Srilankan Biriyani Recipe : ನೀವು ಶ್ರೀಲಂಕಾ ಶೈಲಿಯ ಬಿರಿಯಾನಿ ಟೇಸ್ಟ್ ಮಾಡಿದ್ದೀರಾ? – ಈ ರೆಸಿಪಿಯನ್ನು ಫಾಲೋ ಮಾಡಿ, ರುಚಿ ರುಚಿ ಬಿರಿಯಾನಿ ತಿನ್ನಿ..
- ಲೈಫ್ ಸ್ಟೈಲ್
- July 13, 2023
- No Comment
- 199
ನ್ಯೂಸ್ ಆ್ಯರೋ : ನೀವು ದಮ್ ಬಿರಿಯಾನಿ, ದೊನ್ನೆ ಬಿರಿಯಾನಿ, ಹೈದ್ರಾಬಾದ್ ಬಿರಿಯಾನಿ ಹೀಗೆ ಅನೇಕ ರುಚಿಯ ಬಿರಿಯಾನಿ ಸವಿದಿರುತ್ತೀರಿ. ಆದರೆ ಶ್ರೀಲಂಕಾ ಶೈಲಿಯ ಬಿರಿಯಾನಿ (Srilankan Biriyani Recipe) ಟೇಸ್ಟ್ ಮಾಡಿದ್ದೀರಾ? ಅದಕ್ಕಾಗಿ ಶ್ರೀಲಂಕಾಕ್ಕೆ ಹೋಗ ಬೇಕಾಗಿಲ್ಲ, ಈ ರೆಸಿಪಿಯನ್ನು ಫಾಲೋ ಮಾಡಿದರೆ ಸಾಕು.
ನೀವು ಬಿರಿಯಾನಿ ಪ್ರಿಯರಾಗಿದ್ದರೆ ಈ ಶ್ರೀಲಂಕಾ ಶೈಲಿಯ ಬಿರಿಯಾನಿ ಟ್ರೈ ಮಾಡಿ. ತೆಂಗಿನಕಾಯಿ ಹಾಲು ಬಳಸಿ ಮಾಡುವ ಈ ಬಿರಿಯಾನಿ ಸಕತ್ ಟೇಸ್ಟಿಯಾಗಿದ್ದು, ಇದನ್ನು ಮಾಡುವ ಮಾಹಿತಿ ಇಲ್ಲಿದೆ.
ಬೇಕಾಗುವ ಸಾಮಗ್ರಿ
- ಮಟನ್ ಪೀಸ್ ಅರ್ಧ ಕೆಜಿ
- ವಿನೆಗರ್ 1 ಚಮಚ
- 1 ಚಮಚ ಉಪ್ಪು
- ಕೊತ್ತಂಬರಿ ಬೀಜ 2 ಚಮಚ
- ಜೀರಿಗೆ 2 ಚಮಚ
- ಕಾಳುಮೆಣಸು 1 ಚಮಚ
- ಕರಿಬೇವಿನ ಎಲೆ
- ಏಲಕ್ಕಿ 6
- ಲವಂಗ 4
- ತೆಂಗಿನಕಾಯಿ 1
- ಬಾಸ್ಮತಿ ಅಕ್ಕಿ 4 ಕಪ್
- ಉಪ್ಪು 2 ಚಮಚ (ರುಚಿಗೆ ತಕ್ಕ ತಕ್ಕಷ್ಟು)
- ತುಪ್ಪ ಅರ್ಧ ಕಪ್
- ಗೋಡಂಬಿ 2 ಚಮಚ
- ಒಣದ್ರಾಕ್ಷಿಗಳು 2 ಚಮಚ
- ಈರುಳ್ಳಿ1 ಕಪ್
- ಬೆಣ್ಣೆ 1 ಚಮಚ
- ಏಲಕ್ಕಿ, ಲವಂಗ, ಚಕ್ಕೆ (ಈ ಮೂರನ್ನು ಪುಡಿ ಮಾಡಿ)
- ಬೇಯಿಸಿದ ಮೊಟ್ಟೆ 4
ಮಾಡುವ ವಿಧಾನ:
- ಮಟನ್ ಅನ್ನು ವಿನೆಗರ್ ಹಾಗೂ ಉಪ್ಪಿನ ಜತೆ ಮಿಕ್ಸ್ ಮಾಡಿ ಇಡಿ. ನಂತರ ಸೆಕ್ಷನ್ ಎ ಭಾಗದಲ್ಲಿ ನೀಡಿರುವ ಉಳಿದ ಪದಾರ್ಥಗಳನ್ನು ಪುಡಿ ಮಾಡಿಡಿ.
