‘ಗಿಚ್ಚಿ ಗಿಲಿ ಗಿಲಿ’ ಸೀಸನ್ 2 ವಿನ್ನರ್ ಚಂದ್ರಪ್ರಭ ಗೆದ್ದಿದ್ದೆಷ್ಟು? – ಉಳಿದ ಸ್ಪರ್ಧಿಗಳು ಬಾಚಿಕೊಂಡಿದ್ದೆಷ್ಟು ಗೊತ್ತಾ?
- ಮನರಂಜನೆ
- June 8, 2023
- No Comment
- 210
ನ್ಯೂಸ್ ಆ್ಯರೋ : ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಕಾಮಿಡಿ ಶೋ ‘ಗಿಚ್ಚಿ ಗಿಲಿ ಗಿಲಿ’ ಸೀಸನ್ 2 ಕಳೆದ ವಾರ ಅಂತ್ಯಗೊಂಡಿದೆ. ಚಾಂಪಿಯನ್ ಆಗಿ ಜನಪ್ರಿಯ ಹಾಸ್ಯನಟ ಚಂದ್ರಪ್ರಭ ಆಯ್ಕೆಯಾಗಿದ್ದಾರೆ.
ಬಹುಮಾನ ಮೊತ್ತ
ಪ್ರೇಕ್ಷಕರನ್ನು ರಂಜಿಸಿದ ವಿನ್ನರ್ ಚಂದ್ರಪ್ರಭ ಅವರಿಗೆ ವಿನ್ನರ್ ಟ್ರೋಫಿ ಜೊತೆಗೆ 3 ಲಕ್ಷ ರೂ. ನಗದು ಲಭಿಸಿದೆ. ಮೊದಲ ರನ್ನರ್ ಅಪ್ ಆಗಿ ರಾಘವೇಂದ್ರ ಆಯ್ಕೆಯಾಗಿದ್ದು ಅವರಿಗೆ ಟ್ರೋಫಿ ಜೊತೆಗೆ 2 ಲಕ್ಷ ರೂ. ನಗದು ವಿತರಿಸಲಾಗಿದೆ. ಮೂರನೇ ಸ್ಥಾನ ಪಡೆದ ಜಾಹ್ನವಿ ಟ್ರೋಫಿ ಜೊತೆಗೆ 1 ಲಕ್ಷ ರೂ. ನಗದು ತಮ್ಮದಾಗಿಸಿಕೊಂಡಿದ್ದಾರೆ.
ತನ್ನ ಕಾಮಿಡಿ ಟೈಮಿಂಗ್ ಮೂಲಕ ವೀಕ್ಷಕರನ್ನು ರಂಜಿಸಿದ ಚಂದ್ರಪ್ರಭ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ‘ಮಜಾಭಾರತ’ ಕಾಮಿಡಿ ಶೋ ಮೂಲಕ ಕನ್ನಡಿಗರಿಗೆ ಪರಿಚಯವಾಗಿದ್ದರು. ನಂತರ ಒಂದಿಷ್ಟು ಚಿತ್ರಗಳಲ್ಲಿ ಹಾಸ್ಯ ಪಾತ್ರಧಾರಿಯಾಗಿ ನಟಿಸಿದ್ದಾರೆ.
ಇತ್ತೀಚೆಗಷ್ಟೇ ಚಂದ್ರಪ್ರಭ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ‘ಗಿಚ್ಚಿ ಗಿಲಿ ಗಿಲಿ’ ಸೀಸನ್ 2 ವೇದಿಕೆ ಮೇಲೆ ಕೂಡ ಚಂದ್ರಪ್ರಭ ಅವರ ಮದುವೆ ನಡೆದಿದೆ. ಇದೀಗ ಅವರು ಮದುವೆ ಹಾಗೂ ಗಿಚ್ಚಿ ಗಿಲಿ ಗಿಲಿ ಸೀಸನ್ 2ನ ಗೆಲುವಿನ ಸಂಭ್ರಮದಲ್ಲಿದ್ದಾರೆ.