ವಾರಕ್ಕೆ ಎಷ್ಟು ಬಿಯರ್‌ ಕುಡಿದರೆ ಆರೋಗ್ಯಕ್ಕೆ ಒಳ್ಳೆಯದು?; ಏನೆಲ್ಲಾ ಸಮಸ್ಯೆಗಳು ಆಗುತ್ತೆ ಗೊತ್ತಾ?

ನ್ಯೂಸ್ ಆ್ಯರೋ: ಅತಿಯಾಗಿ ಬಿಯರ್ ಕುಡಿಯುವುದರಿಂದ ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು, ಆದ್ದರಿಂದ ನೀವು ಎಷ್ಟು ಸೇವಿಸುತ್ತೀರಿ ಎಂಬುದರ ಬಗ್ಗೆ ಗಮನ ಹರಿಸುವುದು ಮುಖ್ಯ. ನಿಮ್ಮ ಸೇವನೆಯನ್ನು ಮಿತವಾಗಿ ಇಟ್ಟುಕೊಳ್ಳುವ ಮೂಲಕ, ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬಹುದು. ಎಲ್ಲಕ್ಕಿಂತ ಮುಖ್ಯವಾಗಿ ಬಿಯರ್‌ ಸೇವನೆಯನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ.

ಬಿಯರ್ ಒಂದು ಆಲ್ಕೊಹಾಲ್ಯುಕ್ತ ಪಾನೀಯ. ನೀರು, ಹಾಪ್ಸ್ ಮತ್ತು ಯೀಸ್ಟ್ ಜೊತೆಗೆ ಬಾರ್ಲಿಯಂತಹ ಏಕದಳ ಧಾನ್ಯಗಳನ್ನು ಚೆನ್ನಾಗಿ ಹುದುಗಿಸುವ ಮೂಲಕ ತಯಾರಿಸಲಾಗುತ್ತದೆ. ಆಲ್ಕೋಹಾಲ್ ಬೈ ವಾಲ್ಯೂಮ್ (ABV) ಮೂಲಕ, ಇದು ಸಾಮಾನ್ಯವಾಗಿ 4% ರಿಂದ 6% ABV ವರೆಗೆ ಇರುತ್ತದೆ. ಈಗ ಬಿಯರ್‌ನಲ್ಲಿಯೇ ಹೆಚ್ಚಿನ ಆಲ್ಕೋಹಾಲ್‌ ಕಂಟೆಂಟ್‌ಗಳಿರುವ ಸ್ಟ್ರಾಂಗ್‌ ಬಿಯರ್‌ಗಳು ಲಭ್ಯವಿದೆ.

ರಾಷ್ಟ್ರೀಯ ಆರೋಗ್ಯ ಸೇವೆ (NHS) ಆಲ್ಕೋಹಾಲ್ ಯುನಿಟ್‌ಗಳನ್ನು ಡ್ರಿಂಕ್‌ನಲ್ಲಿನ ಶುದ್ಧ ಆಲ್ಕೋಹಾಲ್ ಪ್ರಮಾಣವನ್ನು ಉತ್ತಮವಾಗಿ ಪ್ರತಿನಿಧಿಸುವ ರೀತಿಯಲ್ಲಿ ವ್ಯಾಖ್ಯಾನಿಸುತ್ತದೆ. ಒಂದು ಯುನಿಟ್‌ 10ml ಅಥವಾ 8g ಶುದ್ಧ ಆಲ್ಕೋಹಾಲ್‌ಗೆ ಸಮಾನವಾಗಿರುತ್ತದೆ, ಇದು ಸರಾಸರಿ ವಯಸ್ಕರು ಒಂದು ಗಂಟೆಯಲ್ಲಿ ಚಯಾಪಚಯಗೊಳ್ಳುವ ಪ್ರಮಾಣವಾಗಿದೆ.

ಜನರು ತಮ್ಮ ಸಾಮಾನ್ಯ ಕುಡಿಯುವಿಕೆಯ ಭಾಗವಾಗಿ ವಾರಕ್ಕೆ 14 ಯೂನಿಟ್‌ಗಳಿಗಿಂತ ಹೆಚ್ಚು ಹೊಂದಿರಬಾರದು ಎಂದು NHS ಮಾರ್ಗಸೂಚಿಗಳು ಸೂಚಿಸುತ್ತವೆ. ಇದು ಪುರುಷರು ಹಾಗೂ ಮಹಿಳೆಯರು ಇಬ್ಬರಿಗೂ ಅನ್ವಯಿಸುತ್ತದೆ. ಈ 14 ಯುನಿಟ್‌ಗಳು ಹಲವು ದಿನಗಳ ಕಾಲ ವಿಸ್ತರಣೆ ಆಗಿರಬೇಕು, ವಾರದಲ್ಲಿ ಎರಡು ಬಾರಿ ಆಲ್ಕೋಹಾಲ್‌ ಇಲ್ಲದ ದಿನ ಇರಬೇಕು. 14 ಯುನಿಟ್‌ಗಳು ಸರಿಸುಮಾರು ಆರು ಪಿಂಟ್‌ ಬಿಯರ್‌ಗಳ ಸರಾಸರಿ ಸಾಮರ್ಥ್ಯ ಎಂದು ಅಂದಾಜು ಮಾಡಲಾಗುತ್ತದೆ. ವಾರದಲ್ಲಿ ಈ ಮಟ್ಟದಲ್ಲಿ ಕುಡಿಯುತ್ತಿದ್ದರೆ ಮೂರು ದಿನಗಳು ಅಥವಾ ಅದಕ್ಕಿಂತ ಹೆಚ್ಚು ದಿನದಲ್ಲಿ ಸ್ಪೇಸ್ ಡ್ರಿಂಕ್ಸ್ ಆಗುತ್ತದೆ. ಆರೋಗ್ಯಕ್ಕೆ ನಿಮ್ಮ ಒಟ್ಟಾರೆ ಅಪಾಯವನ್ನು ಕಡಿಮೆ ಮಾಡಲು ವಾರದಲ್ಲಿ ಕೆಲವು ದಿನವನ್ನು ಆಲ್ಕೋಹಾಲ್‌ ಸೇವನೆ ಮಾಡದೇ ಇರುವ ದಿನವಾಗಿ ಪರಿಗಣಿಸಬೇಕು.

