Mangalore : ಟ್ಯಾಂಕರ್-ಸ್ಕೂಟರ್ ನಡುವೆ ಅಪಘಾತ – ಸ್ಕೂಟರ್ ಸವಾರ ಸ್ಥಳದಲ್ಲೇ ದಾರುಣ ಮೃತ್ಯು

ನ್ಯೂಸ್ ಆ್ಯರೋ : ಟ್ಯಾಂಕರ್ ಮತ್ತು ಸ್ಕೂಟರ್ ನಡುವೆ ಅಪಘಾತ ಸಂಭವಿಸಿ ಸ್ಕೂಟರ್ ಸವಾರ ರಸ್ತೆಗೆ ಬಿದ್ದಿದ್ದು, ಈ ವೇಳೆ ಆತನ ತಲೆಯ ಮೇಲೆ ಟ್ಯಾಂಕರ್ ನ ಹಿಂಭಾಗದ ಚಕ್ರ ಹಾದು ಹೋಗಿ ಸ್ಕೂಟರ್ ಸವಾರ ಸ್ಥಳದಲ್ಲೇ ಸಾವಿಗೀಡಾದ ಘಟನೆ
ಇಂದು ಬೆಳಿಗ್ಗೆ ನಗರದ ನಂತೂರು ಪದವು ಎಂಬಲ್ಲಿ ನಡೆದಿದೆ.

ಕಣ್ಣೂರು ಮೂಲದ ಶಿವಾನಂದ ಮೃತ ಸ್ಕೂಟರ್ ಸವಾರ.

ಮೃತ ಶಿವಾನಂದ ಅವರು ಕೆಎ-19-ಎಚ್‌ಡಿ-6544 ನಂಬ್ರದ ಸ್ಕೂಟರ್‌ ನಲ್ಲಿ ಕೆಪಿಟಿಯಿಂದ ನಂತೂರು ಜಂಕ್ಷನ್ ಕಡೆಗೆ ಸವಾರಿ ಮಾಡಿಕೊಂಡು ಹೋಗುತ್ತಿದ್ದಾಗ ಕೆಎ-19-ಎಇ-6867 ರ ಟ್ಯಾಂಕರನ್ನು ಅದರ ಚಾಲಕ ಶ್ರೀ ಸುನೀತ್ ಕೆ ಎಂಬವರು ನಂತೂರಿನಿಂದ ಕೆಪಿಟಿ ಕಡೆಗೆ ನಿರ್ಲಕ್ಷ್ಯತನದಿಂದ ಚಲಾಯಿಸಿಕೊಂಡು ಬಂದಿದ್ದ.

ಈ ವೇಳೆ ಟ್ಯಾಂಕರ್ ಸ್ಕೂಟರ್‌ ನ ಬಲಭಾಗಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಸ್ಕೂಟರ್‌ ಸವಾರ ಸ್ಕೂಟರ್ ಸಮೇತ ರಾಷ್ಟ್ರೀಯ ಹೆದ್ದಾರಿಯಲ್ಲಿ ರಸ್ತೆಗೆ ಬಿದ್ದಿದ್ದು, ಟ್ಯಾಂಕರ್‌ ನ ಎಡ ಹಿಂಭಾಗದ ಟೈರ್ ಸ್ಕೂಟರ್ ಸವಾರನ ತಲೆಯ ಮೇಲೆ ಹಾದುಹೋಗಿ ಸವಾರ ಶಿವಾನಂದ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಟ್ಯಾಂಕರ್ ಚಾಲಕ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಮೃತ ದೇಹವನ್ನು ವೆನ್ಲಾಕ್ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ.