Nepal helicopter crash: ನೇಪಾಳದಲ್ಲಿ ಮತ್ತೊಂದು ಹೆಲಿಕಾಪ್ಟರ್ ದುರಂತ‌ – ಮೌಂಟ್ ಎವರೆಸ್ಟ್ ಸಮೀಪ ಭಾರೀ‌‌ ಅವಘಡ

ನ್ಯೂಸ್ ಆ್ಯರೋ‌ : ನೇಪಾಳದಲ್ಲಿ (Nepal) ಮತ್ತೊಂದು ಹೆಲಿಕಾಪ್ಟರ್ ದುರಂತವೊಂದು (helicopter crash) ಸಂಭವಿಸಿದೆ. 6 ಮಂದಿಯನ್ನು ಹೊತ್ತು ಹಾರಿದ ಹೆಲಿಕಾಪ್ಟರ್ ನೇಪಾಳದ ಮೌಂಟ್ ಎವರೆಸ್ಟ್ ಸಮೀಪದ ಲಂಜುರ ಬಳಿ ಪತನವಾಗಿದೆ.

15 ನಿಮಿಷಗಳಲ್ಲಿ ಸಂಪರ್ಕ ಕಡಿತ

5 ಮೆಕ್ಸಿಕನ್ ಪ್ರಜೆಗಳು ಸೇರಿ 6 ಮಂದಿಯನ್ನು ಹೊತ್ತು ಸೋಲುಖುಂಬು ಬಳಿಯಿಂದ ಹಾರಾಟ ನಡೆಸಿದ್ದ ಹೆಲಿಕಾಫ್ಟರ್ 15 ನಿಮಿಷಗಳಲ್ಲಿ ತನ್ನ ಸಂಪರ್ಕ ಕಳೆದುಕೊಂಡಿತ್ತು.

ಈ ಖಾಸಗಿ ವಾಣಿಜ್ಯ ಉದ್ದೇಶದ ಹೆಲಿಕಾಪ್ಟರ್ 5 ಪ್ರವಾಸಿಗರಿಗೆ ಮೌಂಟ್ ಎವರೆಸ್ಟ್ ಪರ್ವತವನ್ನು ತೋರಿಸಿ ವಾಪಸ್ ಕಠ್ಮಂಡುವಿಗೆ ಕರೆದೊಯ್ಯುವಾಗ ಅಪಘಾತ ಸಂಭವಿಸಿದೆ.

ರಕ್ಷಣಾ ಕಾರ್ಯಾಚರಣೆಯ ಮ್ಯಾನೇಜರ್ ರಾಜು ನ್ಯೂಪಾನೆ ಮಾತನಾಡಿ, ಭದ್ರತಾ ಅಧಿಕಾರಿಗಳೊಂದಿಗೆ ಆಲ್ಟಿಟ್ಯೂಡ್ ಹೆಲಿಕಾಪ್ಟರ್ ಘಟನಾ ಸ್ಥಳಕ್ಕೆ ತಲುಪಿದೆ ಎಂದಿದ್ದಾರೆ. ಈ ಹೆಲಿಕಾಪ್ಟರ್ ಗೆ ಕ್ಯಾಪ್ಟನ್ ಚೆಟ್ ಗುರುಂಗ್ ಪೈಲಟ್ ಆಗಿದ್ದರು.