ಒಂದೇ ಪ್ರದೇಶದಲ್ಲಿ ಪತ್ತೆಯಾಯ್ತು ಸ್ವಾಮೀಜಿಗಳ 12 ಪಾದುಕೆ, 28ದಂಡ..!! – ಗ್ರಾಮಸ್ಥರಿಗೆ ಹೆಚ್ಚಿತು ಅನುಮಾನ, ಸ್ಥಳಕ್ಕೆ ಪೋಲಿಸರ ದೌಡು..
- ಕರ್ನಾಟಕ
- October 6, 2023
- No Comment
- 108
ನ್ಯೂಸ್ ಆ್ಯರೋ : ಅರಸೀಕೆರೆಯಲ್ಲಿ ಒಂದೇ ಪ್ರದೇಶದಲ್ಲಿ ಸ್ವಾಮೀಜಿಗಳ 12 ಪಾದುಕೆ ಹಾಗೂ 28 ದಂಡ ಪತ್ತೆಯಾಗಿದೆ.
ಹಾಸನ ಜಿಲ್ಲೆಯ ಅರಸಿಕೆರೆ ತಾಲೂಕಿನ ಹೊನ್ನಶೆಟ್ಟಿ ಗ್ರಾಮದ ಹೊರವಲಯದಲ್ಲಿ ಸ್ವಾಮೀಜಿಗಳ ಪಾದುಕೆ ಹಾಗೂ ದಂಡ ಪತ್ತೆಯಾಗಿದೆ.
ವಿಶಾಲ ಪ್ರದೇಶದಲ್ಲಿ ಸರತಿ ಸಾಲಿನಲ್ಲಿ ಪಾದುಕೆ ಹಾಗೂ ದಂಡಗಳನ್ನು ಜೋಡಿಸಲಾಗಿದ್ದು, ಯಾವುದಾದರೂ ಸ್ವಾಮೀಜಿಗಳ ತಂಡ ಬಿಟ್ಟು ಹೋಗಿದೆಯೋ ಅಥವಾ ಯಾವುದಾದರು ಪೂಜೆಗಾಗಿ ಹೀಗೆ ಮಾಡಲಾಗಿದೆಯೋ? ಎಂಬ ಅನುಮಾನಗಳು ಮೂಡಿದೆ.
ಗ್ರಾಮದ ಕೆಲವರು ಹಸು ಮೇಯಿಸಲು ಎಂದಿನಂತೆ ಬಂದಾಗ ಇವುಗಳು ಕಂಡಿವೆ. 12 ಜತೆ ಪಾದುಕೆ ಹಾಗೂ 28 ದಂಡಗಳ ದಿಢೀರ್ ಪ್ರತ್ಯಕ್ಷದಿಂದಾಗಿ ಗ್ರಾಮಸ್ಥರಲ್ಲಿ ಆತಂಕಗೊಂಡಿದ್ದಾರೆ. ಹೀಗೆ ಹೊರವಲಯದಲ್ಲಿ ಸ್ವಾಮೀಜಿಗಳ ದಂಡ, ಪಾದುಕೆ ಪ್ರತ್ಯಕ್ಷದ ಸುದ್ದಿ ತಿಳಿಯುತ್ತಿದ್ದ ಹಾಗೇ ಒಬ್ಬರ ಹಿಂದೆ ಒಬ್ಬರು ಬಂದು ದೂರದಿಂದಲೇ ನೋಡಿಕೊಂಡು ಹೋಗುತ್ತಿದ್ದಾರೆ. ಹುತ್ತದ ಮುಂದೆ ಹೀಗೆ ಹತ್ತಾರು ಪಾದುಕೆ, ದಂಡ ಇರುವುದು ಅನುಮಾನ ಮೂಡಿಸಿದೆ.
ಈ ಸಂಬಂದ ಅರಸೀಕೆರೆ ಗ್ರಾಮಾಂತರ ಠಾಣೆಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ಪರಿಶೀಲನೆ ನಡೆಸುತ್ತಿದ್ದಾರೆ.