ಟೈಟಾನಿಕ್ ನೋಡಲು ಹೋದವರ ದುರಂತ ಅಂತ್ಯ – ಸ್ಫೋಟಗೊಂಡ ಸಬ್ ಮರ್ಸಿಬಲ್ ಅವಶೇಷ ಪತ್ತೆ
- ಅಂತಾರಾಷ್ಟ್ರೀಯ ಸುದ್ದಿ
- June 29, 2023
- No Comment
- 215
ನ್ಯೂಸ್ ಆ್ಯರೋ : ಅಟ್ಲಾಂಟಿಕ್ ಸಾಗರದಲ್ಲಿ ಮುಳುಗಿದ್ದ ಟೈಟಾನಿಕ್ ಹಡಗಿನ ಅವಶೇಷ ನೋಡಲು ನೀರೊಳಗೆ ತೆರಳಿದ್ದ ವೇಳೆ ಟೈಟಾನ್ ಜಲಾಂತರ್ಗಾಮಿ ಸ್ಫೋಟಗೊಂಡು ಜಲ ಸಮಾಧಿಯಾಗಿದ್ದ ಐವರು ಪ್ರವಾಸಿಗರ ಅವಶೇಷಗಳನ್ನು ಮೇಲಕ್ಕೆ ತರಲಾಗಿದೆ ಎಂದು ಯುಎಸ್ ಕೋಸ್ಟ್ ಗಾರ್ಡ್ ತಿಳಿಸಿದೆ.
ಸಬ್ ಮರ್ಸಿಬಲ್ ನ ಅವಶೇಷವೂ ಪತ್ತೆ
ಉತ್ತರ ಅಟ್ಲಾಂಟಿಕ್ ನ ಮೇಲ್ಮೈಯಿಂದ 12,000 ಅಡಿಗಿಂತ ಹೆಚ್ಚಿನ ಆಳದಿಂದ ಟೈಟಾನ್ ನ ಅವಶೇಷ ಸಂಗ್ರಹಿಸಲಾಗಿತ್ತು. ಕೆನಡಾದ ಕೋಸ್ಟ್ ಗಾರ್ಡ್ ಪಿಯರ್ ನಲ್ಲಿ ಸಬ್ ಮರ್ಸಿಬಲ್ ನ ಅವಶೇಷಗಳನ್ನು ಮೇಲಕ್ಕೆ ತರಲಾಯಿತು.
ಯುಎಸ್ ನ ವೃತ್ತಿಪರ ವೈದ್ಯಕೀಯ ತಂಡ ಮಾನವ ಅವಶೇಷಗಳ ಪರಿಶೀಲನೆ ನಡೆಸಿ ವರದಿ ನೀಡಲಿದೆ ಎಂದು ಕೋಸ್ಟ್ ಗಾರ್ಡ್ ಅಧಿಕಾರಿಗಳು ತಿಳಿಸಿದ್ದಾರೆ.
ಸ್ಫೋಟಗೊಂಡ ಸಬ್ ಮರ್ಸಿಬಲ್ ನಲ್ಲಿ ಇಂಗ್ಲೆಂಡ್ ನ ಪರಿಶೋಧಕ ಹ್ಯಾಮಿಶ್ ಹಾರ್ಡಿಂಗ್, ಫ್ರೆಂಚ್ ಜಲಾಂತರ್ಗಾಮಿ ತಜ್ಞ ಪೌಲ್-ಹೆನ್ರಿ ನರ್ಜಿಯೋಲೆಟ್, ಪಾಕಿಸ್ತಾನ ಮೂಲದ ಶಹಜಾದಾ ದಾವೂದ್ ಮತ್ತು ಅವರ ಪುತ್ರ ಸುಲೇಮಾನ್ ಹಾಗೂ ಸ್ಟಾಕ್ಟನ್ ರಶ್ ಇದ್ದರು.