ಗೂಗಲ್ ನಲ್ಲಿರುವ ನಿಮ್ಮ ವೈಯಕ್ತಿಕ ಮಾಹಿತಿ ಅಳಿಸಬೇಕೆ? – ಸರಳವಾದ ಈ ಮಾರ್ಗ ಅನುಸರಿಸಿ

ನ್ಯೂಸ್ ಆ್ಯರೋ‌ : ಗೂಗಲ್ ನಲ್ಲಿ ಸರ್ಚ್ ಮಾಡುವಾಗ ನಿಮ್ಮ ಹೆಸರು ಮತ್ತು ಫೋನ್ ನಂಬರ್ ಕಂಡರೆ ಅದರಿಂದ ಆಗುವ ಅಪಾಯ ಅಷ್ಟಿಷ್ಟಲ್ಲ. ಅಪರಿಚಿತರು ಕರೆ ಮಾಡಿ ಕಿರಿಕಿರಿ ಕೊಡುವ ಸಾಧ್ಯತೆ ಇದೆ. ಜೊತೆಗೆ ನಿಮ್ಮ ವೈಯಕ್ತಿಕ ಮಾಹಿತಿ ಸೋರಿಕೆಯಾಗಲಿದೆ. ಇದರ ತಡೆಗೆ ಈ ಗೂಗಲ್ ಕ್ರಮ ಕೈಗೊಂಡಿದೆ.

ತೆಗೆದು ಹಾಕಲಿದೆ ಅವಕಾಶ

ಒಂದು ವೇಳೆ ನಿಮ್ಮ ಫೋನ್ ನಂಬರ್ ಗೂಗಲ್ ಸರ್ಚ್ ನಲ್ಲಿ ಕಂಡು ಬಂದರೆ ಅದನ್ನು ತೆಗೆದುಹಾಕುವ ಅವಕಾಶ ಇದೆ. ಅದಕ್ಕಾಗಿ ನೀವು ಗೂಗಲ್ ಗೆ ಮನವಿ ಕಳುಹಿಸಬಹುದು. ಅದು ಹೇಗೆ ಎನ್ನುವುದರ ವಿವರ ಇಲ್ಲಿದೆ.

ಮೊದಲು ಗೂಗಲ್ ಸಪೋರ್ಟ್ ಪೇಜ್ ಗೆ ಭೇಟಿ ನೇಡಿ. ಬಳಿಕ ಗೂಗಲ್ ನಲ್ಲಿ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ತೆಗೆದು ಹಾಕಲು ರಿಕ್ವೆಸ್ಟ್ ಆಯ್ಕೆ ಸೆಲೆಕ್ಟ್ ಮಾಡಿ. ಇಲ್ಲಿ ಅಧಿಕೃತ ಮಾಹಿತಿಯನ್ನು ನೀಡುವ ಮೂಲಕ ಅರ್ಜಿ ಭರ್ತಿ ಮಾಡಿ.

ನಂತರ ಗೂಗಲ್ ಸರ್ಚ್ ರಿಸಲ್ಟ್ ನಲ್ಲಿ ಯಾವೆಲ್ಲ ಮಾಹಿತಿಗಳನ್ನು ತೆಗೆದು ಹಾಕಬೇಕು ಎನ್ನುವುದರ ವಿವರ ನೀಡಿ ಫಾರ್ಮ್ ಸಬ್ಮಿಟ್ ಮಾಡಿ. ಇದಾದ ಬಳಿಕ ನಿಮ್ಮ ರಿಕ್ವೆಸ್ಟ್ ಸ್ವೀಕರಿಸಲಾಗಿದೆ ಎನ್ನುವ ಸಂದೇಶ ಬರುತ್ತದೆ. ಬಳಿಕ ಗೂಗಲ್ ನಿಮ್ಮ ಮನವಿಯನ್ನು ಪರಿಶೀಲಿಸಿ ಕ್ರಮ ಕೈಗೊಳ್ಳುತ್ತದೆ.

ಕೆಲವೊಮ್ಮೆ ಹೆಚ್ಚಿನ ಮಾಹಿತಿಯನ್ನು ಗೂಗಲ್ ಕೇಳುವ ಸಾಧ್ಯತೆ ಇದೆ. ಬಳಿಕ ಏನೆಲ್ಲ ಕ್ರಮ ಕೈಗೊಳ್ಳಲಾಗಿದೆ ಎನ್ನುವ ವಿವರವಾದ ಇಮೇಲ್ ನಿಮಗೆ ಬರಲಿದೆ.