ಪ್ರತಿದಿನ ಈ ಯೋಗಾಸನ ಮಾಡಿದ್ರೆ ಲಿವರ್ ಸಮಸ್ಯೆ ಬರೋದೇ ಇಲ್ಲ – ಆ ಆಸನಗಳು ಯಾವುವು? ಮಾಡೋದು ಹೇಗೆ?

Yoga asanas for liver : ಇತ್ತೀಚಿನ ದಿನಗಳಲ್ಲಿ ಜನರು ಯಕೃತ್ತಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಹೆಚ್ಚಿನ ಜನರು ಯಕೃತ್ತಿನಲ್ಲಿ ಕಿಣ್ವಗಳ ಕೊರತೆ, ಫ್ಯಾಟಿ ಲಿವರ್, ಲಿವರ್ ಸಿರೋಸಿಸ್ ಮುಂತಾದ ಸಮಸ್ಯೆಗಳಿಂದ ಬೇಸತ್ತಿದ್ದಾರೆ. ಇದಕ್ಕೆ ನಮ್ಮ ಜೀವನಶೈಲಿ ಬದಲಾವಣೆಯು ಕೂಡ ಕಾರಣವಾಗಿದೆ.

ಆದರೆ, ಪ್ರತಿ ದಿನ ಕೆಲವು ಯೋಗಾಸನಗಳನ್ನು ಮಾಡುವುದರಿಂದ ಲಿವರ್ ಆರೋಗ್ಯವಾಗಿರುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಹಾಗಿದ್ದರೆ, ಲಿವರ್ ಆರೋಗ್ಯಕ್ಕಾಗಿ ಪ್ರತಿ ದಿನ ಮಾಡಲೇಬೇಕಾದ ಐದು ಯೋಗಾಸನಗಳ ಬಗ್ಗೆ ತಿಳಿಯೋಣ…

ಮಂಡೂಕಾಸನ

ದೇಹದ ಆರೋಗ್ಯವನ್ನು ಹೆಚ್ಚಿಸಲು ಯೋಗ ಮತ್ತು ಪ್ರಾಣಾಯಾಮ ಬಹಳ ಮುಖ್ಯ ಎಂದು ವೈದ್ಯರು ಹೇಳುತ್ತಾರೆ. ಕಪಾಲಭಾತಿ ಪ್ರಾಣಾಯಾಮ ಮತ್ತು ಅನುಲೋಮ ವಿಲೋಮವನ್ನು ನಿಯಮಿತವಾಗಿ ಅಭ್ಯಾಸ ಮಾಡುವ ಮೂಲಕ ಅನೇಕ ಯಕೃತ್ತಿನ ಸಮಸ್ಯೆಗಳನ್ನು ಪರಿಣಾಮಕಾರಿಯಾಗಿ ಗುಣಪಡಿಸಬಹುದು.

ಮೊದಲು ವಜ್ರಾಸನದಲ್ಲಿ ಕುಳಿತುಕೊಳ್ಳಿ. ಈಗ ಎರಡೂ ಕೈಗಳ ಮುಷ್ಟಿಯನ್ನು ಮುಚ್ಚಿ. ಮುಷ್ಟಿಯನ್ನು ಮುಚ್ಚುವಾಗ, ಬೆರಳುಗಳಿಂದ ಹೆಬ್ಬೆರಳನ್ನು ಒಳಗೆ ಒತ್ತಿರಿ. ಎರಡೂ ಮುಷ್ಟಿಗಳನ್ನು ಹೊಕ್ಕುಳಿನ ಎರಡೂ ಬದಿಗಳಲ್ಲಿ ಇರಿಸಿ, ಉಸಿರನ್ನು ಬಿಡುತ್ತಾ, ಮುಂದೆ ಬಾಗಿ ಗಲ್ಲವನ್ನು ನೆಲದ ಮೇಲೆ ಇರಿಸಿ. ಈ ಸ್ಥಿತಿಯಲ್ಲಿ ಸ್ವಲ್ಪ ಸಮಯ ಇದ್ದ ನಂತರ, ವಜ್ರಾಸನಕ್ಕೆ ಹಿಂತಿರುಗಿ. ಆಸನವನ್ನು ಮಾಡುವಾಗ, ಎರಡೂ ಕೈಗಳ ಮುಷ್ಟಿಯನ್ನು ಹೊಕ್ಕುಳಿನ ಸುತ್ತಲೂ ಚೆನ್ನಾಗಿ ಇರಿಸಲಾಗುತ್ತದೆ ಎಂಬುದನ್ನು ನೆನಪಿನಲ್ಲಿಡಿ.

ಅಧೋಮುಖ ಶ್ವಾನಾಸನ

ಇದು ಅತ್ಯಂತ ಜನಪ್ರಿಯ ಯೋಗಾಸನಗಳಲ್ಲಿ ಒಂದಾಗಿದೆ. ಕಿಬ್ಬೊಟ್ಟೆಯ ಸ್ನಾಯುಗಳನ್ನು ಬಲಪಡಿಸುವುದರ ಜೊತೆಗೆ, ನಿಮ್ಮ ರಕ್ತದೊತ್ತಡಕ್ಕೂ ಇದು ಒಳ್ಳೆಯದು. ಇದನ್ನು ಲಿವರ್‌ಗೆ ಉತ್ತಮ ಯೋಗವೆಂದು ಪರಿಗಣಿಸಬಹುದು.

