ಸ್ಮಾರ್ಟ್ ಫೋನ್ ಕೊಂಡರೆ ಎರಡು ಕೆಜಿ ಟೊಮ್ಯಾಟೊ ಫ್ರೀ – ವೈರಲ್ ಆದ ಮೊಬೈಲ್ ಅಂಗಡಿಯ ಬ್ಯುಸಿನೆಸ್ ಟ್ರಿಕ್..!
- ವೈರಲ್ ನ್ಯೂಸ್
- July 11, 2023
- No Comment
- 130
ನ್ಯೂಸ್ ಆ್ಯರೋ : ದೇಶದಲ್ಲಿ ಟೊಮ್ಯಾಟೋ ಬೆಲೆ ಗಗನಮುಖಿಯಾಗುತ್ತಿದೆ. ವಿವಿಧ ಕಡೆ ಕೆಜಿಗೆ 200 ರೂ. ಗಡಿ ದಾಟಿದೆ. ಇದೀಗ ಈ ವಿಚಾರದ ಕುರಿತು ಸಾಕಷ್ಟು ಮೀಮ್ಸ್ ಗಳು ಹರಿದಾಡುತ್ತಿವೆ. ಈ ಮಧ್ಯೆ ಮೊಬೈಲ್ ಅಂಗಡಿಯೊಂದು ಸ್ಮಾರ್ಟ್ ಫೋನ್ ಕೊಂಡರೆ 2 ಕೆಜಿ ಟೊಮ್ಯಾಟೋ ಉಚಿತ ಎಂಬ ಕೊಡುಗೆ ಘೋಷಿಸಿದ್ದು ಭಾರೀ ಸದ್ದು ಮಾಡುತ್ತಿದೆ.
ಎಲ್ಲಿ ಈ ಕೊಡುಗೆ?
ಮಧ್ಯ ಪ್ರದೇಶದ ಅಶೋಕ್ ನಗರದ ಮೊಬೈಲ್ ಶೋ ರೋಂ ಮಾಲಕ ಅಭಿಷೇಕ್ ಅಗರ್ವಾಲ್ ಈ ಕೊಡುಗೆ ಘೋಷಿಸಿ ಗ್ರಾಹಕರ ಗಮನ ಸೆಳೆದವರು.
ಈ ಕೊಡುಗೆಗೆ ಉತ್ತಮ ಸ್ಪಂದನೆ ದೊರೆತಿದ್ದು, ಗ್ರಾಹಕರು ಮೊಬೈಲ್ ಕೊಂಡುಕೊಳ್ಳಲು ಕ್ಯೂ ನಿಂತಿದ್ದಾರೆ ಎಂದು ಅಭಿಷೇಕ್ ಅಗರ್ವಲ್ ತಿಳಿಸಿದ್ದಾರೆ. ಒಟ್ಟಿನಲ್ಲಿ ಈತನ ಈ ಐಡಿಯಾ ದೇಶದ ಗಮನ ಸೆಳೆದಿರುವುದು ಸುಳ್ಳಲ್ಲ.
ಇತ್ತೀಚೆಗೆ ಬೇಡಿಕೆ ಹೆಚ್ಚಾದ ಹಿನ್ನೆಲೆಯಲ್ಲಿ ಟೊಮ್ಯಾಟೋ ಕಳವು ಪ್ರಕರಣವೂ ಹೆಚ್ಚಾಗುತ್ತಿದೆ. ಹೀಗಾಗಿ ಕೆಲವು ದಿನಗಳ ಹಿಂದೆ ಟೊಮ್ಯಾಟೋ ರಕ್ಷಣೆಗೆ ಬಾಡಿ ಗಾರ್ಡ್ ನೇಮಿಸಿದ ಸಂಗತಿ ವೈರಲ್ ಆಗಿತ್ತು.