ರಾಜ್ಯದ ಬೇರೆಡೆ ದುಬಾರಿಯಾದ್ರೂ ಇಲ್ಲಿ ಬಿಯರ್ ಗೆ 20 ರೂ. ಮಾತ್ರ – ಎಲ್ಲಿದೆ ಗೊತ್ತಾ ಈ ಭರ್ಜರಿ ಕೊಡುಗೆ?

ನ್ಯೂಸ್ ಆ್ಯರೋ‌ : ಬೆಂಗಳೂರಿನ ಮದ್ಯ ಪ್ರಿಯರಿಗೆ ಭರ್ಜರಿ ಗುಡ್ ನ್ಯೂಸ್ ಒಂದಿದೆ. ಯಾರೂ ಊಹಿಸದ ಕಡಿಮೆ ಬೆಲೆಗೆ ಬಿಯರ್ ದೊರೆಯುತ್ತಿದ್ದು, ಅನೇಕರು ಮುಗಿ ಬಿದ್ದು ಖರೀದಿಸುತ್ತಿದ್ದಾರೆ.

ಬಿಯರ್ ಗೆ ಕೇವಲ 20 ರೂ.

ಸಾಮಾನ್ಯವಾಗಿ 220ರಿಂದ 230 ರೂ. ಇರುವ ಬಿಯರ್ ಕೇವಲ 20 ರೂ.ಗೆ ಸಿಗುವ ಬೆಂಗಳೂರಿನ ತಾಣದ ಬಗ್ಗೆ ಮಾಹಿತಿ ಇಲ್ಲಿದೆ. ಬೆಂಗಳೂರಿನ ಕಲ್ಯಾಣ ನಗರದಲ್ಲಿರುವ ಹೌಸ್ ಆಫ್ ಕಾಮನ್ಸ್ ಹೊಸ ರೂಫ್ ಟಾಪ್ ಬಾರ್ ಆರಂಭಿಸಿದೆ. ಆರಂಭಿಕ ದಿನದ ಕೊಡುಗೆಯಾಗಿ 20 ರೂ.ಗೆ ಒಂದು ಬಿಯರ್ ದೊರೆಯುತ್ತಿದೆ.

ಜುಲೈ 31ರಿಂದಲೇ ಈ ವಿಶೇಷ ಮಾರಾಟ ಆರಂಭವಾಗಿದೆ. ನಾಳೆ (ಆಗಸ್ಟ್ 2) ಈ ಕೊಡುಗೆ ಮುಕ್ತಾಯವಾಗಲಿದೆ ಎಂದು ಹೌಸ್ ಆಫ್ ಕಾಮನ್ಸ್ ಪ್ರಕಟಣೆಯಲ್ಲಿ ತಿಳಿಸಿದೆ.

ಬಿಯರ್ ಮಾತ್ರವಲ್ಲ ಇಲ್ಲಿ ಫ್ರೆಂಚ್ ಫ್ರೈಸ್ ಕೂಡ ರಿಯಾಯಿತಿ ದರದೊಂದಿಗೆ ಲಭಿಸುತ್ತಿದೆ. ಅಂದರೆ 23 ರೂ.ಗೆ ಫ್ರೆಂಚ್ ಫ್ರೈಸ್ ದೊರೆಯುತ್ತಿದೆ. ಒಟ್ಟಿನಲ್ಲಿ ಬಿಯರ್ ಪ್ರಿಯರು ಖುಷಿ ಪಡುವ ಕೊಡುಗೆ ಇದಾಗಿದೆ.