Yogi Babu : ಈ ಕಾಮಿಡಿ ನಟ ಸ್ಟಾರ್ ನಟರಷ್ಟೇ ದುಬಾರಿ – ಇವರು ದಿನವೊಂದಕ್ಕೆ ಪಡೆಯುವ ಸಂಭಾವನೆ ಎಷ್ಟು ಗೊತ್ತಾ?

ನ್ಯೂಸ್ ಆ್ಯರೋ‌ : ತಮಿಳು ಚಿತ್ರ ನೋಡುವವರಿಗೆ ಯೋಗಿ ಬಾಬು (Yogi Babu) ಪರಿಚಯ ಚೆನ್ನಾಗಿಯೇ ಇರುತ್ತದೆ. ತಮ್ಮ ಕಾಮಿಡಿ ಪಂಚಿಂಗ್ ಮೂಲಕ ಪ್ರೇಕ್ಷಕರ ಮನ ಗೆದ್ದ ಅವರು ಸದ್ಯ ಸ್ಟಾರ್ ಕಲಾವಿದ ಎನಿಸಿಕೊಂಡಿದ್ದಾರೆ. ಬಹುತೇಕ ಸ್ಟಾರ್ ಕಲಾವಿದರ ಚಿತ್ರಗಳಲ್ಲಿ ಇವರಿಗೊಂದು ಪಾತ್ರ ನಿಶ್ಚಿತ ಎನ್ನುವಷ್ಟರ ಮಟ್ಟಿಗೆ ಅವರು ಜನಪ್ರಿಯ. ಅಲ್ಲದೆ ಕೆಲವು ಚಿತ್ರಗಳಲ್ಲಿ ನಾಯಕರಾಗಿಯೂ ಕಾಣಿಸಿಕೊಂಡಿದ್ದಾರೆ.

ದುಬಾರಿ ಸಂಭಾವನೆ

2009ರಲ್ಲಿ ‘ಯೋಗಿ’ ತಮಿಳು ಚಿತ್ರದ ಮೂಲಕ ಬಣ್ಣದ ಬದುಕಿಗೆ ಕಾಲಿಟ್ಟ ಯೋಗಿ ಬಾಬು ಸದ್ಯ ಅತ್ಯಂತ ಬ್ಯುಸಿ ನಟರಲ್ಲಿ ಒಬ್ಬರು. ಕಳೆದ ವರ್ಷ ತೆರೆಕಂಡ ‘ಲವ್ ಟುಡೇ’ ಮತ್ತು ಈ ವರ್ಷಾರಂಭದಲ್ಲಿ ಬಿಡುಗಡೆಯಾದ ‘ವಾರಿಸು’ ಚಿತ್ರದಲ್ಲಿ ಗಮನ ಸೆಳೆದಿರುವ ಅವರು ಪ್ರತಿ ಚಿತ್ರಕ್ಕೆ ದುಬಾರಿ ಸಂಭಾವನೆ (Remuneration) ಪಡೆಯುತ್ತಾರೆ.

ದಿನಕ್ಕೆ 18 ಲಕ್ಷ ರೂ!

ಯೋಗಿ ಬಾಬು ದಿನದ ಲೆಕ್ಕದಲ್ಲಿ ಸಂಭಾವನೆ ಪಡೆಯುತ್ತಾರೆ. ಅವರು ಒಂದು ದಿನಕ್ಕೆ (Per day) ಬರೋಬ್ಬರಿ 18 ಲಕ್ಷ ರೂ. ಚಾರ್ಜ್ ಮಾಡುತ್ತಾರೆ ಎನ್ನಲಾಗಿದ್ದು, ಪ್ರತಿ ತಿಂಗಳು ಕೋಟಿ ರೂ. ಲೆಕ್ಕದಲ್ಲಿ ದುಡಿಯುತ್ತಾರೆ. ಇದು ಯಾವ ಸ್ಟಾರ್ ನಟನ ಸಂಭಾವನೆಗಿಂತ ಕಡಿಮೆ ಇಲ್ಲ.

ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ

ಯೋಗಿ ಬಾಬು ಕನ್ನಡ ಚಿತ್ರದಲ್ಲೂ ಅಬಿನಯಿಸುತ್ತಿದ್ದಾರೆ. ನಟ, ಸಂಗೀತ ನಿರ್ದೇಶಕ ಸಾಧು ಕೋಕಿಲ ಅವರ ಪುತ್ರ ಸುರಾಗ್ ಚೊಚ್ಚಲ ನಿರ್ದೇಶನದ ಚಿತ್ರಲ್ಲಿ ಯೋಗಿ ಬಾಬು ನಟಿಸುತ್ತಿದ್ದಾರೆ. ಮೊದಲ ಹಂತದ ಚಿತ್ರೀಕರಣ ಮುಗಿದಿದ್ದು, ಸಾಧು ಕೋಕಿಲ ನಿರ್ಮಿಸುತ್ತಿದ್ದಾರೆ.