ಐಪಿಎಲ್ ಫ್ರ್ಯಾಂಚೈಸಿ RCB ಟ್ವಿಟರ್ ಖಾತೆ ಹ್ಯಾಕ್ – ಟ್ವಿಟರ್ ವಿರುದ್ಧ ಅಭಿಮಾನಿಗಳ ಆಕ್ರೋಶ

ನ್ಯೂಸ್ ಆ್ಯರೋ‌ : ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಫ್ರಾಂಚೈಸಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಅಧಿಕೃತ ಟ್ವಿಟರ್ ಖಾತೆಯನ್ನು ಇಂದು ಮುಂಜಾನೆ ಹ್ಯಾಕ್ ಮಾಡಲಾಗಿದೆ.

ಅಕೌಂಟ್ ಹ್ಯಾಕ್ ಮಾಡಿದ ಹ್ಯಾಕರ್ ಗಳು ಪ್ರೊಫೈಲ್ ಚಿತ್ರವನ್ನು ಬದಲಾಯಿಸಿದ್ದಲ್ಲದೇ ಪ್ರೊಫೈಲ್ ಹೆಸರನ್ನು ‘ಬೋರ್ ಅಪೆ ಯಾಚ್ ಕ್ಲಬ್’ ಎಂದು ಬದಲಾಯಿಸಿ ಎನ್‌ಎಫ್ಟಿ ಸಂಬಂಧಿತ ಟ್ವೀಟ್ಗಳನ್ನು ಪೋಸ್ಟ್ ಮಾಡಿದ್ದರು.

RCB ಅಭಿಮಾನಿಗಳು ಇದರಿಂದ ರೊಚ್ಚಿಗೆದ್ದು, ಟ್ವಿಟ್ಟರ್ ವಿರುದ್ಧವೇ ಛೀಮಾರಿ ಹಾಕತೊಡಗಿದ ಬಳಿಕ ಟ್ವಿಟರ್ ಕೂಡಲೇ ಎಚ್ಚೆತ್ತುಕೊಂಡು ಅಕೌಂಟ್ ಸರಿಪಡಿಸಿದೆ‌.

ಆದರೆ ಸದ್ಯ RCB ಖಾತೆಯ ಮೊದಲಿನ ಎಲ್ಲಾ ಟ್ವೀಟ್ ಗಳು ಡಿಲೀಟ್ ಆಗಿದ್ದು, ಇದನ್ನು ಟ್ವಿಟರ್ ಕಂಪನಿ ಸರಿಪಡಿಸಲಿದೆಯಾ ಕಾದು ನೋಡಬೇಕಿದೆ…