1 ರೂಪಾಯಿಯಲ್ಲಿ ಇಡೀ ಬೆಂಗಳೂರು ಸುತ್ತಿ; ಫ್ಲಿಪ್ಕಾರ್ಟ್ನಿಂದ ಹೊಸ ಆಫರ್
ಬೆಂಗಳೂರು: ಇ- ಕಾಮರ್ಸ್ ದೈತ್ಯ ಕಂಪನಿ ಫ್ಲಿಪ್ಕಾರ್ಟ್ ತನ್ನ ಬಿಗ್ ಬಿಲಿಯನ್ ಡೇ ಸಮೀಪದಲ್ಲಿಯೇ ಬೆಂಗಳೂರಿಗರಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಯುಪಿಐ ಪೇಮೆಂಟ್ ಪ್ರಮೋಟ್ ಮಾಡುವ ಸಲುವಾಗಿ ಬೆಂಗಳೂರಿನ ಆಟೋಗಳೊಂದಿಗೆ ಕೈ ಜೋಡಿಸಿರುವ ಫ್ಲಿಪ್ಕಾರ್ಟ್, 1 ರೂಪಾಯಿಗೆ ಆಟೋ ಲಭ್ಯವಾಗುವಂತೆ ನೋಡಿಕೊಳ್ಳಲು ಸಜ್ಜಾಗಿದೆ. ಇದು ಐಟಿ ಹಬ್ ಬೆಂಗಳೂರಿನಲ್ಲಿ ಹೊಸ ಜೋಶ್ ಎಬ್ಬಿಸಿದೆ.
ಈ ಹಿನ್ನೆಲೆಯಲ್ಲಿ ಫ್ಲಿಪ್ಕಾರ್ಟ್ ನಗರದ ಹಲವು ಕಡೆ ಸ್ಟಾಲ್ಗಳನ್ನು ಓಪನ್ ಮಾಡಿ, ಪೀಕ್ ಅವರ್ನಲ್ಲಿ ಬೆಂಗಳೂರಿನ ಆಟೋ ಪ್ರಯಾಣಿಕರಿಗೆ ಸಹಾಯವಾಗುವ ನಿಟ್ಟಿನಲ್ಲಿ ಸೌಲಭ್ಯಗಳನ್ನು ನೀಡುತ್ತಿದ್ದಾರೆ. ಫ್ಲಿಪ್ಕಾರ್ಟ್ ನೀಡಿರುವ ಹೊಸ ಆಫರ್ನಲ್ಲಿ ಯಾವುದೇ ಸಮಯದಲ್ಲಿ ನೀವು ಆಟೋ ಏರಿಕೊಂಡು ಬೆಂಗಳೂರಿನ ಯಾವ ಭಾಗಕ್ಕಾದರೂ ಹೋಗಬಹುದು ಎಂದು ಇದು ಪ್ರಮೋಟ್ ಮಾಡುತ್ತಿರುವ ವಿಡಿಯೋದಲ್ಲಿ ಹೇಳಲಾಗಿದೆ.
ಈ ಬಗ್ಗೆ ಸಂತಸ ವ್ಯಕ್ತಪಡಿಸಿರುವ ಸಂಸ್ಥೆ ಫ್ಲಿಪ್ಕಾರ್ಟ್ ಯುಪಿಐ ಒಂದು ಅದ್ಭುತ ಕ್ಯಾಂಪೇನ್ ಶುರು ಮಾಡಿದೆ.ಆಟೋ ಪ್ರಯಾಣಕ್ಕೆ ಕೇವಲ ಒಂದು ರೂಪಾಯಿಯನ್ನು ನೀಡುವ ಕೊಡುಗೆಯನ್ನು ನೀಡುವ ಮೂಲಕ ಬಿಗ್ ಬಿಲಿಯನ್ ಡೇಗೂ ಮುನ್ನವೇ ಬೆಂಗಳೂರಿಗರಿಗೆ ಅದ್ಭುತ ಸಡಗರ ಉಂಟಾಗುವಂತೆ ಮಾಡಿದೆ ಎಂದು ಹೇಳಿಕೊಂಡಿದೆ.
ನಮ್ಮ ಕ್ಯಾಂಪೇನ್ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಬಳಿಕ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಒಂದು ರೂಪಾಯಿಯಲ್ಲಿ ಸದ್ಯದ ಕಾಲಘಟ್ಟದಲ್ಲಿ ಏನೂ ಬರುವುದಿಲ್ಲ, ನಮ್ಮ ಕ್ಯಾಂಪೇನ್ ಸುಲಭ ಹಾಗೂ ಕಡಿಮೆ ವೆಚ್ಚದ ಒಂದು ಪ್ರಯಾಣಕ್ಕೆ ನಾಂದಿ ಹಾಡಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.ಸದ್ಯ ಈ ಒಂದು ಆಫರ್ ಬೆಂಗಳೂರಿಗೆ ಮಾತ್ರ ಸಿಮೀತವಾಗಿದೆ.
Leave a Comment