ಚಾಟ್ ಬಾಟ್ ಕ್ಷೇತ್ರಕ್ಕೆ ಕಾಲಿಟ್ಟ ಟೆಕ್ ದೈತ್ಯ ಮೆಟಾ – ಓಪನ್‌ ಸೋರ್ಸ್ ‌ಮೂಲಕ ಲಾಮಾ-2 ಪರಿಚಯ

ನ್ಯೂಸ್ ಆ್ಯರೋ‌ : ಚಾಟ್ ಬಾಟ್ ಕ್ಷೇತ್ರಕ್ಕೆ ಫೇಸ್ ಬುಕ್ ನ ಮಾತೃ ಸಂಸ್ಥೆ ಮೆಟಾ ಕಾಲಿಟ್ಟಿದೆ. ಕೃತಕ ಬುದ್ದಿಮತ್ತೆ (ಎಐ) ಸಹಾಯದಿಂದ ಕೆಲವೇ ಕ್ಷಣಗಳಲ್ಲಿ ಮಾಹಿತಿ ನೀಡಬಲ್ಲ ಲಾಮಾ -2 ಅನ್ನು ಪರಿಚಯಿಸುತ್ತಿರುವುದಾಗಿ ಮೆಟಾ ಹೇಳಿದೆ.

ಓಪನ್ ಸೋರ್ಸ್

ಮೆಟಾ ಭಾಷಾ ಕಲಿಕೆಯ ಸಾಧನವನ್ನು ಅಭಿವೃದ್ಧಿಪಡಿಸಿ ಅದನ್ನು ತನ್ನ ಸಂಶೋಧನೆಯ ಭಾಗವಾಗಿ ಪರಿಚಯಿಸಿದೆ. ಇದು ಓಪನ್ ಸೋರ್ಸ್ ಆಗಿದ್ದು, ಎಲ್ಲರಿಗೂ ಲಭ್ಯವಾಗುವ ಜೊತೆಗೆ ಯಾರು ಬೇಕಾದರೂ ಬದಲಿಸಲು ಅವಕಾಶವಿದೆ.

ಓಪನ್ ಸೋರ್ಸ್ ಬಳಸಿರುವುದರಿಂದ ಸಾಕಷ್ಟು ಪ್ರತಿಭಾವಂತ ಡೆವಲಪರ್ ಗಳು ಹೊಸ ತಂತ್ರಜ್ಞಾನವನ್ನು ಇದರಲ್ಲಿ ಅಳವಡಿಸಲು ಸಾಧ್ಯವಿದೆ. ಜೊತೆಗೆ ಹೆಚ್ಚು ಜನ ಬಳಸುವುದರಿಂದ ಸುರಕ್ಷತೆಯೂ ಉತ್ತಮವಾಗಿರಲಿದೆ. ಸರಿಯಾದ ಮಾಹಿತಿಯೂ ಇದರಿಂದ ಸಿಗಲಿದೆ ಎಂದು ಮೆಟಾ ಸಿಇಒ ಮಾರ್ಕ್ ಝಕರ್ ಬರ್ಗ್ ತಿಳಿಸಿದ್ದಾರೆ.

ವಿಂಡೋಸ್ ತಯಾರಿಕಾ ಸಂಸ್ಥೆ ಮೈಕ್ರೋಸಾಫ್ಟ್ ಜೊತೆಗಿನ ಒಡಂಬಡಿಕೆಯ ಭಾಗವಾಗಿ ಇದನ್ನು ಮೈಕ್ರೋಸಾಫ್ಟ್ ನ ಅಜೂರ್ ಮೂಲಕ ಡೌನ್‍ಲೋಡ್ ಮಾಡಬಹುದು ಎಂದು ಕಂಪೆನಿ ತಿಳಿಸಿದೆ.