ಪ್ರಿಯಾಂಕಾ ಪತಿ ಹತ್ಯೆಗೆ ಸ್ಕೇಚ್‌..!; ವೇದಿಕೆಯಿಂದ ಓಡಿ ಜೀವ ಉಳಿಸಿಕೊಂಡ ನಿಕ್

ನ್ಯೂಸ್ ಆ್ಯರೋ​: ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಅವರ ಪತಿ ಹಾಗೂ ಅಮೆರಿಕನ್ ಪಾಪ್ ಗಾಯಕ ನಿಕ್ ಜೋನಸ್ ಅವರು ಅನಿರೀಕ್ಷಿತ ಘಟನೆಯಿಂದ ಆಘಾತಕ್ಕೆ ಒಳಗಾದ ಪ್ರಸಂಗ ನಡೆದಿದೆ. ತನ್ನ ಸಹೋದರರಾದ ಜೋ ಮತ್ತು ಕೆವಿನ್ ಅವರೊಂದಿಗೆ ಜೆಕ್ ರಿಪಬ್ಲಿಕ್‌ನ ಪ್ರೇಗ್‌ನಲ್ಲಿ ನಿಕ್​ ಸಂಗೀತ ಕಾರ್ಯಕ್ರಮವನ್ನು ನಡೆಸುತ್ತಿದ್ದಾಗ ಅಪರಿಚಿತ ವ್ಯಕ್ತಿಯೊಬ್ಬ ಅವರ ಮೇಲೆ ಲೇಸರ್ ಲೈಟ್‌ ಹಾಕಿದ್ದಾನೆ.

ಇದರಿಂದ ಆತಂಕಕ್ಕೆ ಒಳಗಾದ ನಿಕ್ ಕಾರ್ಯಕ್ರಮವನ್ನು ಮಧ್ಯದಲ್ಲಿ ನಿಲ್ಲಿಸಿ ವೇದಿಕೆಯಿಂದ ನಿರ್ಗಮಿಸಿದರು. ಇದಕ್ಕೆ ಸಂಬಂಧಿಸಿದ ವಿಡಿಯೋಗಳು ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಈ ಘಟನೆಯ ಬಗ್ಗೆ ನಿಕ್ ಜೋನಾಸ್ ತಮ್ಮ ಭದ್ರತಾ ಸಿಬ್ಬಂದಿಗೆ ತಿಳಿಸಿದ್ದಾರೆ. ಕೂಡಲೇ ಭದ್ರತಾ ಸಿಬ್ಬಂದಿ, ನಿಕ್‌ಗೆ ಲೇಸರ್ ಹಿಡಿದ ವ್ಯಕ್ತಿಯನ್ನು ಗುರುತಿಸಿ, ಆತನನ್ನು ಕಾರ್ಯಕ್ರಮದಿಂದ ಹೊರ ಕಳುಹಿಸಿದರು. ನಿಕ್ ವೇದಿಕೆಯಿಂದ ಕೆಳಗೆ ಬಂದಾಗ, ಅವರ ಸಹೋದರರಾದ ಕೆವಿನ್ ಮತ್ತು ಜೋ ವೇದಿಕೆಯ ಮೇಲೆಯೇ ಇದ್ದರು. ಈ ಘಟನೆಯಿಂದ ಕೆಲಕಾಲ ಕಾರ್ಯಕ್ರಮ ಸ್ಥಗಿತಗೊಂಡಿತ್ತು. ಇದಕ್ಕೆ ಸಂಬಂಧಿಸಿದ ವಿಡಿಯೋಗಳು ವೈರಲ್ ಆಗಿವೆ. ಇದನ್ನು ನೋಡಿದ ನೆಟ್ಟಿಗರು ನಿಕ್‌ಗೆ ಏನಾದರೂ ಅಪಾಯವಿದೆಯೇ? ಎಂದು ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ.

ಇನ್ನು ಶಾರ್ಪ್‌ ಶೂಟರ್‌ ನಿಗ್‌ ಹಣೆಗೆ ಟಾರ್ಗೆಟ್‌ ಮಾಡಿದ್ದು, ಅದಕ್ಕಾಗಿ ಜೀವ ಉಳಿಸಿಕೊಳ್ಳಲು ವೇದಿಕೆಯಿಂದ ಇಳಿದು ಹೋಗಿದ್ದಾಗಿ ಸುದ್ದಿಯಾಗಿದೆ. ಅಲ್ಲದೆ ಶಾರ್ಪ್‌ ಶೂಟರ್‌ ಟಾರ್ಗೆಟ್‌ ಮಾಡಿದ್ನಾ ಅಥವಾ ಯಾರೋ ಕಿಡಿಗೇಡಿಗಳು ಲೇಸರ್‌ ಲೈಟ್‌ ಬಿಟ್ಟಿದ್ದಾರಾ ಎನ್ನುವ ಕುರಿತು ತನಿಖೆ ನಡೆಯುತ್ತಿದೆ.