ಕ್ಯಾನ್ಸರ್ ನಿಂದ ಬಳಲಿದ್ದ ಪೋಲಿಸ್ ಶ್ವಾನದ ಚಿಕಿತ್ಸೆ ಸಕ್ಸಸ್ – ಸಾವನ್ನೇ ಗೆದ್ದು ಕರ್ತವ್ಯಕ್ಕೆ ಮರಳಿದ ಪೊಲೀಸ್ ಇಲಾಖೆಯ ಶ್ವಾನ..
- ರಾಷ್ಟ್ರೀಯ ಸುದ್ದಿ
- May 20, 2023
- No Comment
- 90
ನ್ಯೂಸ್ ಆ್ಯರೋ : ಅಪರಾಧಿಗಳು, ಬಾಂಬ್, ಡ್ರಗ್ಸ್, ರಾಸಾಯನಿಕಗಳನ್ನು ಪತ್ತೆ ಹಚ್ಚಲು ಪೊಲೀಸರಿಗೆ ಅತೀ ಹೆಚ್ಚು ನೆರವಾಗುವುದು ಶ್ವಾನಗಳು. ವಾಸನೆ ಮೂಲಕ ಗುರುತಿಸುವ ವಿಶೇಷ ಸಾಮರ್ಥ್ಯವಿರುವ ಅವುಗಳಿಗೆ ತರಬೇತಿ ನೀಡಲಾಗುತ್ತದೆ. ಅದರಂತೆ ವಿಶೇಷ ತರಬೇತಿ ಪಡೆದಿದ್ದ ಲ್ಯಾಬ್ರಾಡಾರ್ ನಾಯಿಯೊಂದು ಕ್ಯಾನ್ಸರ್ ರೋಗದಿಂದ ಮುಕ್ತವಾಗಿ ಪಂಜಾಬ್ ಪೊಲೀಸ್ ಪಡೆಗೆ ಮರಳಿ ಸೇರಿದೆ.
ಪಂಜಾಬ್ ಪೊಲೀಸ್ ಶ್ವಾನ ಪಡೆಯಲ್ಲಿನ ಸಿಮ್ಮಿ ಎಂಬ ಹೆಸರಿನ ನಾಯಿ ಕ್ಯಾನ್ಸರ್ ಗೆ ತುತ್ತಾಗಿತ್ತು. ಸೂಕ್ತ ಸಮಯದಲ್ಲಿ ಚಿಕಿತ್ಸೆ ಲಭಿಸಿದ್ದರಿಂದ ಗುಣಮುಖವಾಗಿ ಇತ್ತೀಚೆಗೆ ಕರ್ತವ್ಯಕ್ಕೆ ಮರಳಿದೆ ಎಂದು ವರದಿ ತಿಳಿಸಿದೆ.
ಈ ಬಗ್ಗೆ ಮಾಹಿತಿ ಹಂಚಿಕೊಂಡ ಫರೀದ್ ಕೋಟ್ ನ ಅಧಿಕಾರಿ ಹರ್ಜಿತ್ ಸಿಂಗ್, ಸಿಮ್ಮಿ ದೀರ್ಘ ಕಾಲದ ಕ್ಯಾನ್ಸರ್ ಗೆ ಒಳಗಾಗಿತ್ತು. ಈಗ ಅದರ ಆರೋಗ್ಯ ಸ್ಥಿರವಾಗಿದೆ. ಸಿಮ್ಮಿ ವಿಧ್ವಂಸಕ ನಿಗ್ರಹ ತಪಾಸಣೆಗೆ ನೆರವಾಗುತ್ತದೆ. ಈ ಹಿಂದೆ ವಿದೇಶಿಯರ ಮಾದಕ ವಸ್ತುಗಳನ್ನು ವಶಪಡಿಸಿಕೊಳ್ಳಲು ನೆರವು ನೀಡಿತ್ತು ಎಂದು ಹೇಳಿದ್ದಾರೆ.
ಸೇನೆಯ ಶ್ವಾನಗಳಿಗೆ ಕ್ಯಾಮರಾ ಅಳವಡಿಸಲಾಗುತ್ತದೆ. ಇದರಿಂದ ಉಗ್ರರ ಚಟುವಟಿಕೆಗಳನ್ನು ವೀಕ್ಷಿಸುವ ಜೊತೆಗೆ ಶ್ವಾನಕ್ಕೆ ಸೂಚನೆ ನೀಡಲು ಸಾಧ್ಯವಾಗುತ್ತದೆ.