ಲಂಡನ್ ನಲ್ಲಿ ಟಿಪ್ಪು ಸುಲ್ತಾನ್ ಚಿನ್ನದ ಖಡ್ಗ ಹರಾಜು – ಉದ್ಯಮಿ ವಿಜಯ್ ಮಲ್ಯ 1.5 ಕೋಟಿಗೆ ಖರೀದಿಸಿದ್ದ ಈ ಖಡ್ಗ ಹೇಗಿದೆ ಗೊತ್ತಾ?
- ಕೌತುಕ-ವಿಜ್ಞಾನ
- May 20, 2023
- No Comment
- 450
ನ್ಯೂಸ್ ಆ್ಯರೋ : ಮೇ 23ರಂದು ಲಂಡನ್ನಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ಮೈಸೂರಿನ ದೊರೆಯಾಗಿದ್ದ ಟಿಪ್ಪು ಸುಲ್ತಾನ್ ಗೆ ಸೇರಿದ ಅಮೂಲ್ಯವಾದ ಚಿನ್ನಾಭರಣದ ಖಡ್ಗ ಹರಾಜಿಗೆ ಬರಲಿದೆ. ಅದನ್ನು ಟಿಪ್ಪು ಸುಲ್ತಾನ್ ತನ್ನ ಶಯ್ಯ ಕೋಣೆಗಳಲ್ಲಿ ಇಡುತ್ತಿದ್ದ ಎಂದು ಇತಿಹಾಸ ಹೇಳುತ್ತದೆ.
ಇತಿಹಾಸದ ಬಗ್ಗೆ ಅಪಾರ ಉತ್ಸಾಹ ಹೊಂದಿರುವ ಶ್ರೀಮಂತ ವ್ಯಕ್ತಿಯೊಬ್ಬರ ಮನೆಯಲ್ಲಿ ಈ ಖಡ್ಗವನ್ನು ಪ್ರದರ್ಶನಕ್ಕಿಡುವ ಸಾಧ್ಯತೆಯಿದೆ. ಲಂಡನ್ನಲ್ಲಿ ಟಿಪ್ಪು ಸುಲ್ತಾನ್ನ ಚಿನ್ನದ ಕತ್ತಿಯೂ ಹರಾಜಿಗೆ ಬರಲಿದ್ದು, ಸದ್ಯಕ್ಕೆ ಅದನ್ನು ಗಾಜಿನ ಪೆಟ್ಟಿಗೆಯಲ್ಲಿ ಅವರ ಮನೆಯಲ್ಲಿ ಪ್ರದರ್ಶನಕ್ಕೆ ಇಡಲಾಗಿದೆ.
ಉಕ್ಕಿನ ಖಡ್ಗದ ಮೇಲಿನ ಚಿನ್ನದ ಹಿಡಿಕೆಯನ್ನು ರಾಜಸ್ಥಾನದ ಬುಡಕಟ್ಟು ಜನಾಂಗದ ರಾಜರ ಕಲೆಯ ಆಧಾರದಿಂದ ಕೆತ್ತನೆ ಮಾಡಲಾಗಿದೆ. ಕೋಫ್ಟಗರಿ ಅಲಂಕಾರಿಕ ಕುಸುರಿ ಕೆಲಸವೆಂದು ಇದನ್ನು ಗುರುತಿಸಲಾಗಿದೆ. 1782ರಲ್ಲಿ ತನ್ನ ತಂದೆಯ ಮರಣದ ನಂತರ ಅಧಿಕಾರಕ್ಕೆ ಏರಿದ ಟಿಪ್ಪುವಿನ ವಶದಲ್ಲಿ ಈ ಖಡ್ಗವಿತ್ತು ಎನ್ನುತ್ತದೆ ಚರಿತ್ರೆ.
ಖಡ್ಗದಲ್ಲಿ ಕತ್ತಿಯ ಹಿಡಿತದ ತುದಿಯಿಂದ ಮೊನಚಿನವರೆಗೂ ತುಳುತ್, ಬುಬ್ರಿ ಮೋಟಿಫ್ಗಳನ್ನು ಕೆತ್ತಲಾಗಿದೆ. ಇದು ಸುಮಾರು 100 ಸೆಂ.ಮೀ. ಉದ್ದವಿದೆ. ಟಿಪ್ಪು ಸುಲ್ತಾನ್ ಕೊನೆಯದಾಗಿ ಬಳಸಿದ ಈ ಖಡ್ಗವನ್ನು ಈ ಹಿಂದೆ ಹರಾಜು ಮಾಡಲಾಗಿತ್ತು. ಮದ್ಯದ ದೊರೆ ವಿಜಯ ಮಲ್ಯ 2004 ರಲ್ಲಿ ಅದನ್ನು ಖಾಸಗಿ ಹರಾಜಿನಲ್ಲಿ 1.5 ಕೋಟಿ ರೂ.ಗೆ ಖರೀದಿಸಿದ್ದರು.
ಆದರೆ ಅಷ್ಟು ಬೆಲೆಬಾಳುವ ಖಡ್ಗ ಈಗ ಎಲ್ಲಿದೆ ಎಂಬುದು ತಿಳಿದುಬಂದಿಲ್ಲ. 2018ರಲ್ಲಿ ಲಂಡನ್ ಹೈಕೋರ್ಟ್ನಲ್ಲಿ ನಡೆದ ವಿಚಾರಣೆಯ ಸಂದರ್ಭದಲ್ಲಿ ಮಲ್ಯ ಅವರ ವಕೀಲರು ತಮ್ಮ ಕಕ್ಷಿದಾರರ ಪರವಾಗಿ ವಾದ ಮಂಡಿಸುತ್ತಾ ಮಲ್ಯ ಐತಿಹಾಸಿಕ ಖಡ್ಗವನ್ನು ಮಾರಾಟ ಮಾಡಿಬಿಟ್ಟರು ಎಂದು ತಿಳಿಸಿದ್ದರು.