ಭಾರತದ ಪ್ರತೀ ಹಳ್ಳಿಯಲ್ಲೂ ಇನ್ನು ಅಮೆಜಾನ್ ಇಂಟರ್ನೆಟ್ – ಜಿಯೋ, ಏರ್ಟೆಲ್ ಗಳಿಗೆ ನಡುಕ ಹುಟ್ಟಿಸಿದ ಟೆಕ್ ದೈತ್ಯ

ನ್ಯೂಸ್‌ ಆ್ಯರೋ : ಇ ಕಾಮರ್ಸ್ ಕ್ಷೇತ್ರದಲ್ಲಿ ಉತ್ತುಂಗದಲ್ಲಿರುವ ಅಮೆಜಾನ್ ಈಗ ಭಾರತದಲ್ಲಿ ಇಂಟರ್‌ನೆಟ್‌ ಸೇವೆ ಆರಂಭಿಸಲು ಚಿಂತಿಸಿದೆ. ಇದು ಭಾರತದ ಟೆಲಿಕಾಂ ಇಂಡಸ್ಟ್ರಿಯಲ್ಲಿ ದೊಡ್ಡ ಸಂಖ್ಯೆಯಲ್ಲಿ ಗ್ರಾಹಕರನ್ನು ಹೊಂದಿರುವಂತಹ ಜಿಯೋ ಹಾಗೂ ಏರ್‌ಟೆಲ್ ಸಂಸ್ಥೆಗಳಿಗೆ ಸ್ವಲ್ಪಮಟ್ಟಿಗೆ ನಡುಕ ಹುಟ್ಟಿಸಿದೆ ಎಂಬುದರಲ್ಲಿ ಸಂಶಯವಿಲ್ಲ.

Project Kuiper ಎನ್ನುವ ಹೆಸರಿನಲ್ಲಿ ಭಾರತದಲ್ಲಿ ಸ್ಯಾಟಲೈಟ್ ಇಂಟರ್‌ನೆಟ್ ಅನ್ನು ನೀಡುವ ಕಾರ್ಯಾಚರಣೆಯಲ್ಲಿ ತೊಡಗಿದೆ ಎನ್ನುವ ಮಾಹಿತಿ ಸಿಕ್ಕಿದೆ. ಅಮೆಜಾನ್ ಸಂಸ್ಥೆ ಮುಂಬರುವ ವರ್ಷಗಳಲ್ಲಿ Low Earth Orbit Satellite ಗಳನ್ನು ಸಾಕಷ್ಟು ಲಾಂಚ್ ಮಾಡುವ ಮೂಲಕ ಪ್ರತಿಯೊಂದು ಹಳ್ಳಿಗಳಿಗೆ ಕೂಡ ಇಂಟರ್ನೆಟ್ ಕನೆಕ್ಷನ್ ಅನ್ನು ನೀಡುವಂತಹ ಪ್ರಯತ್ನವನ್ನು ಮಾಡಲಿದೆ.

ಅಮೆಜಾನ್ ಸಂಸ್ಥೆಯ ಈ ಪ್ರಯತ್ನದಿಂದ ವಿಶ್ವದ ಪ್ರತಿಯೊಂದು ಮೂಲೆಯಲ್ಲೂ ಇಂಟರ್‌ನೆಟ್‌ ಸಿಗಲಿದೆ ಎನ್ನಲಾಗಿದೆ. ಭಾರತದಲ್ಲಿ ಕೂಡ ಮುಂಬರುವ ವರ್ಷಗಳಲ್ಲಿ ಈ ರೀತಿಯ ಇಂಟರ್ನೆಟ್ ಸರ್ವಿಸ್ ಅನ್ನು ಜಾರಿಗೆ ತರುವುದಕ್ಕಾಗಿ ಅಮೆಜಾನ್ ಸಂಸ್ಥೆ ಅರ್ಜಿಯನ್ನು ಸಲ್ಲಿಸಿದ್ದು ಒಂದು ವೇಳೆ ಎಲ್ಲಾ ಅಂದುಕೊಂಡಂತೆ ಖಂಡಿತವಾಗಿ ಭಾರತ ದೇಶದ ಪ್ರತಿಯೊಂದು ಮೂಲೆಗಳಲ್ಲಿ ಕೂಡ ಉತ್ತಮ ಕ್ವಾಲಿಟಿಯ ಇಂಟರ್ನೆಟ್ ಸೇವೆಯನ್ನು ನಾವು ಈ ಮೂಲಕ ಪಡೆದುಕೊಳ್ಳಬಹುದಾಗಿದೆ.

