ಮಧ್ಯಪ್ರದೇಶದಲ್ಲೊಂದು ಘರ್ ವಾಪ್ಸಿ ಪ್ರಕರಣ – ಹಿಂದೂ ಧರ್ಮಕ್ಕೆ ಮರಳಿದ 35 ಮುಸ್ಲಿಂ ಕುಟುಂಬಗಳು
- ರಾಷ್ಟ್ರೀಯ ಸುದ್ದಿ
- August 3, 2023
- No Comment
- 115
ನ್ಯೂಸ್ ಆ್ಯರೋ : ಮಧ್ಯಪ್ರದೇಶದ ದೇವಾಸ್ ಜಿಲ್ಲೆಯಲ್ಲಿ 35 ಮುಸ್ಲಿಂ ಕುಟುಂಬದ 190 ಮಂದಿ ಹಿಂದೂ ಧರ್ಮಕ್ಕೆ ಮತಾಂತರಗೊಂಡಿದ್ದಾರೆ. ಕೇಶ ಮುಂಡನ ಮಾಡಿಸಿಕೊಂಡ ಅವರು ನರ್ಮದಾ ನದಿಯಲ್ಲಿ ಪವಿತ್ರ ಸ್ನಾನ ಮಾಡಿದರು. ಈ ಸಂದರ್ಭದಲ್ಲಿ ನದಿಯ ದಂಡೆಯಲ್ಲಿ ಹೋಮ, ಹವನ ಆಯೋಜಿಸಲಾಗಿತ್ತು.
ಮೂಲತಃ ಹಿಂದೂಗಳು
ವಿಶೇಷ ಎಂದರೆ ಇದೀಗ ಮತಾಂತರಗೊಂಡ ಕುಟುಂಬಗಳ 4 ತಲೆಮಾರಿನ ಹಿಂದಿನವರು ಹಿಂದೂಗಳಾಗಿದ್ದರು. ಮುಸ್ಲಿಂ ಆಗಿ ಬದಲಾಗಿದ್ದ ಆ ಕುಟುಂಬದ ಯುವ ಪೀಳಿಗೆ ಮತ್ತೆ ಹಿಂದೂ ಧರ್ಮದತ್ತ ಆಕರ್ಷಿತವಾಗಿದೆ.
ಸಂತ ಆನಂದಗಿರಿ ಮಹಾರಾಜ್ ಪ್ರಕಾರ, ಈ ಕುಟುಂಬಗಳು ಮೂಲತಃ ರತ್ಲಂ ಜಿಲ್ಲೆಯ ಅಂಬಾ ಗ್ರಾಮದವರು. ಅವರು ಕರಡಿ, ಮಂಗಗಳನ್ನು ಸಾಕಿ ಅವುಗಳನ್ನು ಪ್ರದರ್ಶಿಸಿ ಜೀವನ ಸಾಗಿಸುತ್ತಿದ್ದರು. 200 ವರ್ಷಗಳ ಹಿಂದೆ ಇಲ್ಲಿದ್ದ ಮುಸ್ಲಿಂ ಜಮೀನುದಾರರು ಇವರನ್ನು ಬಲವಂತವಾಗಿ ಮತಾಂತರಿಸಿದ್ದರಂತೆ.
ಮತಾಂತರಗೊಂಡಿದ್ದರೂ ಇವರು ತಮ್ಮ ಕುಟುಂಬ ದೇವತೆಯನ್ನು ಪೂಜಿಸುವುದನ್ನು ಬಿಟ್ಟಿರಲಿಲ್ಲ. ಚಾಮುಂಡಿ ಮಾತೆ ಈ ಸಮುದಾಯದ ಆರಾಧ್ಯ ದೇವರು. ಇದೀಗ ಅವರು ಘರ್ ವಾಪಸಿಯಾಗಿದ್ದಾರೆ.