ಮೋದಿ ಬರ್ತ್’ಡೇ ಗೆ ನಮೀಬಿಯಾದಿಂದ ತಂದಿದ್ದ ಚೀತಾಗಳ ಪೈಕಿ ಒಂದು ಚೀತಾ ಸಾವು – ಕಾರಣ ಏನು ಗೊತ್ತಾ?

ನ್ಯೂಸ್ ಆ್ಯರೋ : ಜಗತ್ತು ಡಿಜಿಟಲೀಕರಣಕ್ಕೆ ತುತ್ತಾಗುತ್ತಿದ್ದಂತೆ ಸಾಕಷ್ಟು ವನ್ಯಜೀವಿಗಳು ಕಣ್ಮರೆಯಾಗುತ್ತಿದೆ. ಮನುಷ್ಯನ ಮಿತಿಮೀರಿದ ಸೌಕರ್ಯಗಳ ತೆವಲಿನಿಂದಾಗಿ ನೂರಾರು ಪ್ರಭೇದದ ಜೀವಸಂಕುಲಗಳು ಅಳಿಯುತ್ತಿವೆ. ಒಂದು ಕಾಲದಲ್ಲಿ ಭಾರತದಲ್ಲೂ ಹೆಚ್ಚಾಗಿ ಕಂಡುಬರುತ್ತಿದ್ದ ಕಪ್ಪು ಚುಕ್ಕೆಯ ಚೀತಾಗಳು ಬರುಬರುತ್ತ‌ ನಶಿಸಿ ಹೋದವು. ಇದೇ ಕಾರಣದಿಂದ ಇತ್ತೀಚೆಗಷ್ಟೇ ಭಾರತಕ್ಕೆ ನಮೀಬಿಯಾದಿಂದ 8 ಚೀತಾಗಳನ್ನು ತರಲಾಗಿತ್ತು. ಆದರೆ ಇದೀಗ ಅವುಗಳಲ್ಲಿ 1 ಚೀತಾ ಸಾವನಪ್ಪಿದೆ.

ಕಳೆದ ವರ್ಷ ಸೆಪ್ಟಂಬರ್ 17ರಂದು ದೇಶಕಂಡ ಅಪ್ರತಿಮ ಪ್ರಧಾನಿ ನರೇಂದ್ರ ಮೋದಿಯವರ ಹುಟ್ಟುಹಬ್ಬದ ದಿನ ನಮೀಬಿಯಾ ದೇಶದಿಂದ ಅಪರೂಪದ ಕಪ್ಪು ಚುಕ್ಕೆಯ 8 ಚೀತಾಗಳನ್ನು ಭಾರತದ ರಾಷ್ಟ್ರೀಯ ಉದ್ಯಾನವನಕ್ಕೆ ತರಲಾಗಿತ್ತು. ಇವುಗಳಲ್ಲಿ ಮೊದಲನೇ‌ ಬ್ಯಾಚ್ ಐದು ಹೆಣ್ಣು ಚೀತಾಗಳಿದ್ದವು. ಇದೀಗ ಆ ಮೊದಲ ಬ್ಯಾಚ್ ನಲ್ಲಿದ್ದ ಒಂದು ಚೀತಾ ಜೀವಾಂತ್ಯ ಕಂಡಿದೆ.

ಈ ಕಪ್ಪು ಚುಕ್ಕೆಯ ಚೀತಾಗಳನ್ನು ತಂದ ಮೊದಲು ಭಾರತದ ಹವಾಗುಣಕ್ಕೆ ಹೊಂದಿಕೊಂಡಿದ್ದವಾದರೂ ಆನಂತರ ಕೊಂಚ ಮಟ್ಟಿಗೆ ಆರೋಗ್ಯದಲ್ಲಿ ಏರುಪೇರಾಗಿತ್ತು. ಸದ್ಯ, ಸಾವನಪ್ಪಿರುವ ಚೀತಾಗೆ ಮೂತ್ರಪಿಂಡದ ಸಮಸ್ಯೆ ಎದುರಾಗಿತ್ತು ಎಂಬುದನ್ನು‌ ಕುನೋ ರಾಷ್ಟ್ರೀಯ ಉದ್ಯಾನವನದ ತಜ್ಞ ವೈದ್ಯರ ತಂಡ ಬಹಿರಂಗ ಪಡಿಸಿದೆ.