ಇನ್ಸ್ಟಾಗ್ರಾಮ್ ನಲ್ಲಿ ಭಾವುಕ ಪೋಸ್ಟ್ ಹಂಚಿಕೊಂಡ ಅರ್ಜುನ್ ಕಪೂರ್ – ನಟನ ಕಣ್ಣೀರಿಗೆ ಕಾರಣ ಏನು?
- ಮನರಂಜನೆ
- September 15, 2023
- No Comment
- 51
ನ್ಯೂಸ್ ಆ್ಯರೋ : ಬಾಲಿವುಡ್ ನಟ ಅರ್ಜುನ್ ಕಪೂರ್ ಅವರ ಪ್ರೀತಿಯ ಸಾಕು ನಾಯಿ ಮ್ಯಾಕ್ಸಿಮಸ್ ಇತ್ತೀಚೆಗೆ ಮೃತಪಟ್ಟಿದೆ. ಕುಟುಂಬದ ಭಾಗವೇ ಆಗಿದ್ದ ಶ್ವಾನದ ಮರಣ ಅರ್ಜುನ್ ಕಪೂರ್ ಗೆ ಸಾಕಷ್ಟು ನೋವು ತಂದಿದೆ. ಅವರು ಇನ್ಸ್ಟಾಗ್ರಾಮ್ ನಲ್ಲಿ ಮ್ಯಾಕ್ಸಿಮಸ್ ನ ಹಳೆ ಫೋಟೋಗಳನ್ನು ಹಂಚಿಕೊಂಡು ಭಾವುಕ ವಿದಾಯ ನುಡಿಗಳನ್ನು ಬರೆದಿದ್ದಾರೆ.
ನೆನಪು ಮೆಲುಕು ಹಾಕಿದ ನಟ
ಮ್ಯಾಕ್ಸಿಯಸ್ ಜೊತೆಗಿನ ಒಡನಾಟದ ನೆನಪುಗಳನ್ನು ಅರ್ಜುನ್ ಈ ಪೋಸ್ಟ್ ನಲ್ಲಿ ಹಂಚಿಕೊಂಡಿದ್ದಾರೆ. ಮ್ಯಾಕ್ಸಿಮಸ್ ಅರ್ಜುನ್ ಜೊತೆ ಮಲಗಿರುವುದು, ಅವರ ಸಹೋದರಿ ಅನ್ಶುಲಾ ಜೊತೆ ಆಟವಾಡುತ್ತಿರುವ ಫೋಟೋ ನೋಡಿ ನೆಟ್ಟಿಗರು ಭಾವುಕರಾಗಿದ್ದಾರೆ.
ಅರ್ಜುನ್ ಹೇಳಿದ್ದೇನು?
ಈ ಜಗತ್ತಿನ ಅತ್ಯುತ್ತಮ ಹುಡುಗ ನನ್ನ ಮ್ಯಾಕ್ಸಿಯಸ್. ಪ್ರೀತಿಯ, ಮುದ್ದಿನ, ಧೈರ್ಯವಂತ ಸಂಗಾತಿಯನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ನನ್ನ ಮತ್ತು ಅನ್ಶು ಬಳಿಯಿಂದ ಮ್ಯಾಕ್ಸಿಮಸ್ ನನ್ನು ಕಸಿದುಕೊಂಡಿದ್ದು ದೊಡ್ಡ ಆಘಾತ ತಂದಿದೆ. ಅವನಿಲ್ಲದೆ ಮನೆಯಲ್ಲಿ ಹೇಗಿರುವುದು ಎನ್ನುವುದೇ ತಿಳಿಯುತ್ತಿಲ್ಲ. ಸಾವು ಯಾವತ್ತೂ ಕ್ರೂರ. ಈ ಬಾರಿಯಂತೂ ಅದಕ್ಕಿಂತ ಭಿನ್ನವಾಗಿಲ್ಲ. ನನಗೆ ಮತ್ತು ಅನ್ಶುಗೆ ಇಷ್ಟು ದಿನ ಉತ್ತಮ ಸಂಗಾತಿಯಾಗಿ ಮುದ ನೀಡಿದ್ದಕ್ಕೆ ಧನ್ಯವಾದಗಳು ಎಂದು ಅರ್ಜುನ್ ಕಪೂರ್ ಇಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿದ್ದಾರೆ.
ಈ ಪೋಸ್ಟ್ ಓದಿ ಅನೇಕರು ಭಾವುಕರಾಗಿದ್ದಾರೆ. ಸದ್ಯ ಈ ಪೊಸ್ಟ್ ವೈರಲ್ ಆಗಿದ್ದು ಅನೇಕರು ಮ್ಯಾಕ್ಸಿಮಸ್ ಗೆ ಶ್ರದ್ಧಾಂಜಲಿ ಅರ್ಪಿಸಿದ್ದಾರೆ. ಬಾಲಿವುಡ್ ತಾರೆಗಳಾದ ಟೈಗರ್ ಶ್ರಾಫ್, ಆಥಿಯಾ ಶೆಟ್ಟಿ, ವಾಣಿ ಕಪೂರ್ ಮತ್ತಿತರರು ಸಾಂತ್ವನ ಹೇಳಿದ್ದಾರೆ.
ಇನ್ನು ಸಿನಿಮಾ ವಿಚಾರಕ್ಕೆ ಬರುವುದಾದರೆ ಸದ್ಯ ‘ದಿ ಲೇಡಿ ಕಿಲ್ಲರ್’ ಮತ್ತು ‘ಮೇರಿ ಪತ್ನಿ ಕಾ ರಿಮೇಕ್’ನಲ್ಲಿ ಅರ್ಜುನ್ ನಟಿಸುತ್ತಿದ್ದಾರೆ. ಕೆಲವು ವರ್ಷಗಳಿಂದ ದೊಡ್ಡ ಹಿಟ್ ನೀಡಲು ವಿಫಲವಾಗಿರುವ ಅವರು ಉತ್ತಮ ಬ್ರೇಕ್ ಗೆ ಕಾಯುತ್ತಿದ್ದಾರೆ.
