ಹೊಸ ಸಮವಸ್ತ್ರ ಧರಿಸಲ್ಲ ಎಂದ ಸದನದ ಭದ್ರತಾ ಸಿಬ್ಬಂದಿ – ತಕರಾರು ಯಾಕೆ? ಏನಾಯ್ತು ಗೊತ್ತಾ?

ನ್ಯೂಸ್ ಆ್ಯರೋ : ಕೇಂದ್ರ ಸರ್ಕಾರ ಜಾರಿಗೊಳಿಸಿರುವ ಹೊಸ ಸಮವಸ್ತ್ರವನ್ನು ಧರಿಸದೇ ಇರಲು ಭದ್ರತಾ ಸಿಬ್ಬಂದಿ ನಿರ್ಧರಿಸಿದ್ದಾರೆ.

ಸಂಸತ್ ನ ವಿಶೇಷ ಅಧಿವೇಶನಕ್ಕೂ ಮೊದಲೇ ಭದ್ರತಾ ವಿಭಾಗದ ತುರ್ತು ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಗಿದೆ.

ಕೇಂದ್ರ ಸರ್ಕಾರ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಫ್ಯಾಷನ್ ಟೆಕ್ನೊಲಾಜಿ ವಿನ್ಯಾಸಗೊಳಿಸಿರುವ ಈ ಹೊಸ ಸಮವಸ್ತ್ರದಿಂದ ಹೆಚ್ಚು ಶಾಖವನ್ನು ಉಂಟು ಮಾಡುತ್ತದೆ ಎಂದು ಸಿಬ್ಬಂದಿಗಳು ದೂರಿದ್ದರಿಂದ ಈ ನಿರ್ಣಯ ಮಾಡಲಾಗಿದೆ.

ಭದ್ರತಾ ಸಿಬ್ಬಂದಿಗೆ ನೀಲಿ ಬಣ್ಣದ ಸಫಾರಿ ಸೂಟ್ ಬದಲು ಮಿಲಿಟರಿ ಮಾದರಿಯ ಸಮವಸ್ತ್ರ ನೀಡಲಾಗಿತ್ತು. ಆದರೆ ಇದನ್ನು ಧರಿಸಲು ಹಲವು ಸಿಬ್ಬಂದಿ ನಿರಾಕರಿಸಿದ್ದರಿಂದ ಮುಂದಿನ ಆದೇಶದವರೆಗೆ ಹಳೆಯ ಸಮವಸ್ತ್ರ ಧರಿಸಲು ನಿರ್ಧರಿಸಲಾಗಿದೆ.