ಅಂಬಾನಿ ಮನೆಯಲ್ಲಿ ಗಣೇಶ ಹಬ್ಬದ ಕಳೆ; ಬಾಲಿವುಡ್ ನಟರ ದಂಡು

ನ್ಯೂಸ್ ಆ್ಯರೋ : ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ಕುಟುಂಬ ಶುಕ್ರವಾರ ತಮ್ಮ ಮನೆಗೆ ಗಣೇಶ ಮೂರ್ತಿಯನ್ನು ತಂದು ಭರ್ಜರಿಯಾಗಿ ಗಣೇಶನ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಇವರು ಹಲವಾರು ವರ್ಷಗಳಿಂದ ಹಬ್ಬವನ್ನು ಆಚರಿಸುತ್ತಾ ಬರುತ್ತಿದ್ದಾರೆ.

ಅಂಬಾನಿ ಮನೆಯ ವಿರಾಜೆ ಬಪ್ಪಾ ದರ್ಶನ ಪಡೆಯಲು ಬಾಲಿವುಡ್‌ನ ದೊಡ್ಡ ಗಣ್ಯರು ಅಲ್ಲಿಗೆ ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಸೆಲೆಬ್ರಿಟಿಗಳ ಜೊತೆಗೆ, ಅಂಬಾನಿ ಕುಟುಂಬ ಅದ್ಧೂರಿಯಾಗಿ ಬಪ್ಪನನ್ನು ಬರಮಾಡಿಕೊಂಡರು.

ಅಂಬಾನಿ ಕುಟುಂಬಸ್ಥರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದು, ಬಪ್ಪಾ ದರ್ಶನ ಪಡೆದರು. ನಂತರ ಕುಟುಂಬಸ್ಥರೆಲ್ಲ ಸೇರಿ ಪೂಜೆ ಪುನಸ್ಕಾರಗಳನ್ನು ಕೈಗೊಂಡರು. ಈ ವಿಡಿಯೋವನ್ನು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ನ ‘X’ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.

ಅನಿಲ್ ಕಪೂರ್ ತಮ್ಮ ಪತ್ನಿ, ಮಗಳು ಸೋನಮ್ ಕಪೂರ್, ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್, ಜಾಕಿ ಶ್ರಾಫ್ ಮತ್ತು ಮಗ ಟೈಗರ್ ಶ್ರಾಫ್, ಸಲ್ಮಾನ್ ಖಾನ್ ಮತ್ತು ಅವರ ಸೊಸೆ ಅಲಿಝಾ ಅಗ್ನಿಹೋತ್ರಿ, ತಮನ್ನಾ ಭಾಟಿಯಾ, ಶ್ರದ್ಧಾ ಕಪೂರ್, ಅನನ್ಯಾ ಪಾಂಡೆ ಇನ್ನಿತರ ಬಾಲಿವುಡ್ ಗಣ್ಯರು ಬಂದು ಬಪ್ಪನ ದರ್ಶನವನ್ನು ಪಡೆದರು.

ಅನಂತ್ ಅಂಬಾನಿ ಮತ್ತು ರಿಲಯನ್ಸ್ ಫೌಂಡೇಶನ್ ಮುಂಬೈನ ಐಕಾನಿಕ್ ಲಾಲ್ ಬಾಗ್ ಚಾನ ಮಹಾಗಣಪತಿ ವಿಗ್ರಹಕ್ಕೆ ಚಿನ್ನದ ಕಿರೀಟವನ್ನು ಉಡುಗೊರೆಯಾಗಿ ನೀಡಿದೆ. 20 ಕೆ.ಜಿಯ ಈ ಚಿನ್ನದ ಕಿರೀಟದ ಮೌಲ್ಯ ₹ 15 ಕೋಟಿ ಆಗಿದೆ.