ವಾಹನ ಸವಾರರು ನಾಳೆ ಹಾರ್ನ್ ಹೊಡೆಯುವ ಹಾಗಿಲ್ಲ – ನೋ ಹಾರ್ನ್ ಡೇ ಎಲ್ಲಿ ಜಾರಿ?
- ರಾಷ್ಟ್ರೀಯ ಸುದ್ದಿ
- June 13, 2023
- No Comment
- 139
ನ್ಯೂಸ್ ಆ್ಯರೋ : ಇತ್ತೀಚೆಗೆ ವಾಹನಗಳ ಸಂಖ್ಯೆ ವಿಪರೀತ ಏರಿಕೆಯಾಗಿದೆ. ಅದರಲ್ಲೂ ನಗರ ಪ್ರದೇಶಗಳಲ್ಲಿ ವಾಹನಗಳ ಶಬ್ದ, ಹಾರ್ನ್ ಶಬ್ದಗಳಿಂದ ಕಿವಿ ಬಿಡಲೂ ಸಾಧ್ಯವಾಗದಂತಹ ಪರಿಸ್ಥಿತಿ ನಿರ್ಮಾಣವಾಗುತ್ತಿದೆ. ಮಾತ್ರವಲ್ಲ ಶಬ್ದ ಮಾಲಿನ್ಯ ಹೆಚ್ಚಿ ಜನರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತಿದೆ. ಆದ್ದರಿಂದ ಮುಂಬಯಿ ಪೊಲೀಸರು ಕ್ರಮಕ್ಕೆ ಮುಂದಾಗಿದ್ದು, ನೋ ಹಾರ್ನ್ ಡೇ ಆಚರಿಸಲು ಕರೆ ನೀಡಿದ್ದಾರೆ.
ನಾಳೆ (ಜೂ. 14) ನೋ ಹಾರ್ನ್ ಡೇ ನಡೆಯಲಿದೆ. ಅಂದರೆ ವಾಹನ ಸವಾರರು ಹಾರ್ನ್ ಹೊಡೆಯುವಂತಿಲ್ಲ. ಸುಮಾರು 17 ವರ್ಷಗಳ ಬಳಿಕ ಈ ಆಚರಣೆ ಜಾರಿಗೆ ತರಲಾಗುತ್ತಿದೆ.
ನಗರ ಪ್ರದೇಶದಲ್ಲಿ ಹಲವು ವಾಹನ ಸವಾರರು ಅನಗತ್ಯ ಹಾರ್ನ್ ಬಳಕೆ ಮಾಡುತ್ತಾರೆ. ಹೀಗಾಗಿ ನೋ ಹಾರ್ನ್ ಡೇ ಆಚರಣೆಗೆ ಮುಂದಾಗಿದ್ದೇವೆ. ಜೂನ್ 14ರಂದು ನೋ ಹಾರ್ನ್ ಡೇ ಪ್ರಯೋಗ ಜಾರಿಯಾಗುತ್ತಿದೆ. ಈ ದಿನ ಎಲ್ಲಾ ವಾಹನ ಸವಾರರು ಹಾರ್ನ್ ಹಾಕದೆ ಸಹಕರಿಸಬೇಕು ಎಂದು ಪೊಲೀಸರು ಮನವಿ ಮಾಡಿದ್ದಾರೆ.
ಆ್ಯಂಬುಲೆನ್ಸ್, ಅಗ್ನಿಶಾಮಕ ದಳ ಹಾಗೂ ತುರ್ತು ವಾಹನಗಳು ಹಾರ್ನ್ ಬಳಕೆ ಮಾಡಬಹುದು. ಹಲವು ಪರಿಸರ ಹೋರಾಟ ಸಂಘಟನೆಗಳು ಮುಂಬಯಿ ಟ್ರಾಫಿಕ್ ಪೊಲೀಸರು ಈ ನಿರ್ಧಾರವನ್ನು ಸ್ವಾಗತಿಸಿವೆ.
ಮುಂಬಯಿಯಲ್ಲಿ ಪ್ರತಿ ದಿನ 43 ಲಕ್ಷಕ್ಕೂ ಹೆಚ್ಚು ವಾಹನಗಳು ಓಡಾಡುತ್ತವೆ. ಹೀಗಾಗಿ ಶಬ್ದ ಮಾಲಿನ್ಯ ಅತಿಯಾಗಿದೆ. ಈ ಹಿಂದೆ 2006ರಲ್ಲಿ ಮುಂಬಯಿಯಲ್ಲಿ ನೋ ಹಾರ್ನ್ ಡೇ ಆಂದೋಲನ ಆರಂಭಿಸಲಾಗಿತ್ತು. ಆದರೆ ಅದು ಯಶಸ್ವಿಯಾಗಲಿಲ್ಲ.