ಇನ್ಮುಂದೆ ಗೂಗಲ್ ಸೈನ್ ಇನ್‌ಗೆ ಪಾಸ್ವರ್ಡ್ ಬದಲಾಗಿ ಪಾಸ್ ಕೀ – ಹೊಸ ವಿಧಾನಕ್ಕೆ ಸರ್ವೆಯಲ್ಲಿ ಉತ್ತಮ ಪ್ರತಿಕ್ರಿಯೆ : ಏನಿದು ಪಾಸ್ ಕೀ?
- ಟೆಕ್ ನ್ಯೂಸ್
- October 11, 2023
- No Comment
- 83
ನ್ಯೂಸ್ ಆ್ಯರೋ : ಮುಂಬರುವ ದಿನಗಳಲ್ಲಿ ಗೂಗಲ್ ಸೇವೆಗಳಿಗೆ ಸೈನ್ ಇನ್ ಆಗಲು ಪಾಸ್ವರ್ಡ್ ಬದಲಾಗಿ ಪಾಸ್ ಕೀ ಬಳಕೆಯನ್ನು ಗೂಗಲ್ ಪರಿಚಯಿಸಿದೆ. ಈ ಸಂಬಂಧ ಗೂಗಲ್ ಹೇಳಿಕೊಂಡಿದೆ.
ಪಾಸ್ ಕೀ ಬಳಸಿ ಬಳಕೆದಾರರು ಬಯೋಮೆಟ್ರಿಕ್ ಸೆನ್ಸರ್ (ಫಿಂಗರ್ ಪ್ರಿಂಟ್ ಅಥವಾ ಮುಖ ಗುರುತಿಸುವಿಕೆಯಂತಹ), ಪಿನ್ ಅಥವಾ ಪ್ಯಾಟರ್ನ್ಗಳ ಮೂಲಕ ಅಪ್ಲಿಕೇಶನ್ ಗಳು ಮತ್ತು ವೆಬ್ ಸೈಟ್ ಗಳಿಗೆ ಸೈನ್ ಇನ್ ಮಾಡಬಹುದು. ಅಂದರೆ ಇದು ಪಾಸ್ ವರ್ಡ್ ಗಳನ್ನು ನೆನಪಿಟ್ಟುಕೊಳ್ಳುವ ಕಿರಿಕಿರಿಯನ್ನು ತಪ್ಪಿಸಲಿದೆ.
ಇದರರ್ಥ ಮುಂದಿನ ಬಾರಿ ನೀವು ನಿಮ್ಮ ಖಾತೆಗೆ ಸೈನ್ ಇನ್ ಮಾಡುವಾಗ ಪಾಸ್ ಕೀಗಳನ್ನು ಸೃಷ್ಟಿಸುವಂತೆ ಮತ್ತು ಬಳಸುವಂತೆ ನಿಮಗೆ ನೋಟಿಫಿಕೇಶನ್ಗಳು ಕಾಣಿಸಲಿವೆ. ಇದು ಮುಂದಿನ ದಿನಗಳಲ್ಲಿ ನಿಮ್ಮ ಸೈನ್ ಇನ್ ಪ್ರಕ್ರಿಯೆಯನ್ನು ಸರಳಗೊಳಿಸಲಿದೆ. ನಿಮ್ಮ ಗೂಗಲ್ ಖಾತೆ ಸೆಟ್ಟಿಂಗ್ಗಳಲ್ಲಿ ‘ಸಾಧ್ಯವಾದಾಗ ಪಾಸ್ವರ್ಡ್ ಸ್ಕಿಪ್ ಮಾಡಿ’ ಎಂಬ ಆಪ್ಷನ್ ಕಾಣಿಸಲಿದೆ” ಎಂದು ಗೂಗಲ್ ತಿಳಿಸಿದೆ.
ಹೊಸ ತಂತ್ರಜ್ಞಾನ ಪರಿಚಯಿಸಲು ಬೇಕಿದೆ ಇನ್ನೂ ಸಮಯ:
“ಆದರೆ ಪಾಸ್ಕೀ ವಿಧಾನವನ್ನು ಜಾರಿಗೊಳಿಸುವುದು ದೊಡ್ಡ ಪ್ರಕ್ರಿಯೆಯಾಗಿದೆ ಮತ್ತು ಹೊಸ ತಂತ್ರಜ್ಞಾನಗಳನ್ನು ಪರಿಚಯಿಸಲು ಸಮಯ ತೆಗೆದುಕೊಳ್ಳುತ್ತದೆ ಎಂದು ನಮಗೆ ತಿಳಿದಿದೆ. ಆದ್ದರಿಂದ ಪಾಸ್ವರ್ಡ್ಗಳು ಇನ್ನೂ ಕೆಲ ಸಮಯದವರೆಗೆ ಜಾರಿಯಲ್ಲಿರುತ್ತವೆ” ಎಂದು ಅದು ಹೇಳಿದೆ.
ಪಾಸ್ ಕೀಗೆ ಸರ್ವೇಯಲ್ಲಿ ಉತ್ತಮ ಪ್ರತಿಕ್ರಿಯೆ:
ಪರಿಚಯಿಸಿದ ಶೇಕಡಾ 64 ರಷ್ಟು ಬಳಕೆದಾರರು ಪಾಸ್ ವರ್ಡ್ ಗಳು ಮತ್ತು ಎರಡು – ಹಂತದ ಪರಿಶೀಲನೆಯಂತಹ ಸಾಂಪ್ರದಾಯಿಕ ವಿಧಾನಗಳಿಗಿಂತ ಪಾಸ್ ಕೀಗಳು ಬಳಸಲು ಸರಳವಾಗಿವೆ ಎಂದು ಪ್ರತಿಕ್ರಿಯಿಸಿದ್ದಾರೆ.
