ಭೂಮಿಯತ್ತ ಗಂಟೆಗೆ 101,638 ಕಿ.ಮೀ. ವೇಗದಲ್ಲಿ ಧಾವಿಸುತ್ತಿರುವ ಕ್ಷುದ್ರಗ್ರಹ – ನಾಸಾ ಎಚ್ಚರಿಕೆ ನೀಡಿದ್ದು ಏನು ಗೊತ್ತಾ?
- ಕೌತುಕ-ವಿಜ್ಞಾನ
- March 28, 2023
- No Comment
- 322
ನ್ಯೂಸ್ ಆ್ಯರೋ : ಬೃಹದಾಕಾರದ ಕ್ಷುದ್ರಗ್ರಹವೊಂದು ಅತ್ಯಂತ ಹೆಚ್ಚಿನ ವೇಗದಲ್ಲಿ ಭೂಮಿಯನ್ನು ಸಮೀಪಿಸುತ್ತಿದೆ. ಈ ದೈತ್ಯಾಕಾರದ ಬಂಡೆಯ ಬಗ್ಗೆ ನಾಸಾ ಮಾಹಿತಿ ಕಳೆಹಾಕಿದ್ದು, ಅವುಗಳನ್ನು ಬಿಡುಗಡೆ ಮಾಡಿದೆ.
ಭೂಮಿಗೆ ಡಿಕ್ಕಿ ಹೊಡೆಯಬಹುದಾದ ಯಾವುದೇ ಸಂಭಾವ್ಯ ಅಪಾಯಕಾರಿ ಕ್ಷುದ್ರಗ್ರಹಗಳನ್ನು ನಾಸಾ ಮತ್ತು ಈಶಾನಂತಹ ಬಾಹ್ಯಾಕಾಶ ಸಂಸ್ಥೆಗಳು ನಿಕಟವಾಗಿ ಮೇಲ್ವಿಚಾರಣೆ ಮಾಡುತ್ತವೆ.
65-ಅಡಿ ಕ್ಷುದ್ರಗ್ರಹವು ಭೂಮಿಯ ಸಮೀಪದಿಂದ ಸುರಕ್ಷಿತವಾಗಿ ಈಚೆಗೆ ಹಾದುಹೋಯಿತು. ಆದರೆ, ಅದರ ಸಾಮೀಪ್ಯವು ಈ ದೈತ್ಯಾಕಾರದ ಬಂಡೆಗಳಿಂದ ಸಂಭಾವ್ಯ ಬೆದರಿಕೆಗಳ ಬಗ್ಗೆ ನಾವು ಜಾಗರೂಕರಾಗಿರಬೇಕು ಎಂಬುದನ್ನು ನೆನಪಿಸುತ್ತದೆ.
ನಾಸಾದ ಜೆಟ್ ಪ್ರೊಪಲ್ಷನ್ ಲ್ಯಾಬೊರೇಟರಿ (ಜೆಪಿಎಲ್,) ನಾಲ್ಕು ಹೊಸ ಕ್ಷುದ್ರಗ್ರಹಗಳನ್ನು ಗುರುತಿಸಿದೆ. ಅದು ಭೂಮಿಯನ್ನು ಸಮೀಪಿಸಲಿದ್ದು, ಈ ಕುರಿತು ನಾಸಾ ಎಚ್ಚರಿಕೆಯನ್ನು ನೀಡಿದೆ.
ಈ ನಾಲ್ಕು ಕ್ಷುದ್ರಗ್ರಹಗಳ ಪೈಕಿ 2019 ಎಫ್ಟಿ ಹೆಸರಿನ ಕ್ಷುದ್ರಗ್ರಹ ಭೂಮಿಗೆ ಅತ್ಯಂತ ಸಮೀಪ ಬರಲಿದೆ ಎಂದು ನಾಸಾದ ಸೆಂಟರ್ ಫಾರ್ ನಿಯರ್ ಅರ್ಥ್ ಆಬ್ಜೆಕ್ಟ್ ಸ್ಟಡೀಸ್ ಹೇಳಿದೆ. ಈ ಕ್ಷುದ್ರಗ್ರಹ ಸುಮಾರು 290 ಅಡಿ ವ್ಯಾಸವನ್ನು ಹೊಂದಿದೆ ಎಂದು ನಾಸಾ ಸ್ಪಷ್ಟಪಡಿಸಿದೆ.
ಕುದ್ರಗ್ರಹ 2019 ಎಫ್ಟಿ ಮಾರ್ಚ್ 27ರಂದು ಭೂಮಿಗೆ ಹತ್ತಿರ ಬಂದಿದೆ. ಇದು ಭೂಮಿಗೆ ಸುಮಾರು 4.06 ಮಿಲಿಯನ್ ಮೈಲುಗಳಷ್ಟು ಹತ್ತಿರವಾಗಲಿದೆ.
ನಾಸಾದ ಸಿಎನ್ಇಒಎಸ್ ಪ್ರಕಾರ ಈ, ಕ್ಷುದ್ರಗ್ರಹವು ಗಂಟೆಗೆ ಬರೋಬ್ಬರಿ 101,638 ಕಿ.ಮೀ. ವೇಗದಲ್ಲಿ ಭೂಮಿಯ ಕಡೆಗೆ ಧಾವಿಸುತ್ತಿದೆ. ಇದು ನಿಜಕ್ಕೂ ಆತಂಕಕಾರಿ ಸಂಗತಿ ಎಂದು ನಾಸಾ ಹೇಳಿದೆ.