ಕೇವಲ 50 ರೂಪಾಯಿಗೆ ಎಟಿಎಂ ಕಾರ್ಡ್ ರೀತಿಯ ಆಧಾರ್ ಕಾರ್ಡ್ ಮಾಡಿಸಿ – ನಿಮ್ಮ ಮನೆಗೇ ಡೆಲಿವರಿ ಸಿಗುತ್ತೆ, ಹೇಗೆ ಅಂತೀರಾ? ನಾವು ಹೇಳಿಕೊಡ್ತೇವೆ..!
- ಸರ್ಕಾರಿ ಸೇವೆಗಳು
- July 6, 2023
- No Comment
- 183
ನ್ಯೂಸ್ ಆ್ಯರೋ : ಈಗ ಎಲ್ಲಾ ಕಾರ್ಯಗಳಿಗೆ ಆಧಾರ್ ಕಾರ್ಡ್ ಬೇಕೇ ಬೇಕು. ಅದರಲ್ಲೂ ಸರಕಾರಿ ಕೆಲಸ, ಬ್ಯಾಂಕ್ ವ್ಯವಹಾರಗಳಿಗೆ ಆಧಾರ್ ಸಂಖ್ಯೆ ಕಡ್ಡಾಯ.
ಪಿವಿಸಿ ಆಧಾರ್ ಕಾರ್ಡ್
ಹೀಗೆ ನಾವು ಆಧಾರ್ ಕಾರ್ಡ್ ಎಲ್ಲೆಡೆ ಕೊಂಡೊಯ್ಯಬೇಕಾದ ಅನಿವಾರ್ಯತೆ ಇದೆ. ಆದರೆ ಅದು ದೊಡ್ಡದಾಗಿರುವುದರಿಂದ, ತೆಳು ಇರುವುದರಿಂದ ಕೊಂಡೊಯ್ಯಲು ಪ್ರಯಾಸವಾಗುತ್ತದೆ. ಇದಕ್ಕೆ ಪರಿಹಾರ ಪಿವಿಸಿ ಆಧಾರ್ ಕಾರ್ಡ್. ಅಂದರೆ ಇದು ಎಟಿಎಂ ಕಾರ್ಡ್ ರೀತಿಯಲ್ಲೇ ಇರುತ್ತದೆ. ಕೊಂಡೊಯ್ಯಲೂ ಸುಲಭ.
ಏನು ಮಾಡಬೇಕು?
ಮೊದಲು ಗೂಗಲ್ ಗೆ ಹೋಗಿ My Aadhar card ಎಂದು ಟೈಪ್ ಮಾಡಿ ಸರ್ಚ್ ಕೊಡಿ. ಆಗ ಬರುವ ಮೊದಲ ಲಿಂಕ್ ಕ್ಲಿಕ್ ಮಾಡಿ. ಅದರಲ್ಲಿ ಲಾಗಿನ್ ಆಗಿ ನಿಮ್ಮ ಆಧಾರ್ ಸಂಖ್ಯೆ ನಮೂದಿಸಿ. ಆಗ ಒಟಿಪಿ ಬರುತ್ತದೆ. ಅದನ್ನು ನಮೂದಿಸಿ.
ಆಗ ಪಿವಿಸಿ ಆಧಾರ್ ಕಾರ್ಡ್ ಎನ್ನುವ ಆಪ್ಶನ್ ಕಾಣಿಸುತ್ತದೆ. ಅದರ ಮೇಲೆ ಕ್ಲಿಕ್ ಕೊಟ್ಟು ಆರ್ಡರ್ ಮಾಡಿ ನಿಮ್ಮ ವಿವರ, ವಿಳಾಸ ನೀಡಿ. ಅದಾದ ಬಳಿಕ 50 ರೂ. ಪಾವತಿಸಬೇಕು. ಇದಾಗಿ ಒಂದು ವಾರದಲ್ಲಿ ಪಿವಿಸಿ ಆದಾರ್ ಕಾರ್ಡ್ ನಿಮ್ಮ ವಿಳಾಸಕ್ಕೆ ಬರುತ್ತದೆ.