ಈ ಆಸನದಲ್ಲಿ ಹಲವು ಪ್ರಯೋಜನಗಳಿವೆ. ದೇಹದ ಭಾರವನ್ನು ಮೊಣಕೈಗಳು ಹೊರುವ ಹಾಗೂ ಇಡಿಯ ದೇಹ ಕುತ್ತಿಗೆಯಿಂದ ಹಿಡಿದ ಹಿಮ್ಮಡಿಯವರೆಗೆ ನೇರವಾಗಿರುವ ಕಾರಣ ಬಗ್ಗಿರುವ ಬೆನ್ನು, ಮುಂದೆ ಬಂದಿರುವ ಹೊಟ್ಟೆ ಮತ್ತು ವಿಶೇಷವಾಗಿ ಸಡಿಲವಾಗಿರುವ ಕೆಳಹೊಟ್ಟೆಯ ಸ್ನಾಯುಗಳನ್ನು ಬಲಪಡಿಸುತ್ತದೆ. ಇದು ದೇಹಕ್ಕೆ ಹೆಚ್ಚಿನ ದೃಢತೆ ನೀಡುವ ಜೊತೆಗೇ ಮನಸ್ಸಿಗೂ ನಿರಾಳತೆ ದೊರಕುತ್ತದೆ.

ಶಲಭಾಸನ

ಹೊಟ್ಟೆಯನ್ನು ಬಲಪಡಿಸಲು ಸಹಾಯ ಮಾಡುವ ಎಲ್ಲಾ ಆಸನಗಳು ತುಂಬಾ ಪ್ರಯೋಜನಕಾರಿ ಎಂದು ಸಾಬೀತುಪಡಿಸುತ್ತದೆ. ಈ ಆಸನವು ಜೀರ್ಣಕ್ರಿಯೆಯಿಂದ ಯಕೃತ್ತಿನ ಸಮಸ್ಯೆಗಳವರೆಗೆ ಅನೇಕ ವಿಷಯಗಳಲ್ಲಿ ಪ್ರಯೋಜನಕಾರಿ ಎಂದು ಸಾಬೀತುಪಡಿಸುತ್ತದೆ.

ಮೊದಲು ನೆಲದ ಮೇಲೆ ಬೋರಲಾಗಿ, (ಕೆಳ ಮುಖ ಮಾಡಿ) ನೇರವಾಗಿ ಮಲಗಿಕೊಳ್ಳಬೇಕು. ನಂತರ ಎರಡೂ ಕೈಗಳನ್ನು ತೊಡೆಗಳ ಕೆಳಗೆ ಇಡಬೇಕು. ನಿಧಾನವಾಗಿ ತಲೆಯನ್ನು ಚಿತ್ರದಲ್ಲಿರುವಂತೆ ಮೇಲಕ್ಕೆತ್ತಬೇಕು. ಹಾಗೆಯೇ ಎರಡೂ ಕಾಲುಗಳನ್ನು ನಿಧಾನವಾಗಿ ಮೇಲಕ್ಕೆತ್ತಬೇಕು. ಆಗ ಎದೆ ಮತ್ತು ನಾಭಿಯ ಪ್ರದೇಶ ಭೂಮಿಯ ಮೇಲೆ ಇರುತ್ತವೆ. ಮಂಡಿಗಳನ್ನು ಸಾಧ್ಯವಾದಷ್ಟೂ ನೇರ ಮಾಡಿ, 1ರಿಂದ 3 ನಿಮಿಷಗಳವರೆಗೆ ಇದೇ ಸ್ಥಿತಿಯಲ್ಲಿದ್ದು ನಂತರ ಕಾಲುಗಳನ್ನು ಕೆಳಗಿಳಿಸಬಹುದು.

ಪ್ರಾಣಾಯಾಮ

ದೈಹಿಕ ಹಾಗೂ ಮಾನಸಿಕ ಆರೋಗ್ಯ ಭಾಗ್ಯ ನೀಡುವ ಪ್ರಾಣಾಯಾಮವು ಉಸಿರಾಡುವ ಕಲೆಯನ್ನು ಕಲಿಸುವ ವಿಶಿಷ್ಟ ಯೋಗ. ಪ್ರಾಣ ಎಂಬುದು ಉಸಿರಾಟ ಅಥವಾ ದೇಹ ದ ಪ್ರಮುಖ ಶಕ್ತಿ. ಪ್ರಾಣಾಯಾಮ ಇದು ಯೋಗ ವಿಜ್ಞಾನದ ಅತಿ ಪ್ರಮುಖ ಭಾಗ. ಪ್ರಾಣ ಎಂಬ ಶಬ್ದ ಜೀವ ಶಕ್ತಿಯನ್ನು ಹಾಗೂ ಯಾಮ ಶಬ್ದ ನಿಯಂತ್ರಣವನ್ನು ಸೂಚಿಸುತ್ತದೆ. ಅಂದರೆ ಉಸಿರಾಟದ ನಿಯಂತ್ರಣವೇ ಪ್ರಾಣಾಯಾಮ. ಪ್ರಾಣಾ ಯಾಮದ ಮೂಲಕ ಜೀವಶಕ್ತಿಲಯದ ಮೇಲೆ ನಿಯಂತ್ರಣ ಸಾಧಿಸಿ, ದೇಹ ಹಾಗೂ ಮನಸ್ಸಿನ ಆರೋಗ್ಯ ವೃದ್ಧಿಸಿಕೊಳ್ಳ ಬಹುದು.