ರಾತ್ರಿ ತಡವಾಗಿ ಊಟ ಮಾಡುವ ಅಭ್ಯಾಸ ನಿಮಗಿದ್ಯಾ ?; ಹಾಗಿದ್ರೆ ಇಂದೇ ಬಿಟ್ಟು ಬಿಡಿ, ಯಾಕೆ ಗೊತ್ತಾ ?

ನ್ಯೂಸ್ ಆ್ಯರೋ: ತಡ ರಾತ್ರಿ ಊಟ ಮಾಡುವುದು ಬಹುತೇಕರು ಹವ್ಯಾಸ ಮಾಡಿಕೊಂಡು ಬಿಟ್ಟಿರುತ್ತಾರೆ. ಅದೇ ಸಮಯಕ್ಕೆ ತಿನ್ನಬೇಕು. ತಿಂದ ತಕ್ಷಣ ಮಲಗಬೇಕು ಎಂಬ ದಿನಚರಿಯನ್ನು ಫಾಲೋ ಮಾಡುತ್ತಿರುತ್ತಾರೆ. ನೀವು ಮಾಡುವ ಸಣ್ಣ ಪುಟ್ಟ ತಪ್ಪುಗಳು ಕೊನೆಗೆ ಬೆಳೆದು ಅಪಾಯಕಾರಿ ಕಾಯಿಲೆಗಳನ್ನು ಸೃಷ್ಟಿ ಮಾಡುತ್ತವೆ.

ತಡರಾತ್ರಿ ಊಟ ಮಾಡುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಳವಾಗುತ್ತದೆ. ಹೃದ್ರೋಗಗಳು, ಸ್ಥೂಲಕಾಯತೆ ಮತ್ತು ಗ್ಯಾಸ್‌ ತುಂಬುವುದು ಅಥವಾ ಆಮ್ಲೀಯತೆಯಂತಹ ಹಲವಾರು ಆರೋಗ್ಯದ ಅಪಾಯಗಳಿಗೆ ಕಾರಣವಾಗಬಹುದು.

ನಿದ್ರೆಯ ಮೇಲೆ ಪರಿಣಾಮ:

ನೀವು ತಡವಾಗಿ ತಿಂದು ತಕ್ಷಣ ಮಲಗುವುದರಿಂದ ನಿಮ್ಮ ನಿದ್ರೆಯ ಮೇಲೆ ಪ್ರತಿಕೂಲವಾದ ಪರಿಣಾಮವನ್ನು ಎದುರಿಸಬೇಕಾಗುತ್ತದೆ. ಅಲ್ಲದೆ, ನೀವು ಸ್ಮರಣ ಶಕ್ತಿಯ ದಕ್ಷತೆಯನ್ನು ಕೂಡ ಹಂತ ಹಂತವಾಗಿ ಕಳೆದುಕೊಳ್ಳಬಹುದು.

ತೂಕ ಇಳಿಸುವುದು ಕಷ್ಟ:

ತಡರಾತ್ರಿಯಲ್ಲಿ ಊಟದ ನಿರಾಶಾದಾಯಕ ಭಾಗವೆಂದರೆ ತೂಕ ಹೆಚ್ಚಾಗುವುದು. ನಿಮ್ಮ ಸಾಮರ್ಥ್ಯವು ಕ್ಯಾಲೋರಿ ಸೇವನೆ ಮತ್ತು ಆಹಾರ ಆಯ್ಕೆಗಳ ಮೇಲೆ ಮಾತ್ರವಲ್ಲದೆ ನಿಮ್ಮ ಊಟದ ಸಮಯವನ್ನು ಅವಲಂಬಿಸಿರುತ್ತದೆ. ತಡವಾಗಿ ಊಟ ಮಾಡುವುದರಿಂದ ದೇಹದ ತೂಕವು ಗಣನೀಯವಾಗಿ ಹೆಚ್ಚಾಗುತ್ತದೆ. ಇದು ದೇಹದಲ್ಲಿ ಕೊಬ್ಬಾಗಿ ಸಂಗ್ರಹವಾಗುವ ಸಾಧ್ಯತೆ ಇರುತ್ತದೆ.