ಇನ್ನು ಜರ್ನಲ್ ಆಫ್ ನ್ಯೂಟ್ರಿಷನಲ್ ಬಯೋಕೆಮೆಸ್ಟ್ರಿ ಇತ್ತೀಚೆಗೆ ನಡೆಸಿದ ಅಧ್ಯಯನದ ಪ್ರಕಾರ ಬೀಯರ್​ನಲ್ಲಿ ಹೆಚ್ಚು ಪಾಲಿಫಿನಾಲ್​ಗಳ ಅಂಶ ಸಾಕಷ್ಟು ಇರುವುದರಿಂದ ಇದು ಹೃದಯ ರಕ್ತನಾಳಗಳ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಹೇಳುತ್ತಾರೆ. ಈ ಅಧ್ಯಯನದಲ್ಲಿ ಹೇಳುವ ಪ್ರಕಾರ ಒಂದು ಮಿತಿಯಲ್ಲಿ ಬೀಯರ್ ಪಾನ ಮಾಡಿದರೆ ಆರೋಗ್ಯಕ್ಕೆ ಹಲವು ಪ್ರಯೋಜನಗಳಿವೆ ಎಂದು ಹೇಳಲಾಗಿದೆ. ದಿನಕ್ಕೆ ಮಹಿಳೆಯರು ಒಂದು ಬೀಯರ್ ಹಾಗೂ ಪುರುಷರು ಎರಡು ಬೀಯರ್ ಕುಡಿದರೆ ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯದಿಂದ ದೂರ ಇರಬಹುದು ಎಂದು ಅಧ್ಯಯನದಲ್ಲಿ ವರದಿಯಾಗಿದೆ.

ಈ ಒಂದು ಮಾದಕ ಪಾನೀಯದಲ್ಲಿ ಆ್ಯಂಟಿಆಕ್ಸಿಡಂಟ್​ ಹಾಗೂ ಮೈಕ್ರೊನ್ಯೂಟ್ರಿಯಂಟ್ಸ್​ ಇರುವುರಿಂದ ಹಲವು ಪ್ರಯೋಜನಗಳು ಇವೆ. ಆದ್ರೆ ನೆನಪಿರಲಿ ಅತಿಯಾದರೆ ಅಮೃತವೂ ವಿಷ ಎಂಬ ಒಂದು ಮಾತಿದೆ. ಅತಿಯಾದ್ರೆ ಬೀಯರ್​ನಿಂದಲೂ ಕೂಡ ಆರೋಗ್ಯ ಸಮಸ್ಯೆಗಳು ಬರುತ್ತವೆ. ಡಿಹೈಡ್ರೇಷನ್​ನಿಂದ ಹಿಡಿದು ಕ್ಯಾನ್ಸರ್​​ವರೆಗೂ ಕೂಡ ಬೀಯರ್​ ನಿಮಗೆ ಹಾನಿಕಾರಕವಾಗಬಲ್ಲದು. ಒಂದು ವೇಳೆ ನೀವು ಅದನ್ನು ಅತಿಯಾಗಿ ಸೇವಿಸಿದ್ದೇ ಆದರೆ ತಲೆನೋವು, ಆಯಾಸ, ಡ್ರೈ ಮೌತ್, ನಿದ್ರಾಹೀನತೆಯಂತಹ ಸಮಸ್ಯೆಗಳನ್ನು ತಂದೊಡ್ಡುವುದರಲ್ಲಿ ಸಂಶಯವೇ ಇಲ್ಲ. ತೂಕ ಹೆಚ್ಚಳವು ಆಗುವ ಸಾಧ್ಯತೆಯು ಇರುವುದು. ಯಕೃತ್ ಗೆ ಹಾನಿಯಾಗುವುದು. ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು. ಮಲಗುವ ಮೊದಲು ಆಲ್ಕೋಹಾಲ್ ಸೇವನೆ ಮಾಡಿದರೆ ಆಗ ಇದರಿಂದ ನಿದ್ರೆಗೆ ಸಮಸ್ಯೆಯಾಗುವುದು.ಸ್ತನ, ಕರುಳು ಮತ್ತು ಅನ್ನನಾಳದ ಕ್ಯಾನ್ಸರ್ ಬರುವ ಸಾಧ್ಯತೆಯು ಇರುವುದು.

ಹೀಗಾಗಿ ಮಿತವಾದ ಬೀಯರ್ ಬಳಕೆ ಎಷ್ಟು ಆರೋಗ್ಯಕ್ಕೆ ಒಳ್ಳೆಯದೋ ಅಷ್ಟೇ ಅತಿಯಾದರ ಆಪತ್ತು ಕೂಡ ಹೌದು.