ಟೊಮ್ಯಾಟೋ ಬೆಲೆ ಗಗನಕ್ಕೇರಿದ್ರೂ ನೋ ಯೂಸ್ – ರೈತರೊಬ್ಬರ ಜಮೀನಿನ ಒಂದೂವರೆ ಲಕ್ಷ ಮೌಲ್ಯದ ಟೊಮ್ಯಾಟೊ ಕಳವು
- ಕರ್ನಾಟಕ
- July 5, 2023
- No Comment
- 166
ನ್ಯೂಸ್ ಆ್ಯರೋ : ಹವಾಮಾನ ವೈಪರೀತ್ಯದಿಂದಾಗಿ ಟೊಮ್ಯಾಟೋ ಬೆಳೆಗೆ ಹಾನಿಯಾಗಿದ್ದು ಹೆಚ್ಚಿನ ಬೇಡಿಕೆ ಹಿನ್ನೆಲೆಯಲ್ಲಿ ಬೆಲೆ ಹೆಚ್ಚಿದೆ. ದೇಶದೆಲ್ಲೆಡೆ ಈ ತರಕಾರಿ ದರ ಶತಕ ದಾಟಿದೆ. ಈ ಮಧ್ಯೆ ಹಾಸನದಲ್ಲಿ ಲಕ್ಷಾಂತರ ರೂ. ಮೌಲ್ಯದ ಟೊಮ್ಯಾಟೋ ಕಳವು ಮಾಡಲಾಗಿದೆ.
ಎಲ್ಲಿ ಕಳವು?
ಬೇಲೂರು ತಾಲೂಕಿನ ಗೋಣಿ ಸೋಮನಹಳ್ಳಿ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು ಕೈಗೆ ಬಂದ ತುತ್ತು ಬಾಯಿಗೆ ಬರಲಿಲ್ಲ ಎಂಬಂತಾಗಿದೆ. ಧರಣಿ ಎನ್ನುವವರು ಬೆಳೆದಿದ್ದ ಸುಮಾರು ಒಂದೂವರೆ ಲಕ್ಷ ರೂ. ಮೌಲ್ಯದ ಟೊಮ್ಯಾಟೋವನ್ನು ಕಳ್ಳರು ಎಗರಿಸಿದ್ದಾರೆ.
ಜಮೀನಿಗೆ ನುಗ್ಗಿದ ಕಳ್ಳರು
ಸುಮಾರು 50ರಿಂದ 60 ಬ್ಯಾಗ್ ನಷ್ಟು ಟೊಮ್ಯಾಟೊ ವನ್ನು ಕಳ್ಳರು ಕದ್ದಿದ್ದಾರೆ. ಧರಣಿ ಇಂದು ಮುಂಜಾನೆ ಜಮೀನಿಗೆ ತೆರಳಿದಾಗ ಈ ಸಂಗತಿ ಬೆಳಕಿಗೆ ಬಂದಿದೆ.
ಧರಣಿ ಹಳೇಬೀಡು ಪೊಲೀಸರಿಗೆ ದೂರು ನೀಡಲಾಗಿದ್ದು, ಸದ್ಯ ಅವರು ತನಿಖೆ ನಡೆಸುತ್ತಿದ್ದಾರೆ. ಒಟ್ಟಿನಲ್ಲಿ ಉತ್ತಮ ಬೆಲೆಯ ನಿರೀಕ್ಷೆಯಲ್ಲಿದ್ದ ಧರಣಿಗೆ ಶಾಕ್ ಎದುರಾಗಿದ್ದು ಸುಳ್ಳಲ್ಲ.