​ಕಳಪೆ ಏಕಾಗ್ರತೆಯ ಮಟ್ಟ:

ನೀವು ತಡವಾಗಿ ಊಟವನ್ನು ಮಾಡಿ ಮಲಗುವುದರಿಂದ ಕಳಪೆ ಗುಣಮಟ್ಟದ ಜ್ಞಾಪಕ ಶಕ್ತಿ ಮತ್ತು ಏಕಾಗ್ರತೆಯ ಕೊರತೆಯನ್ನು ಎದುರಿಸಬೇಕಾಗಬಹುದು. ನಿಮ್ಮ ತಡವಾದ ಊಟದ ನಂತರ ಮಲಗುವುದರಿಂದ ಸೊಂಟದ ಸುತ್ತ ಕೊಬ್ಬು ಬೆಳೆಯುವುದಲ್ಲದೆ, ಮೆದುಳಿನ ಆರೋಗ್ಯಕ್ಕೂ ಹಾನಿಕಾರಕವಾಗಿದೆ. ಊಟದ ಸಮಯವು ಮೆದುಳಿನ ಶರೀರಶಾಸ್ತ್ರ ಮತ್ತು ನಡವಳಿಕೆಯ ಮೇಲೆ ಪರಿಣಾಮ ಬೀರುತ್ತದೆ. ಇನ್ನು ಅನಿಯಮಿತ ಆಹಾರ ಪದ್ಧತಿಗಳು ಸಿರ್ಕಾಡಿಯನ್‌ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ. ಇದು ಮೆದುಳಿನ ಕಲಿಕೆ, ಏಕಾಗ್ರತೆ ಮತ್ತು ಕಂಠಪಾಠ ಮಾಡುವ ಸಾಮರ್ಥ್ಯವು ಕೂಡ ಕಡಿಮೆಯಾಗುತ್ತದೆ.

ಹೃದಯದ ನೋವು ಕಾಣಿಸಿಕೊಳ್ಳಬಹುದು:

ತಡವಾಗಿ ಊಟ ಮಾಡಿ, ತಕ್ಷಣ ಮಲಗುವುದರಿಂದ ಹೃದಯ ನೋವು, ಆಮ್ಲೀಯತೆ, ಎದೆ ನೋವು ಮತ್ತು ಗ್ಯಾಸ್‌ಗಳಿಗೆ ಕಾರಣವಾಗಬಹುದು.ಜೀರ್ಣಕ್ರಿಯೆಯ ಮೇಲೆ ಸಾಕಷ್ಟು ಅಡ್ಡಿಯನ್ನು ಉಂಟು ಮಾಡುತ್ತದೆ.ನಿಮ್ಮ ಚಯಾಪಚಯ ಕ್ರಿಯೆಯು ಒತ್ತಡಕ್ಕೆ ಒಳಗಾಗಬಹುದು. ಹಾಗಾಗಿ ಮಲಗುವ ಮುಂಚೆ ಕನಿಷ್ಠ ಪಕ್ಷ 2 ಗಂಟೆಗಳ ಅಂತರವನ್ನು ರಚಿಸುವುದು ಉತ್ತಮ.

ಸಾಧ್ಯವಾದಷ್ಟು ಬೇಗ ಊಟ ಮಾಡಿ:

ಊಟದ ಸಮಯವನ್ನು ನಿಮ್ಮ ಸಾಮಾನ್ಯ ಸಮಯಕ್ಕಿಂತ ಅಂದರೆ ನೀವು ಪ್ರತಿನಿತ್ಯ ಊಟ ಮಾಡುವ ಒಂದು ಗಂಟೆ ಮುಂಚಿತವಾಗಿಯೇ ನಿಮ್ಮ ಸಮಯವನ್ನು ನಿಗದಿಪಡಿಸಿ. ಸಾಧ್ಯವಾದರೆ ಸಂಜೆ 7- 7: 30 ರ ಒಳಗೆ ಊಟ ಮಾಡಲು ಪ್ರಯತ್ನಿಸಿ. ಅಥವಾ ಅದಕ್ಕೂ ಮೊದಲೇ ಊಟ ಮಾಡಿ. ಪ್ರತಿನಿತ್ಯ ಈ ಸಮಯಕ್ಕೆ ಊಟ ಮಾಡಲು ಪ್ರಯತ್ನಿಸಿ. ರಾತ್ರಿ ಊಟ ಮತ್ತು ಉಪಾಹಾರದ ನಡುವೆ 12- 16 ಗಂಟೆಗಳ ಅಂತರ ಇರುವಂತೆ ನೋಡಿಕೊಳ್ಳಿ. ಕೆಲವು ಸಂಶೋಧನೆಯ ಪ್ರಕಾರ ರಾತ್ರಿ 9 ಗಂಟೆಯ ನಂತರ ಊಟ ಮಾಡುವುದು ಆರೋಗ್ಯಕ್ಕೆ ತುಂಬಾ ಹಾನಿಕಾರಕವಾಗಿದೆ. ಏಕೆಂದರೆ ನಿದ್ರೆ ಮತ್ತು ಊಟದ ನಡುವೆ 2 ಗಂಟೆಗಳ ಅಂತರವನ್ನು ಹೊಂದಿರುವುದು ಬಹಳ ಮುಖ್ಯ.