ಅಮೆರಿಕನ್ ಬಿಲಿಯನೇರ್ ಸೊರೊಸ್ ಸಾಮ್ರಾಜ್ಯಕ್ಕೆ ಅಧಿಪತಿಯ ನೇಮಕ – ಕೊಡುಗೈ ದಾನಿಯ ಉತ್ತರಾಧಿಕಾರಿ ಯಾರು ಗೊತ್ತಾ?
- ಅಂತಾರಾಷ್ಟ್ರೀಯ ಸುದ್ದಿ
- June 12, 2023
- No Comment
- 82
ನ್ಯೂಸ್ ಆ್ಯರೋ : ಹಂಗೇರಿಯನ್ ಅಮೆರಿಕನ್ ಹೂಡಿಕೆದಾರ, ಉದ್ಯಮಿ ಜಾರ್ಜ್ ಸೊರೊಸ್ ತಮ್ಮ ಉತ್ತರಾಧಿಕಾರಿಯಾಗಿ ಪುತ್ರ 37ರ ಹರೆಯದ ಅಲೆಕ್ಸ್ ಅವರನ್ನು ಆರಿಸಿದ್ದಾರೆ. ಸೊರೊಸ್ ಫಂಡ್ ಮ್ಯಾನೇಜ್ಮೆಂಟ್ ಮತ್ತು ಓಪನ್ ಸೊಸೈಟಿ ಫೌಂಡೇಷನ್ ಸ್ಥಾಪಕ ತಮ್ಮ ಪುತ್ರನಿಗೆ ಅಧಿಕಾರ ಹಸ್ತಾಂತರಿಸಿದ್ದಾರೆ.
92 ವರ್ಷದ ಸೊರೊಸ್ ಅವರ ಐವರು ಮಕ್ಕಳ ಪೈಕಿ ಅಲೆಕ್ಸ್ ಎರಡನೆಯವರು. ಪದವೀಧರರಾಗಿರುವ ಅಲೆಕ್ಸ್ ತಮ್ಮ ತಂದೆಯ ಉದಾರ ಗುಣಗಳನ್ನು ಅಳವಡಿಸಿಕೊಳ್ಳುವುದಾಗಿ ಈ ಸಂದರ್ಭದಲ್ಲಿ ಹೇಳಿದರು. ಕುಟುಂಬದಿಂದ ಹಣ ದಾನ ಮಾಡುವುದನ್ನು ಮುಂದುವರಿಸುವುದಾಗಿ ಭರವಸೆ ನೀಡಿದರು.
ಯಾರು ಈ ಜಾರ್ಜ್ ಸೊರೊಸ್?
ಅಮೆರಿಕದ ಡೆಮಾಕ್ರಟಿಕ್ ಪಕ್ಷದ ಅತಿ ದೊಡ್ಡ ದಾನಿಗಳಲ್ಲಿ ಈ ಜಾರ್ಜ್ ಸೊರೊಸ್ ಒಬ್ಬರು. ಹಂಗೇರಿಯ ಬುಡಾಪೆಸ್ಟ್ ನಲ್ಲಿ 1930ರಲ್ಲಿ ಜನಿಸಿದ ಇವರು ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್ ನಲ್ಲಿ ವ್ಯಾಸಂಗ ಮಾಡಿದ್ದರು.
ಕೊಡುಗೈ ದಾನಿ
ಫೋರ್ಬ್ಸ್ ಸೊರೊಸ್ ಅವರನ್ನು ಅತ್ಯಂತ ಉದಾರ ದಾನಿ ಎಂದು ಕರೆದಿದೆ. ಅವರು ತಮ್ಮ ಆದಾಯದ 32 ಶತಕೋಟಿ ಡಾಲರ್ ಗಿಂತ ಅಧಿಕ ಹಣವನ್ನು ಓಪನ್ ಸೊಸೈಟಿ ಫೌಂಡೇಷನ್ ಗಳಿಗೆ ದಾನ ಮಾಡುವುದಾಗಿ ಘೋಷಿಸಿದ್ದು, ಈಗಾಗಲೇ 15 ಶತಕೋಟಿ ಡಾಲರ್ ವಿತರಿಸಲಾಗಿದೆ.