‘ಲಕ್ಷ್ಮಿ ಬಾರಮ್ಮ’ ನಟಿ ಕವಿತಾ ಗೌಡ ತಂಗಿಯ ವಿವಾಹ – ಅದ್ಧೂರಿ ಮದುವೆಯಲ್ಲಿ ಕಂಗೊಳಿಸಿದ ವರ ಯಾರು ಗೊತ್ತಾ‌..!?

ನ್ಯೂಸ್ ಆ್ಯರೋ‌ : ಕಿರುತೆರೆಯ ‘ಲಕ್ಷ್ಮೀ ಬಾರಮ್ಮ’ ಧಾರವಾಹಿಯ ಮೂಲಕ ‘ಚಿನ್ನು’ ಎಂದೇ ಜನಪ್ರಿಯರಾದ ನಟಿ ಕವಿತಾ ಗೌಡ. ಸದ್ಯ ಕವಿತಾ ಸಹೋದರಿ ಮೋನಿಷಾ ಅವರ ಮದುವೆ ಮಾಡಿಸಿದ್ದು, ಸಮಾರಂಭದ ಫೋಟೋ ವೈರಲ್ ಆಗಿದೆ.

ಪತಿ, ನಟ ಚಂದನ್ ಗೌಡ ಅವರ ಜೊತೆ ಹೊಟೇಲ್ ಉದ್ಯಮ ನಡೆಸುತ್ತಿರುವ ಕವಿತಾ ‘ಶ್ರೀನಿವಾಸ ಕಲ್ಯಾಣ’, ‘ಫಸ್ಟ್ ಲವ್’, ‘ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ’, ‘ಗೋವಿಂದ ಗೋವಿಂದ’, ‘ಹುಟ್ಟುಹಬ್ಬದ ಶುಭಾಶಯಗಳು’ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಜನಪ್ರಿಯ ರಿಯಾಲಿಟಿ ಶೋ ಬಿಗ್ ಬಾಸ್ ನಲ್ಲೂ ಕಾಣಿಸಿಕೊಂಡಿದ್ದರು.

ಮೋನಿಷಾ ಅವರ ವಿವಾಹ ಶೋಭಿತ್ ಎಂಬವರೊಂದಿಗೆ ಬೆಂಗಳೂರಿನಲ್ಲಿ ನಡೆದಿದೆ. ಸರಳವಾಗಿ ನಡೆದ ಈ ಸಮಾರಂಭದ ಫೋಟೋವನ್ನು ಚಂದನ್ ಕುಮಾರ್ ಶೇರ್ ಮಾಡಿ ಶುಭ ಹಾರೈಸಿದ್ದಾರೆ.

2021ರಲ್ಲಿ ಕವಿತಾ ಗೌಡ ಮತ್ತು ಚಂದನ್ ಗೌಡ ಅವರ ವಿವಾಹ ನಡೆದಿತ್ತು. ಈ ಜೋಡಿ ಕನ್ನಡದ ಜೊತೆಗೆ ಪರ ಭಾಷೆಯಲ್ಲೂ ಜನಪ್ರಿಯ. ಚಂದನ್ ತೆಲುಗು ಧಾರಾವಾಹಿಯಲ್ಲಿ ನಟಿಸಿದರೆ ಕವಿತಾ ತಮಿಳು ಕಿರುತೆರೆಯಲ್ಲಿ ಮೋಡಿ ಮಾಡಿದ್ದಾರೆ.