ಖ್ಯಾತ ನಟಿ ನಗ್ಮಾ ಜತೆ ಲವ್ ಅಫೇರ್ ಸುದ್ದಿ – ಮೌನಮುರಿದು ಸ್ಪಷ್ಟನೆ ಕೊಟ್ಟ ನಟ ರವಿಕಿಶನ್ ಹೇಳಿದ್ದೇನು?
- ಮನರಂಜನೆ
- April 4, 2023
- No Comment
- 163
ನ್ಯೂಸ್ ಆ್ಯರೋ : ಒಂದಿಲ್ಲ ಒಂದು ವಿಚಾರದಲ್ಲಿ ಸುದ್ದಿಯಲ್ಲಿರುವ ನಟಿ ನಗ್ಮಾ ಇದೀಗ ನಟ ರವಿಕಿಶನ್ ಜತೆಗಿನ ಲವ್ ಅಫೇರ್ ವಿಷಯದ ಬಗ್ಗೆ ಸುದ್ದಿಯಲ್ಲಿದ್ದಾರೆ.
ನಗ್ಮಾಗೆ ಇನ್ನೂ ಮದುವೆಯಾಗಿಲ್ಲ. ಸದ್ಯ ಅವರ ಹೆಸರು ನಟ ರವಿಕಿಶನ್ ಜತೆ ಕೇಳಿಬರುತ್ತಿದೆ.
ಇದುವರೆಗೆ ಯಾವುದೇ ಸ್ಪಷ್ಟನೆಯನ್ನು ನೀಡದೆ ಇಬ್ಬರೂ ಮೌನವಾಗಿದ್ದರಾದರೂ ಈಚೆಗೆ ನಡೆದ ಸಂದರ್ಶನವೊಂದರಲ್ಲಿ ರವಿಕಿಶನ್ ಮೌನ ಮುರಿದಿದ್ದಾರೆ.
‘ನಾನು ಹಾಗೂ ನಗ್ಮಾ ಕೆಲವೊಂದು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದೇವೆ. ಸಿನಿಮಾಗಳಲ್ಲಿ ಇಂತಹ ಗಾಸಿಪ್ಗಳು ಸಾಮಾನ್ಯ. ಆದರೆ ನನಗೆ ಮದುವೆ ಆಗಿದೆ. ನನ್ನ ವೈವಾಹಿಕ ಜೀವನ ಬಹಳ ಚೆನ್ನಾಗಿದೆ. ನನ್ನ ಪತ್ನಿ ನನ್ನನ್ನು ಬಹಳ ಇಷ್ಟಪಡುತ್ತಾಳೆ. ಆಕೆ ಕಷ್ಟ ಆಗಲೀ, ಸಂತೋಷ ಆಗಲೀ ನನ್ನ ಜೊತೆ ಇರುತ್ತಾಳೆ. ನಾನು ಏನೆಂದು ಆಕೆಗೆ ಚೆನ್ನಾಗಿ ಗೊತ್ತು. ಪತ್ನಿಗೆ ನಾನು ಎಂದಿಗೂ ಮೋಸ ಮಾಡುವುದಿಲ್ಲ. ನಗ್ಮಾ ಹಾಗೂ ನಾನು ಉತ್ತಮ ಸ್ನೇಹಿತರು ಅಷ್ಟೇ” ಎಂದು ಎಲ್ಲ ರೂಮರ್ಸ್ ಗೆ ಉತ್ತರ ಕೊಟ್ಟಿದ್ದಾರೆ.
ಈ ಹಿಂದೆ ಆನ್ಲೈನ್ ವಂಚನೆಗೆ ಬಲಿಯಾದ ನಗ್ಮಾ
ಇತ್ತೀಚೆಗೆ ನಗ್ಮಾ ತಮ್ಮ ಮೊಬೈಲ್ಗೆ ಬಂದ ಲಿಂಕ್ವೊಂದನ್ನು ಕ್ಲಿಕ್ ಮಾಡಿ ಒಂದು ಲಕ್ಷ ರೂಪಾಯಿ ಹಣ ಕಳೆದುಕೊಂಡು ಸುದ್ದಿಯಾಗಿದ್ದರು.
ಬಹುಭಾಷಾ ನಟಿ ನಗ್ಮಾ:
ಮುಂಬೈನಲ್ಲಿ ಹುಟ್ಟಿ ಬೆಳೆದ ನಗ್ಮಾ, 1990ರಲ್ಲಿ ತೆರೆ ಕಂಡ ‘ಬಾಘಿ’ ಚಿತ್ರದ ಮೂಲಕ ಸಿನಿಮಾ ರಂಗಕ್ಕೆ ಬಂದರು. ಹಿಂದಿ ಹೊರತುಪಡಿಸಿ ತೆಲುಗು, ತಮಿಳು, ಕನ್ನಡ, ಭೋಜ್ಪುರಿ, ಬೆಂಗಾಳಿ ಸಿನಿಮಾಗಳಲ್ಲಿ ಕೂಡಾ ನಗ್ಮಾ ಅಭಿನಯಿಸಿದ್ದಾರೆ. ಹಲವು ವರ್ಷಗಳ ಹಿಂದೆ ನಗ್ಮಾ ಅವರು ಕ್ರಿಕೆಟಿಗ ಸೌರವ್ ಗಂಗೂಲಿ ಜೊತೆಯೂ ಗಾಸಿಪ್ ಗೆ ಆಹಾರವಾಗಿದ್ದರು.