋಗಲು ಹಲವು ಕಾರಣಗಳಿವೆ. ಈ ವೇಳೆ ರೈಲ್ವೇ ಹಳಿಯಲ್ಲಿ ಸಂಚಾರ ತೀರಾ ಕಡಿಮೆ ಇರುತ್ತದೆ. ರಾತ್ರಿಯಾದರೆ ರೈಲು ಹಳಿ ಮೇಲೆ ಜನ, ಪ್ರಾಣಿಗಳ ಓಡಾಟ ಕಡಿಮೆ ಆಗುತ್ತದೆ. ಜೊತೆಗೆ ರಾತ್ರಿ ಹಳಿಯಲ್ಲಿ ಯಾವುದೇ ನಿರ್ವಹಣಾ ಕಾರ್ಯ ನಡೆಯುವುದಿಲ್ಲ. ಹಾಗಾಗಿ ರೈಲಿನ ವೇಗ ಹೆಚ್ಚಾಗಿರುತ್ತದೆ.

ಲೋಕೋ ಪೈಲಟ್‌ಗೆ ಅನುಕೂಲ

ಒಂದು ರೀತಿಯಲ್ಲಿ ರಾತ್ರಿ ಸಂಚಾರ ಲೋಕೋ ಪೈಲಟ್‌ (ರೈಲಿನ ಚಾಲಕ) ಗೆ ಹೆಚ್ಚು ಅನುಕೂಲ. ಸಿಗ್ನಲ್‌ಗಳನ್ನು ದೂರದಿಂದ ಸುಲಭದಲ್ಲಿ ನೋಡಬಹುದು ಎನ್ನುವುದು ಇದಕ್ಕೆ ಮುಖ್ಯ ಕಾರಣ. ಇದರಿಂದ ಲೋಕೋ ಪೈಲಟ್‌ ಗೆ ರೈಲು ನಿಲ್ಲಿಸಬೇಕೆ ಅಥವಾ ಬೇಡವೇ ಎಂದು ದೂರದಿಂದಲೇ ತಿಳಿಯುತ್ತದೆ. ಈ ಕಾರಣದಿಂದಲೂ ರಾತ್ರಿ ರೈಲಿನ ವೇಗವನ್ನು ಹೆಚ್ಚಿಸುತ್ತಾರೆ.

ಹಗಲಿನಲ್ಲಿ ಪ್ರಯಾಣಿಕರ ನೂಕು ನುಗ್ಗಲು ಇರುತ್ತದೆ ಮತ್ತು ಸಾಕಷ್ಟು ಜನ ದಟ್ಟಣೆ ಸಹ ಇರುತ್ತದೆ. ಹಾಗಾಗಿ ಹೆಚ್ಚು ಜಾಗರೂಕತೆಯಿಂದ ರೈಲನ್ನು ಚಾಲನೆ ಮಾಡಬೇಕಾಗುತ್ತದೆ. ಹೀಗಾಗಿ ಹಗಲು ವೇಗ ಸ್ವಲ್ಪ ಕಡಿಮೆ ಇರುತ್ತದೆ.