300 ಕೋಟಿ ಬಾಚುವತ್ತ ಪೊನ್ನಿಯಿನ್ ಸೆಲ್ವನ್ 2 – ಬಿಡುಗಡೆಯಾದ ವಾರದುದ್ದಕ್ಕೂ ಹೌಸ್ ಫುಲ್ ಪ್ರದರ್ಶನ..!!

ನ್ಯೂಸ್ ಆ್ಯರೋ‌ : ಮಣಿ ರತ್ನಂ ನಿರ್ದೇಶನದ ‘ಪೊನ್ನಿಯಿನ್ ಸೆಲ್ವನ್ 2’ ಸಿನಿಮಾ ಏ.28ರಂದು ರಿಲೀಸ್ ಆಯಿತು. ಈ ಸಿನಿಮಾ ನಾಲ್ಕೈದು ದಿನಗಳಲ್ಲಿ ಅಬ್ಬರದ ಕಲೆಕ್ಷನ್ ಮಾಡಿದ್ದು ಈ ಚಿತ್ರದ ಗಳಿಕೆ 225 ಕೋಟಿ ರೂ. ಮೀರಿದೆ. ಈ ಮೂಲಕ ಸಿನಿಮಾ ಗೆದ್ದು ಬೀಗಿದೆ.

ಮೊದಲ ಪಾರ್ಟ್ ಯಶಸ್ಸು ಕಂಡರೆ ಅದರ ಸೀಕ್ವೆಲ್ ಕೂಡ ಗೆಲ್ಲುತ್ತದೆ. ಅದರಲ್ಲೂ ಮೊದಲ ಪಾರ್ಟ್ ಹಾಗೂ ಎರಡನೇ ಪಾರ್ಟ್ಗೆ ಕಥೆಯಲ್ಲಿ ಕನೆಕ್ಷನ್ ಇದ್ದರೆ ಗೆಲುವು ಮತ್ತಷ್ಟು ಸುಲಭ. ‘ಪೊನ್ನಿಯಿನ್ ಸೆಲ್ವನ್ 2’ ವಿಚಾರದಲ್ಲೂ ಹಾಗೆಯೇ ಆಗಿದೆ.

‘ಪೊನ್ನಿಯಿನ್ ಸೆಲ್ವನ್’ ಸಿನಿಮಾ ಕಳೆದ ವರ್ಷ ರಿಲೀಸ್ ಆಗಿ ಯಶಸ್ಸು ಕಂಡಿತು. ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಅಬ್ಬರದ ಕಲೆಕ್ಷನ್ ಮಾಡಿತ್ತು. ಅದರ ಮುಂದಿನ ಭಾಗವಾಗಿ ‘ಪೊನ್ನಿಯಿನ್ ಸೆಲ್ವನ್ 2’ ಚಿತ್ರ ಈಗ ರಿಲೀಸ್ ಆಗಿದೆ. ವಿಶ್ವಾದ್ಯಂತ ಈ ಸಿನಿಮಾ ಕಲೆಕ್ಷನ್ 200+ ಕೋಟಿ ರೂ. ದಾಟಿದೆ. ಈ ಮೂಲಕ ಸಿನಿಮಾ ಹೊಸ ದಾಖಲೆ ಸೃಷ್ಟಿಸಿದೆ. ಇದು ಅಭಿಮಾನಿಗಳಿಗೆ ಖುಷಿ ನೀಡಿದೆ.

ಶುಕ್ರವಾರ ಮೊದಲ ದಿನದ ಕ್ರೇಜ್ ಇರುತ್ತದೆ. ಶನಿವಾರ ಹಾಗೂ ಭಾನುವಾರ ವೀಕೆಂಡ್ ಎನ್ನುವ ಕಾರಣಕ್ಕೆ ಜನರು ಥಿಯೇಟರ್ಗೆ ಬರುತ್ತಾರೆ. ಇದರ ಜೊತೆಗೆ ಸೋಮವಾರ (ಮೇ 1) ಕಾರ್ಮಿಕರ ದಿನಾಚರಣೆ ಪ್ರಯುಕ್ತ ರಜೆ ಇತ್ತು. ಇದು ಸಿನಿಮಾ ತಂಡಕ್ಕೆ ಸಹಕಾರಿ ಆಗಿದೆ. ನಾಲ್ಕೇ ದಿನಕ್ಕೆ ಚಿತ್ರ ಬಾಕ್ಸ್ ಆಫೀಸ್ ಉಡೀಸ್ ಮಾಡಿದೆ.

ಪೊನ್ನಿಯಿನ್ ಸೆಲ್ವನ್ 2’ ಮೇಕಿಂಗ್, ದೊಡ್ಡ ತಾರಾ ಬಳಗ, ಚಿತ್ರದ ಕಥೆ, ಮಣಿರತ್ನಂ ನಿರ್ದೇಶನ ಚಿತ್ರಕ್ಕೆ ಸಹಕಾರಿ ಆಗಿದೆ. ಈ ಚಿತ್ರ ಇನ್ನೂ ಎಷ್ಟು ಗಳಿಕೆ ಮಾಡುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ. ಈ ಸಿನಿಮಾ ಶೀಘ್ರವೇ 300 ಕೋಟಿ ರೂಪಾಯಿ ಗಳಿಕೆ ಮಾಡುವ ಸಾಧ್ಯತೆ ಇದೆ.

‘ಪೊನ್ನಿಯಿನ್ ಸೆಲ್ವನ್ 2’ ಸಿನಿಮಾದಲ್ಲಿ ವಿಕ್ರಮ್, ಐಶ್ವರ್ಯಾ ರೈ ಬಚ್ಚನ್, ಕಾರ್ತಿ, ತ್ರಿಶಾ, ಶೋಭಿತಾ ಧುಲಿಪಾಲ್, ಪ್ರಕಾಶ್ ರಾಜ್ ಮೊದಲಾದ ಸ್ಟಾರ್ ಕಲಾವಿದರು ಬಣ್ಣ ಹಚ್ಚಿದ್ದಾರೆ. ಕಲ್ಕಿ ಕೃಷ್ಣಮೂರ್ತಿ ಅವರು ಬರೆದ ಪುಸ್ತಕ ಆಧರಿಸಿ ಈ ಸಿನಿಮಾ ಸಿದ್ಧಗೊಂಡಿದೆ.