- ಮಟನ್ ಅನ್ನು ಒಂದು ಬದಿಯಲ್ಲಿಡಿ.
- ತೆಂಗಿನಕಾಯಿಯನ್ನು ತುರಿದು 2 ಕಪ್ ಹಾಲು ತೆಗೆಯಿರಿ.
- ಅಕ್ಕಿಯನ್ನು ತೊಳೆದು ಅದರ ನೀರು ಸೋಸಿ ಇಡಿ. ಅದಕ್ಕೆ 2 ಕಪ್ ತೆಂಗಿನಕಾಯಿ ಹಾಲು, 5 ಕಪ್ ನೀರು ಹಾಕಿ, ನಂತರ ರುಚಿಗೆ ತಕ್ಕ ಉಪ್ಪು ಹಾಕಿ. ನಂತರ ಬೇಯಿಸಿ. ಬೆಂದ ಅನ್ನವನ್ನು ಒಂದು ಪಾತ್ರೆಯಲ್ಲಿ ಹರಡಿ ಇಡಿ.
- ತುಪ್ಪವನ್ನು ಬಿಸಿ ಮಾಡಿ ಅದರಲ್ಲಿ ಗೋಡಂಬಿ. ದ್ರಾಕ್ಷಿಯನ್ನು ಹುರಿದು ಇಡಿ.
- ಈಗ ಪ್ಯಾನ್ನಲ್ಲಿ ಉಳಿದ ತುಪ್ಪಕ್ಕೆ ಕರಿಬೇವಿನ ಎಲೆ ಹಾಗೂ ಈರುಳ್ಳಿ ಹಾಕಿ ಫ್ರೈ ಮಾಡಿ.
- ಈಗ ಮಟನ್ಗೆ 1 ಕಪ್ ನೀರು ಹಾಕಿ ಬೇಯಿಸಿ, ಮಟನ್ ಡ್ರೈಯಾಗಲಿ
- ಈಗ ಬೆಂದ ಮಟನ್ಗೆ ಬೇಯಿಸಿದ ಅನ್ನ ಹಾಕಿ , ಮಂದವಾದ ತೆಂಗಿನಕಾಯಿ ಹಾಲು ಹಾಕಿ, ನಂತರ ಪುಡಿ ಮಾಡಿಟ್ಟ ಪೌಡರ್ ಉದುರಿಸಿ ಮೆಲ್ಲನೆ ಮಿಕ್ಸ್ ಮಾಡಿ.
- ಈಗ ಬೆಣ್ಣೆ ಹಾಕಿ ಪಾತ್ರೆಯ ಬಾಯಿ ಮುಚ್ಚಿ ಕಡಿಮೆ ಉರಿಯಲ್ಲಿ 8-10 ನಿಮಿಷ ಬೇಯಿಸಿ.
ಈಗ ಬಿರಿಯಾನಿಯನ್ನು ದೊಡ್ಡ ಪಾತ್ರೆಯಲ್ಲಿ ಹಾಕಿ, ಅದರ ಮೇಲೆ ಹುರಿದ ಗೋಡಂಬಿ, ದ್ರಾಕ್ಷಿ, ಮೊಟ್ಟೆಯನ್ನು ಇಟ್ಟು ಅಲಂಕರಿಸಿದರೆ ಶ್ರೀಲಂಕಾ ಶೈಲಿಯ ಬಿರಿಯಾನಿ ರೆಡಿ.