ಮನೆಯೊಳಗೆ 20 ಅಡಿ ಆಳದ ಗುಂಡಿ ತೋಡಿದ ಮಹಿಳೆ – ಜ್ಯೋತಿಷಿ ಹೇಳಿದ ಕಥೆ ನಂಬಿ ಕೆಡೋದು ಅಂದ್ರೆ ಇದೇನಾ??
- ಕರ್ನಾಟಕಕೌತುಕ-ವಿಜ್ಞಾನ
- August 23, 2023
- No Comment
- 202
ನ್ಯೂಸ್ ಆ್ಯರೋ : ಈ ವೈಜ್ಞಾನಿಕ ಯುಗದಲ್ಲೂ ನಿಧಿ ಆಸೆಗೆ ಬಲಿಯಾಗುವವರೂ ಇದ್ದಾರೆ ಎನ್ನುವುದಕ್ಕೆ ಸಾಕ್ಷಿ ಇಲ್ಲಿದೆ. ಮಹಿಳೆಯೊಬ್ಬರು ನಿಧಿ ಆಸೆಗಾಗಿ ಜ್ಯೋತಿಷಿಯ ಮಾತು ನಂಬಿ ಮನೆಯೊಳಗೆ ಬರೋಬ್ಬರಿ 20 ಅಡಿ ಆಳದ ಗುಂಡಿ ತೋಡಿರುವ ಘಟನೆ ಚಾಮರಾಜನಗರ ಜಿಲ್ಲೆ ಹನೂರು ತಾಲೂಕಿನ ವಿ.ಎಸ್.ದೊಡ್ಡಿ ಗ್ರಾಮದಲ್ಲಿ ಜರುಗಿದೆ.
ಮಹಿಳೆ ಜ್ಯೋತಿಷಿ ಗುಂಡಿಗೆ ಬಿದ್ದಿದ್ದು ಹೇಗೆ?
ಮನೆಯ ವಾಸ್ತು ಸರಿ ಇಲ್ಲ ಎಂದು ವಿ.ಎಸ್.ದೊಡ್ಡಿ ಗ್ರಾಮದ ಭಾಗ್ಯ ಪರಿಹಾರ ಕೇಳಲು ಜ್ಯೋತಿಷಿ ಬಳಿಗೆ ತೆರಳಿದ್ದರು. ಆಗ ಮನೆಯಲ್ಲಿ ನಿಧಿ ಇದೆ ಎಂದು ಹೇಳಿ ಜ್ಯೋತಿಷಿ ನಂಬಿಸಿದ್ದರು. ಇದಕ್ಕಾಗಿ ಮನೆಯಲ್ಲಿ ವಿಶೇಷ ಪೂಜೆ ಮಾಡಿಸಬೇಕೆಂದು ಹೇಳಿ ಮಹಿಳೆಯಿಂದ ಸಾವಿರಾರು ರೂ. ವಸೂಲಿ ಮಾಡಿದ್ದಾರೆ.
ಬಳಿಕ ಜ್ಯೋತಿಷಿ ಮನೆಯ ಒಳಗೆ 3 ಅಡಿ ಅಗಲದ 20 ಅಡಿ ಆಳದ ಗುಂಡಿ ತೋಡಿಸಿದ್ದಾರೆ. ವಾರದ ಹಿಂದೆ ಘಟನೆ ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ.
ವಿಷಯ ತಿಳಿದು ನೆರೆ ಮನೆಯವರು ರಾಮಾಪುರ ಪೊಲೀಸರಿಗೆ ತಿಳಿಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ತೆರಳುವಷ್ಟರಲ್ಲಿ ಜ್ಯೋತಿಷಿ ಪರಾರಿಯಾಗಿದ್ದರು ಎಂದು ಮೂಲಗಳು ತಿಳಿಸಿವೆ.