Tamanna Bhatia : ಆತ ನನಗೆ ತುಂಬಾ ವಿಶೇಷ ವ್ಯಕ್ತಿ – ಕೊನೆಗೂ ಲವ್ವಲ್ಲಿ ಬಿದ್ದ ವಿಷ್ಯ ಒಪ್ಕೊಂಡ ಮಿಲ್ಕಿ ಬ್ಯೂಟಿ..!!
- ಮನರಂಜನೆ
- June 13, 2023
- No Comment
- 199
ನ್ಯೂಸ್ ಆ್ಯರೋ : ಮಿಲ್ಕ್ ಬ್ಯೂಟಿ ತಮನ್ನಾ ಭಾಟಿಯಾ ದಕ್ಷಿಣ ಭಾರತೀಯ ಚಿತ್ರರಂಗ ಮಾತ್ರವಲ್ಲ ಬಾಲಿವುಡ್ ನಲ್ಲೂ ಜನಪ್ರಿಯ ತಾರೆ. ಸದ್ಯ ಆಕೆಯ ‘ಲಸ್ಟ್ ಸ್ಟೋರಿಸ್ 2’ ಹಿಂದಿ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ಸಾಕಷ್ಟು ಚರ್ಚೆ ಹುಟ್ಟು ಹಾಕುತ್ತಿದೆ. ಈ ಮಧ್ಯೆ ಇವರ ನಿಜವಾದ ಲವ್ ಸ್ಟೋರಿ ಕೂಡ ಸುದ್ದಿ ಮಾಡುತ್ತಿದೆ. ಮೊದಲ ಬಾರಿ ತಮನ್ನಾ ತಮ್ಮ ಪ್ರೀತಿಯ ಕುರಿತು ಮನಬಿಚ್ಚಿ ಮಾತನಾಡಿದ್ದಾರೆ.
ನಟ ವಿಜಯ್ ವರ್ಮ ಜೊತೆಗಿನ ಸಂಬಂಧದ ಕುರಿತು ಮೌನ ಮುರಿದ ತಮನ್ನಾ, ”ನಾನು ನಿಜವಾಗಿಯೂ ಎದುರು ನೋಡುತ್ತಿರುವ ವ್ಯಕ್ತಿಯೇ ಈತ. ಈತ ನನಗೆ ತುಂಬಾ ವಿಶೇಷ ವ್ಯಕ್ತಿ. ಆತನೊಂದಿಗೆ ನನ್ನ ಬಾಂಧವ್ಯ ಉತ್ತಮವಾಗಿದೆ” ಎಂದಿದ್ದಾರೆ.
ಪ್ರೀತಿ ಅರಳಿಸಿದ ‘ಲಸ್ಟ್ ಸ್ಟೋರಿಸ್ 2’
ತಮನ್ನಾ ಮತ್ತು ವಿಜಯ್ ವರ್ಮಾ ಒಟ್ಟಾಗಿ ನಟಿಸುತ್ತಿರುವ ಲಸ್ಟ್ ಸ್ಟೋರೀಸ್ 2 ಸೆಟ್ ನಲ್ಲಿ ಇವರಿಬ್ಬರ ಪ್ರೀತಿ ಅರಳಿತ್ತು ಎನ್ನುವುದು ವಿಶೇಷ. ”ನಾನು ನನಗಾಗಿ ಒಂದು ಜಗತ್ತನ್ನು ಸೃಷ್ಟಿಸಿಕೊಂಡಿದ್ದೇನೆ. ನಾನು ಏನನ್ನೂ ಹೇಳದೆಯೇ ಆತ ಆ ಜಗತ್ತನ್ನು ಅರ್ಥ ಮಾಡಿಕೊಂಡಿದ್ದಾನೆ” ಎಂದು ಬಾಹುಬಲಿ ನಟಿ ಹೇಳಿದ್ದಾರೆ.
ಈ ಹಿಂದೆ ಇವರಿಬ್ಬರು ತಮ್ಮ ಸಂಬಂಧದ ಬಗ್ಗೆ ಎಲ್ಲೂ ಮಾತನಾಡಿರಲಿಲ್ಲ. ಗೋವಾದಲ್ಲಿ ನಡೆದ ಹೊಸ ವರ್ಷ ಪಾರ್ಟಿಯಲ್ಲಿ ಇಬ್ಬರು ಜೊತೆಯಾಗಿ ಕಾಣಿಸಿಕೊಂಡ ಫೋಟೋ ವೈರಲ್ ಆಗಿತ್ತು. ಮಾತ್ರವಲ್ಲ ಡಿನ್ನರ್ ಪಾರ್ಟಿ, ಹಲವು ಕಾರ್ಯಕ್ರಮಗಳಲ್ಲಿ ಈ ಜೋಡಿ ಜೊತೆಯಾಗಿ ಕ್ಯಾಮರಾ ಕಣ್ಣಿಗೆ ಬಿದ್ದಿತ್ತು. ಆಗ ಇವರು ತಮ್ಮ ಸಂಬಂಧದ ಬಗ್ಗೆ ಏನೂ ಹೇಳಿರಲಿಲ್ಲ. ಇದೀಗ ಅಭಿಮಾನಿಗಳ ಊಹೆ ನಿಜವಾಗಿದೆ.