ಎರಡನೇ ಮದುವೆಗೆ ತಯಾರಾದ ನಿಹಾರಿಕಾ ಕೊನಿಡೆಲಾ? – ಸ್ಟಾರ್ ನಟನ ಜೊತೆ ಮೆಗಾ ಕುಟುಂಬದ ಕುಡಿ ಮದುವೆ..!?

ನ್ಯೂಸ್ ಆ್ಯರೋ‌ : ತೆಲುಗು ಮೆಗಾಸ್ಟಾರ್ ಚಿರಂಜೀವಿ ಕುಟುಂಬದ ಕುಡಿ, ನಟಿ ನಿಹಾರಿಕಾ ಕೊನಿಡೆಲಾ ಇತ್ತೀಚೆಗೆ ಪತಿ ಚೈತನ್ಯ ಜೊತೆಗಿನ ಮೂರು ವರ್ಷಗಳ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಿದ್ದರು. ಇದೀಗ ಅವರು ಎರಡನೇ ವಿವಾಹಕ್ಕೆ ತಯಾರಾಗುತ್ತಿದ್ದಾರೆ ಎನ್ನುವ ಸುದ್ದಿ ಹರಡಿದೆ.

ಸ್ಟಾರ್ ನಟನ ಜೊತೆ ವಿವಾಹ?

ಬಾಲನಟನಾಗಿ ಬಳಿಕ ಇದೀಗ ಹೀರೋ ಆಗಿ ಮಿಂಚುತ್ತಿರುವ ನಟನೊಂದಿಗೆ ನಿಹಾರಿಕಾ ಎರಡನೇ ಬಾರಿ ಸಪ್ತಪದಿ ತುಳಿಯಲಿದ್ದಾರೆ ಎನ್ನುವ ಸುದ್ದಿ ಟಾಲಿವುಡ್ ಅಂಗಳದಲ್ಲಿ ಹರಡಿದೆ.

ಯಾರು ಆ ನಟ?

ತರುಣ್ ಜೊತೆ ನಿಹಾರಿಕಾ ಮದುವೆಯಾಗಲಿದ್ದಾರೆ ಎನ್ನುವ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯಾಗುತ್ತಿದೆ. ಈಗಾಗಲೇ ನಿಹಾರಿಕಾ ಅವರ ಕುಟುಂಬ ತರುಣ್ ಜೊತೆ ಈ ಕುರಿತು ಚರ್ಚೆ ನಡೆಸಿದೆ ಎನ್ನಲಾಗಿದೆ. ಆದರೆ ಇದನ್ನು ತರುಣ್ ನಿರಾಕರಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಆಗಿರುವ ಸುದ್ದಿಯಲ್ಲಿ ಯಾವುದೇ ಸತ್ಯಾಂಶವಿಲ್ಲ ಎಂದಿದ್ದಾರೆ. ನಿಹಾರಿಕಾ ಮತ್ತು ಚೈತನ್ಯ ಅವರ ವಿವಾಹ 2020ರಲ್ಲಿ ನಡೆದಿತ್ತು.

ಬಾಲನಟನಾಗಿ ಚಿತ್ರರಂಗ ಪ್ರವೇಶಿಸಿದ ತರುಣ್ ಸದ್ಯ ನಾಯಕನಾಗಿ ನಟಿಸುತ್ತಿದ್ದಾರೆ. ‘ಪ್ರಿಯಮೈನ ನೀಕು’, ‘ನುವ್ವು ಲೆಕ ನೇನು ಲೆನು’, ‘ಪುನ್ನಗಿ ದೇಸಮ್’, ‘ನುವ್ವೇ ನುವ್ವೇ’ ಮುಂತಾದ ಚಿತ್ರಗಳಲ್ಲಿ ಮಿಂಚಿದ್ದಾರೆ.