ಜಾಹೀರಾತು ಕಿರಿಕಿರಿ ನಿಯಂತ್ರಿಸಲು ಮೊಬೈಲ್ ನಲ್ಲಿ ಹೀಗೆ ಮಾಡಿ – ಸಿಂಪಲದ ಟ್ರಿಕ್ಸ್ ಇಲ್ಲಿದೆ..

ನ್ಯೂಸ್ ಆ್ಯರೋ‌ : ತಂತ್ರಜ್ಞಾನ ಬೆಳೆದಂತೆ ಅದರಿಂದ ಹಲವು ಉಪಯೋಗಗಳ ಜೊತೆಗೆ ಕೆಲವೊಮ್ಮೆ ಸಮಸ್ಯೆಯನ್ನೂ ಎದುರಿಸುತ್ತೇವೆ. ಅದರಲ್ಲೂ ಕೃತಕ ಬುದ್ದಿಮತ್ತೆ (ಎ.ಐ.) ಅಭಿವೃದ್ದಿ ಹೊಂದಿದ ಮೇಲಂತೂ ನಮ್ಮ ಚಟುವಟಿಕೆಯನ್ನು ಇನ್ನೊಂದು ಕಣ್ಣು ಗಮನಿಸುತ್ತಲೇ ಇರುತ್ತದೆ.

ನಮ್ಮನ್ನು ಹಿಂಬಾಲಿಸುವ ಗೂಗಲ್

ನೀವು ಗೂಗಲ್ ನಲ್ಲಿ ಯಾವುದಾದರೊಂದು ಪ್ರಾಡಕ್ಟ್ ಅನ್ನು ಸರ್ಚ್ ಮಾಡಿದರೆ ಆ ಜಾಹೀರಾತು ನೀವು ಬಳಸುವ ಎಲ್ಲಾ ಸಾಮಾಜಿ ಜಾಲತಾಣಗಳಲ್ಲಿ ಪ್ರದರ್ಶನವಾಗುತ್ತಿರುತ್ತದೆ.

ಈ ರೀತಿ ಎಲ್ಲಾ ಕಡೆ ಜಾಹೀರಾತು ಬರುತ್ತಿರುವುದರಿಂದ ನಿಮಗೆ ಕಿರಿಕಿರಿಯಾಗುತ್ತಿದ್ದರೆ ಅದನ್ನು ನಿರ್ಬಂಧಿಸಲು ಸಾದ್ಯವಿದೆ. ನಿಮ್ಮ ಮೊಬೈಲ್ ನಲ್ಲೇ ಅದಕ್ಕಿರುವ ಆಯ್ಕೆ ಇದೆ.

ಜಾಹೀರಾತು ನಿರ್ಬಂಧಿಸುವ ವಿಧಾನ

ಮೊದಲು ಮೊಬೈಲ್ ನ ಸೆಟ್ಟಿಂಗ್ ಆಪ್ಷನ್ ಆಯ್ಕೆ ಮಾಡಿ. ಬಳಿಕ ಗೂಗಲ್ ಕ್ಲಿಕ್ ಮಾಡಿದರೆ Manage your google Account ಎಂಬ ಆಯ್ಕೆ ಕಾಣ ಸಿಗುತ್ತದೆ.

ಅದನ್ನು ಕ್ಲಿಕ್ ಮಾಡಿ Data and privacy ಆಯ್ಕೆ ಸೆಲೆಕ್ಟ್ ಮಾಡಬೇಕು. ಬಳಿಕ Web & App Activity ಆಯ್ಕೆ ಮಾಡಿ Include voice and audio activity ಮೇಲೆ ಪ್ರೆಸ್ ಮಾಡಬೇಕು. ಈಗ ಕಾಣಿಸುವ Stop saving ಆಯ್ಕೆ ಮಾಡಿ Ok ಒತ್ತಿದರಾಯ್ತು. ಇದರಿಂದ ಜಾಹೀರಾತಿನ ಕಿರಿಕಿರಿ ಇರುವುದಿಲ್ಲ.