ಡಿಒಟಿ ಸಂಸ್ಥೆಯ ಮೂಲಕ ಗ್ಲೋಬಲ್ ಮೊಬೈಲ್ ಪರ್ಸನಲ್ ಕಮ್ಯುನಿಕೇಷನ್ ಲೈಸೆನ್ಸ್ ಅನ್ನು ಕೂಡ ಅಮೆಜಾನ್ ಸಂಸ್ಥೆ ಅಪ್ರುವಲ್ ರೂಪದಲ್ಲಿ ಪಡೆದುಕೊಳ್ಳಬೇಕಾಗಿರುವುದನ್ನು ಕೂಡ ನಾವು ಇಲ್ಲಿ ಪ್ರಮುಖವಾಗಿ ಪರಿಗಣಿಸಬೇಕಾಗುತ್ತದೆ. ತಿಳಿದು ಬಂದಿರುವ ಮಾಹಿತಿಯ ಪ್ರಕಾರ ಅಮೆಜಾನ್ 1ಜಿಬಿ/ಪಿಎಸ್‌ ಸ್ಪೀಡ್ ಇಂಟರ್ನೆಟ್ ಸೇವೆಯನ್ನು ಪ್ರತಿಯೊಬ್ಬರಿಗೂ ಕೂಡ ಅತ್ಯಂತ ಕಡಿಮೆ ದರದಲ್ಲಿ ಭಾರತದಲ್ಲಿ ನೀಡುವುದಕ್ಕೆ ಹೊರಟಿದೆ ಎಂಬುದಾಗಿ ತಿಳಿದುಬಂದಿದೆ. ಈಗ ಭಾರತ ದೇಶದಲ್ಲಿ ಯಾವೆಲ್ಲ ಸ್ಥಳದಲ್ಲಿ ಇಂಟರ್ನೆಟ್ ಸೇವೆ ಇಲ್ಲವೋ ಅಲ್ಲಿ ಕೂಡ ತಲುಪುವಂತಹ ಸಾಧ್ಯತೆ ಇದೆ.

3236 ಸ್ಯಾಟಲೈಟ್ ಗಳ ಮೂಲಕ ಪ್ರತಿಯೊಬ್ಬರಿಗೂ ಕೂಡ ಇಂಟರ್ನೆಟ್ ಸೇವೆಯನ್ನು ತಲುಪಿಸುವುದೇ ಅಮೆಜಾನ್ ಸಂಸ್ಥೆಯ ಗುರಿಯಾಗಿದೆ ಎಂದು ಹೇಳಬಹುದು. 2026ರ ಒಳಗೆ ಅಮೆಜಾನ್ ಸಂಸ್ಥಾನ ಈ ಗುರಿಯನ್ನು ಪೂರ್ತಿಗೊಳಿಸಲಿದೆ ಎಂಬುದಾಗಿ ತಿಳಿದು ಬಂದಿದ್ದು ತನ್ನ ಬ್ರಾಡ್ ಬ್ಯಾಂಡ್ ಸೇವೆಯ ಮೂಲಕ ಪ್ರತಿಯೊಬ್ಬರನ್ನು ಕೂಡ ತಲುಪುವಂತಹ ಗುರಿಯನ್ನು ಅಮೆಜಾನ್ ಹೊಂದಿದೆ. ಮುಂದಿನ ದಿನಗಳಲ್ಲಿ ಬಳಕೆದಾರರು ಇದರ ಪ್ರಯೋಜನವನ್ನು ಪಡೆದುಕೊಳ್ಳಬಹುದಾಗಿದೆ.